KZS2 6:6 - LAWA A BOO SONBORE

⁶ Sɛnɛ man má Zeruzalɛmu bɔ máa ma tɔ goã la. Má Davida bɔ máa a maa zaman Izirayeli a nyɛɛnaandɛnaa baa.»

LAWA A BOO SONBORE 2011

⁶ Sɛnɛ man má Zeruzalɛmu bɔ máa ma tɔ goã la. Má Davida bɔ máa a maa zaman Izirayeli a nyɛɛnaandɛnaa baa.»

KZS2 6:6 ပူးပေါင်းရင်းမြစ်များ

Kiin2 21:4

Á *wúlu bɔ ǹ bǎã kɔsɔn dɔ Dɛnaa Lawa a kion. Bɛa kion kɛ lɛ nɛ, Dɛnaa Lawa goã á boo da a wɔ paǹ li á pɛ: «Man die n tɔ toɛ Zeruzalɛmu kiwi.»

Kiin2 21:7

A goã á Aseeraa nyín mɛn zɛnaa, á bɛ da kion kɛ nɛ, Dɛnaa Lawa goã á ná a boo da Davida laanka a nɛgiĩ Salomɔn nɛ mà asɛ n die n din tɔ toɛ kion kɛ nɛ duduu Zeruzalɛmu kiwi, asɛ kiwi mɛn lɛ yii gɔgɔɔ̃ Izirayeli tɔrɔn bǎãn tumaa bii.

KZS1 17:5

A giala, ma tɔn giã kion wa, a kũ ma Izirayeli bɔ lɛawaa mɛn, li a da kaa pelo lɛ, man má goã bǎãn koe kɔn lɛ, mɔnaa kion ne má giã a nɛ.

KZS1 17:7

Kanna kəni, kɔ pɛ maa dí-nyali Davida nɛ mà Dɛnaa Lawa Pàãyiidɛnaa n kɛ pii: «Man má n kũ tɔɔn lɛduə̃ ǹ bǎã nɛ, tɔɔn kio, máa n maa zaman, Izirayeli mìilandɛnaa baa.

KZS2 12:13

Roboamu a pàã gòã wɔ tán Zeruzalɛmu. Roboamu bɛ́ kii biɛ, bɛ̀ a lɛ̀ pusi ka goon ne. Á pàã yɛ parsiini. A lɛ̀ fulusɔbaa n kiibaa la Zeruzalɛmu, Dɛnaa Lawa kiwi mɛn lɛ bɔ Izirayeli tɔrɔn tumaa bii á ná a din tɔ da la. Ǹ dan nɛ ka Naama nɛ, Amɔn tɔrɔ nɛ.

KZS2 20:8

Ǹ nə́ giã walan, ǹ nə́ Lawa a kion dɔ n wɔ lɛa ǹ nə́ pɛ:

KZS2 30:8

Kanna kəni, ka nyan nə n gòan dii ka kaa díin wɔ bɛ́ lɔn wa, ka n dinin kɔ Dɛnaa Lawa la, ka wusoo ka da Lawa a kion kɛ nɛ, á bɔ á koa a din wɔ lɛa duduu. Ka Dɛnaa Lawa kaa Lawa guguru kɔ, màn mɛn bɛ́ toɛ a na a foo-yoo baraa kɛ saa a bɔ ka la.

KZS2 33:4

Á wúlu bɔ ǹ bǎãn kɔsɔn dɔ Dɛnaa Lawa a kion. Bɛa kion kɛ lɛ nɛ, Dɛnaa Lawa goã á boo da a wɔ paǹ li á pɛ: Man die n tɔ toɛ Zeruzalɛmu kiwi yǎa duduu.

KZS2 6:20

N yii die a goã kɛa kion kɛ lɛ la penleen laanka tèlò ne, bǎã mɛn lɛ á ke ń bɔ n nə́ n tɔ da la. Kanna kəni, n too kɔ maa nyankɔ li kion kɛ nɛ.

KZS2 6:5

«Ma maa zaman Izirayeli minin lɛn waa má soo ǹ ne Ezipti gána nɛ ǹ mɛn pinaa, a kũ bɛa pinaa kɛ lɛ ganaa, ma kiwi kɔn bɔ Izirayeli tɔrɔn bii, ma maa kion dɔ walan ń giɛ ma tɔ á goɛ̃ la wa. Ma min kɔn dɔ bɔ máa a maa zaman Izirayeli a kii baa wa.

KZS2 7:16

Ma din ni má bɔ má koa a gɔrɔn maa wɔ lɛa, máa ma á re goɛ̃ ma tan a nɛ bii biikoo tumaa li duduu. Ma á re giɛ a walan biikoo tumaa li ka kɔn-narɛɛ gole ne.

Ɛsidrasi 7:16

Ka bɛ dɔ nɛ, n bɛ́ re wɔrɔ mɛn tumaa laanka sana mɛn yii Baabilonii gána kuturu lɛ nɛ, wo bɛ dɔ kɔ la, kɔnlɛ ka mànan kɛn nɛ, zaman lɛ laanka Lawa a wúlu-bɔlen lɛn nə́ die boe ǹ foo-a ǹ kɔ, ǹ Lawa a kion lɛ wɔ lɛa Zeruzalɛmu.

Loen 122:2

Kanna, wɔ á ke wɔ́ dɔ Zeruzalɛmu, wɔ á ke golee-n Zeruzalɛmu kiwi.

Loen 132:13

A giala, Dɛnaa Lawa din na á Zeruzalɛmu bɔ, a n li *Siɔn na asɛ a giã ǹ bǎã baa.

Loen 48:1

Koore a minin Lawa tɔ bɔ ǹ loe.

Bɔ bɛ̀rɛbaa nɛ 20:24

Ka *wúlu bɔ ǹ bǎã dɔ ka tii ni masɛ wɔ lɛa, ka wúlu mànan dɛ ka ǹ tã la, ka bii kɔɔ̃n kɔ kɔn ka Lawa nɛ ǹ wúlu mànan nɛ. Ka ǹ bɔ, sèren laanka diin ni. Ma bɛ́ re bǎãn mɛnɛn nyɛɛ, ka ma guguru kɔ ǹ nɛ, ma á re die walan, ma barka da ka ganaa.

Izayii 14:32

Wɔ n die Filisiti minin dia dí-a wolen kɛn lɛ sii lɔn? Wɔ n die pii: Dɛnaa Lawa din na á *Siɔn kiwi koa, a zaman lɛ a doobaan tá re mìi duru ǹ bǎã yii walan.

Zakarii 2:12

Dɛnaa Lawa Pàãyiidɛnaa a da ǹ boo á ke, asɛ mɛn dí gole wɔ ma gɔn, mà ma pɛ tɔrɔn kɛn manɛ ǹ nə́ ka kokoo: «Min woo min yoo ka gialaa, ǹ dɛnaa na á n gɔn sã masɛ din yii ni.

Zakarii 3:2

Dɛnaa Lawa pɛ zɛ̀rɛ da ma la wole lɛ nɛ: «Dɛnaa Lawa nə n lɛ tã, zɛ̀rɛ da ma la wole! Sonbore, á n lɛ tã, asɛ mɛn Zeruzalɛmu bɔ á koa! Yesuwa bie ka gɔn lɛkoro bɛ́ lɔn ǹ nə́ bɔ tɛ-n wa?»

Samayeli1 16:1

Dɛnaa Lawa pɛ Samayeli ni: «Ma n die gɛ̀ wuu pii Sayulu a lɛa n belebɔ nɛ? A da yia, masɛ dinmaa lɛ Sayulu tii, a ba Izirayeli a kii lɛa doo wa. N nyɔɔ kaa ǹ bɛn lɛ pã ka nyɔɔ nɛ, n yoo n zii saa. Zesee mɛn nə́ ke Bɛtlehɛmu min lɛa, ma nə n diɛ bɛ li. A giala, ma doamaa bɛ́ ka kii mɛn nɛ, má bɛ yɛ Zesee a nɛgiĩn bii.»