KZS2 7:17 - LAWA A BOO SONBORE

¹⁷ Nsɛ Salomɔn, bɛ̀ ń tɔ wɔ ma yɔrɔ-a ka ń di Davida goã zɛnɛɛ lɔn, man gɔn waa n nɛ ka sii mɛn tumaa nɛ, bɛ̀ ń bɛn zɛnaa, ń maa landa boon laanka maa sii yɔrɔ bɔ ǹ boon kɛn tamaa,

LAWA A BOO SONBORE 2011

¹⁷ Nsɛ Salomɔn, bɛ̀ ń tɔ wɔ ma yɔrɔ-a ka ń di Davida goã zɛnɛɛ lɔn, man gɔn waa n nɛ ka sii mɛn tumaa nɛ, bɛ̀ ń bɛn zɛnaa, ń maa landa boon laanka maa sii yɔrɔ bɔ ǹ boon kɛn tamaa,

KZS2 7:17 ပူးပေါင်းရင်းမြစ်များ

Kiin1 11:38

Ma bɛ́ re n gɔn wɛɛ n nɛ ka sii mɛn tumaa nɛ, bɛ̀ n nə n too kɔ bɛ ganaa, ma bɛ́ re zii mɛn nyɛɛ n nɛ, bɛ́ ń kɔ bɛ lɛ, sii mɛn bɛ́ pepere ma yii li, bɛ̀ ń bɛ zɛnaa, bɛ̀ ń maa landa boon laanka maa gɔn waa ǹ boon kɛn tamaa ka maa dí-nyali Davida zɛnaa lɔn, ma á die goɛ̃ kunun n ni. Ma á die n kion lɛ gòãn we tán ka ma Davida wɔ baa lɔn. Ma á die Izirayeli tɔrɔn biɛ n wɔ lɛa.

Kiin1 2:3

Dɛnaa Lawa, n Lawa lɛ bɔlɔ si. Kɔ Dɛnaa Lawa a ziin lɛ, n na a landa boon tamaa, n na a gɔn waa ǹ boon si, ka a sii yɔrɔ bɔ ǹ boon laanka a da ǹ boon ne, ka a bɛ́ ke á n kiɛ̃ Muizu a dí-pɛn sɛ́wɔ kɛ-n lɔn, màn mɛn bɛ́ toɛ n sii yii bǐɛ̃ kɔ n gɔn, ka sii mɛnɛn tumaa bɛ́ n koa n yɔrɔ-a.

Kiin1 3:14

Bɛ̀ n tá koe masɛ dùũ lɛ, ń masɛ a landa boon laanka maa gɔn waa ǹ boon kɛn tamaɛ, ka n di Davida goã zɛnɛɛ lɔn, masɛ n die nyín sasa koe n la.»

Kiin1 8:25

Sisia kəni, Izirayeli a Lawa, Dɛnaa Lawa, ma di Davida lɛ, n dí-nyali lɛa, n goã ń boo mɛn da bɛ nɛ, a lɛ pã, ka n bɛ́ ń pɛ lɔn, mà bɛ̀ a nɛnyaanan lɛn tɔ wɔ ǹ gɔn pepere kɔ nsɛ yɔrɔ-a ka a din tɔ wɔ lɔn n yɔrɔ-a, mà a din a min ba re nyaabiɛ duduu Izirayeli a kiibaa lɛ la wa.

KZS2 6:16

Sisia kəni, Izirayeli a Lawa, Dɛnaa Lawa, ma di Davida lɛ, n dí-nyali lɛa, n goã ń boo mɛn da bɛ nɛ, a lɛ pã, ka n bɛ́ ń pɛ lɔn mà bɛ̀ a nɛnyaanan lɛn tɔ wɔ ǹ gɔn pepere kɔ nsɛ yɔrɔ-a ka a din tɔ wɔ lɔn n yɔrɔ-a á kɔnpɛ ka n dí-pɛn kɛn nɛ, mà a din a min ba re nyaabiɛ duduu Izirayeli a kiibaa lɛ la wa.

KZS2 7:16

Ma din ni má bɔ má koa a gɔrɔn maa wɔ lɛa, máa ma á re goɛ̃ ma tan a nɛ bii biikoo tumaa li duduu. Ma á re giɛ a walan biikoo tumaa li ka kɔn-narɛɛ gole ne.

KZS2 7:18

bɛa biikoo li, man die barka we n pàã lɛ nɛ Izirayeli minin kiibaa lɛ la, ka ma goã má pɛ ń di Davida lɛ-n lɔn, máa a min ba re nyaabiɛ Izirayeli minin kiibaa lɛ la wa.

Loen 105:45

Á giɛ sii mɛn li, mà yǎa ǹ na asɛ foo sii boon laanka asɛ a dí-pɛn tamɛɛ, ǹ koe ǹ lɛ. Aleluya, ka Dɛnaa Lawa tɔ bɔ!

Loen 119:5

Maa tɔ wɔ ǹ gɔn gɔ́ɔ̃ nɛ, n din ma foo taã, ma boo la ma n foo sii zɛnaa.

Ezekieli 36:27

Ma á re ma din yiri we ka nɛ, ka boo la ka tɔ wɔ a kɔnpɛ ka maa landa boon kɛn nɛ, ka boo la ka maa sii yɔrɔ bɔ ǹ boon kɛn tamaa, ka kɔ ǹ lɛ.

Zakarii 3:7

«Dɛnaa Lawa Pàãyiidɛnaa a lɛ kɔ goon nə́ ke: Ma bɛ́ boo mɛn pii n ni bɛ̀ n bɛ zɛnaa, bɛ̀ n kɔ maa dí-pɛn kɛn lɛ, n tá re maa kion lɛ a nyɛɛnaandɛnaa biɛ, ka a sumun dɔn nɛ. Min mɛnɛn bɛ́ maa dí nyɛɛ kànaa, man die n diɛ kun ka bɛn nɛ.

Zaã a sɛ́wɔ 14:21

«Bɛ̀ min mɛn lɛ kɔ masɛ a dí-pɛn lɛn ganaa, á kɔ ǹ lɛ, bɛa dɛnaa n masɛ narɛ; bɛ̀ min mɛn dɔ tá masɛ narɛ, maa Díi dɔ á re bɛa dɛnaa narɛ, ma dɔ á re bɛa dɛnaa narɛ, ma n din nyaa nɛ.»

Zaã a sɛ́wɔ 15:10

Bɛ̀ min mɛn tá masɛ a boo sii, bɛa dɛnaa á re goɛ̃ masɛ a kɔn-narɛɛ gɔ́ɔ̃ nɛ, ka masɛ bɛ́ má maa Díi a boo si lɔn, má n giã nɛ a kɔn-narɛɛ gɔ́ɔ̃ nɛ.

Timəə dí-pɛn 4:40

Ma bɛ́ a landa boon laanka a gɔn waa ǹ boon mɛnɛn pii ka-n pelo, ka bɛn tamaa. Ka dinin bǐɛ̃-kɔ a lɛa nɛ, ka kaa nɛnyaanan wɔ nɛ, ǹ mɛnɛn bɛ́ re goɛ̃ ka kio. Bɛ á re toɛ dɔn, ka nyin sasa yɛ gána kɛ nɛ, kaa Lawa, Dɛnaa Lawa lɛ n koe ka la yǎa duduu.