KZS2 7:20 - LAWA A BOO SONBORE

²⁰ bɛa biikoo li kəni, man die ka papaɛ̃ ma ka bɔ tán kɛ la, má kɔ ka la. Kion mɛn dɔ bɛ́ má ma din tɔ da la, ma á re n la boe bɛ dɔ ganaa a susuu da ǹ màn baa, a yaa da ǹ màn baa tɔrɔn tumaa gɔn.

LAWA A BOO SONBORE 2011

²⁰ bɛa biikoo li kəni, man die ka papaɛ̃ ma ka bɔ tán kɛ la, má kɔ ka la. Kion mɛn dɔ bɛ́ má ma din tɔ da la, ma á re n la boe bɛ dɔ ganaa a susuu da ǹ màn baa, a yaa da ǹ màn baa tɔrɔn tumaa gɔn.

KZS2 7:20 ပူးပေါင်းရင်းမြစ်များ

Kiin1 14:15

Dɛnaa Lawa tá re dɔlɔ boe Izirayeli gána ganaa, a tá re bìn diɛ ka kɔ̀buu bɛ́ bìn diɛ lɔn. Dɛnaa Lawa n die tán sonbore kɛ kuĩ a si Izirayeli minin la, tán mɛn lɛ bɛ́ á kɔ ǹ digolon la. A tá re ǹ sawɛɛ a ǹ kaa Efrati tà kɛ kio, a giala, ǹ nə́ dì gɔnɔn zɛnaa guguru kɔ ǹ mànan lɛa, ǹ nə́ wɔ Dɛnaa Lawa lon.

Kiin1 9:7

bɛa biikoo li kəni, man die, Izirayeli minin lɛn papaɛ̃ ma ǹ bɔ tán kɛ la, má kɔ ǹ la. Kion mɛn dɔ bɛ́ má ma din tɔ da la, ma nə n la boe bɛ dɔ ganaa. Izirayeli tá re suusu da ǹ màn biɛ, a yaa da ǹ màn baa tɔrɔn tumaa gɔn.

Kiin2 17:20

Dɛnaa Lawa Izirayeli tɔrɔn lɛn tumaa tii. Á sìi da ǹ ganaa, á ǹ wɔ basaã-kɔlen gɔn, á tɔ́n nɔmaa á ǹ loo, á ǹ bɔ a yɔrɔ-a ka sɔɔsɔɔ.

KZS2 36:19

Baabilonii minin nə́ tɛ da Lawa a kion lɛ ganaa, ǹ nə́ Zeruzalɛmu a kungɔn wuru, ǹ nə́ tɛ kaa kii kionən lɛn tumaa ganaa kɔnlɛ kaa màn giɔ̀mɔ kakaa din tumaa nɛ.

Loen 44:14

N din nə toɛ, wɔ miãkɛnɛn nə́ sɔ koe wɔ-a, n din nə toɛ, bɛn nə́ wɔ diɛ yaa lɛa, ǹ nə́ wɔ puusə koe.

Loen 52:5

Ma n sii baraa narɛ, á la a bǐɛ̃ nɛ, soɛ n kɔɔ̃nɛ n ganaa, á la sonbore ne. *Doa

Zeremii 12:17

Sɛnɛ, bɛ̀ bɛa tɔrɔn lɛn mɛn nə n too kɔ ma lon wa, man die siɛ ma bɔ a tán la, ma wɔ gɛ̀ gɔn duduu.» Dɛnaa Lawa a da ǹ boo ne.

Zeremii 16:13

Bɛ lɛ nɛ, man die ka lui gána kɛ nɛ. Gána mɛn bɛ́ kaa doɛ̃ wa, ka digolon dɔn dinin nə dɔ̃ wa, ka á re woe walan. Penleen laanka tèlò, ka á re lawa kɔsɔn guguru koe. Ma á re maa bǐɛ̃baa kɛ nyɛɛ ka-n doo wa.»

Zeremii 18:7

Biikoo tɛn li, má màn woɛ̃ laanka a yɔyɔrɛɛ ka a ziziɛ̃ boo da tɔrɔ kɔn hinlaa gána kɔn a paǹ li.

Zeremii 22:8

Tiin mɛnɛn tumaa bɛ́ re kiɛ̃ kunu Zeruzalɛmu kiwi li, ǹ tá re nɔ̀n diɛ ǹ dinin la ǹ nə́ pii: «Wàa na á baa Dɛnaa Lawa sii kɛ miã zɛnaa kiwi gole kɛ nɛ?»

Zeremii 24:9

Ǹ tá re sii a kɔnboe biɛ kanaa a tɔrɔn tumaa li. Bɛ̀ ǹ nə́ ǹ yɛ, ǹ gɔ̀nɔn tá re bìn diɛ. Ma bɛ́ re ǹ lui ma ǹ kaa gánan mɛnɛn nɛ, ǹ tá re sii a kɔnboe biɛ walan, bɛ̀ ǹ tá li ǹ sìi da min ganaa, ǹ min da yaa lɛa, ǹ sɔ kɔ min ganaa hinlaa ǹ lɛn baraa bíi li.

Zeremii 31:28

Má goã má yoo ǹ gialaa, má ǹ woɛ̃, má ǹ ziziɛ̃, má ǹ wuru, má bɔ̀n da ǹ ganaa. Sɛnɛ sisia, man die sii tumaa zɛnɛɛ ǹ nɛ, màn mɛn bɛ́ toɛ ma wusoo ma ǹ dɔ, ma ǹ zumu. Ma din Dɛnaa Lawa a da ǹ boo ne.

Zeremii 44:8

Ka ǹ ma foo yui ká kaa zɛnaa ǹ siin ni. A giala, ka ǹ da yon gìĩ kɔɔ̃n tiɛ̃ dì soreen manɛ Ezipti gána nɛ. Ka ǹ li ka papaã lenlen ka n bɔ gána lɛ nɛ, ka sii a kɔnboe baa kanaa a gánan tumaa yɔrɔ-a lɛn baraa bíi laanka sìi a paǹ li?

Zeremii 45:4

Dɛnaa Lawa boo mɛn da n wɔ paǹ li, bɛ á ke kəni: Ma màn mɛn dɔ, man bɛ wurii, ma màn mɛn zumu, man bɛ wɛ̃, man zɛnɛɛ miɛ̃ gána lɛ tumaa nɛ.

Ezekieli 7:24

Tɔrɔ mɛnɛn bɛ́ babaraa, man die die ka bɛn nɛ, ǹ tá re minin kionən sii ǹ la. Ma á re min kakan kɛn din gole kɔ nyɛɛ, ǹ wúlu bɔ ǹ bǎãn kɛn, ǹ tá re gɔ̀ diɛ bɛn ganaa.

Minin nimi 32:15

Sonbore, bɛ̀ ka kanaa ka n bɔ Dɛnaa Lawa kio, a n die wusii a toa Izirayeli minin nə belebɔ diə gole lɛ nɛ. Bɛa yɔrɔ lɛ la, ka n die zaman kɛ lɛ tumaa bɔ̀n biɛ.

Timəə dí-pɛn 28:37

Dɛnaa Lawa bɛ́ re woe ka nɛ tɔrɔ kɔsɔn mɛnɛn tumaa bii, bɛn tá re n kaãbiɛ kaa sii ganaa, ǹ suusu da ka ganaa, ǹ ka da yaa lɛa.

Timəə dí-pɛn 29:28

Sii mɛn bɛ́ durii ni, bɛ n wɔa Lawa, Dɛnaa Lawa wɔ lɛa. Sɛnɛ, màn mɛn nə n nyaa wɔ dinin laanka wɔa nɛnyaanan manɛ, bɛa sii n wɔ mìi ni yǎa duduu: bɛ n ka dí-pɛ kɛ nɛ, wɔ doamaa nɛ, wɔ kɔ a boon tumaa lɛ.

Zude 1:12

Biikoo mɛn waáraa, bɛ̀ ka á dɔɔ̃nbaa ǹ màn bii kun, soɛ-bɔlen kɛn lɛn man wɔ̀lɔ̀ baraa lɛa kaa sii-zɛnaa ganaa, a giala, ǹsɛn man sii lɛ zɛnɛɛ ka sìi doɛ̃baã nɛ, ǹ nə́ ǹ ba n yiri koɛ ǹ miãn nɛ wa, yǎa ǹ dinin. Maǹ kɔnboe ka labaran mɛnɛn bɛ́ piɛ̃ nə́ ǹ siɛ kiɛ̃ ǹ nɛ, ǹ nə́ ǹ ba la mu koe wa. Maǹ goon dɔn ka dan mɛnɛn bɛ́, ta ǹ nɛ-kɔ waáraa nɛ, ǹ ba nɛ koe wa; dan manɛ, ǹ gòonən nə́ bɔyaa lenlen, ǹ nə́ gã ǹ nə́ laa.