KZS2 6:18 - LAWA A BOO SONBORE

¹⁸ Lawa á die boe la sonbore a tán baa a giã ǹ bǎã lɛa? Lon lɛ din laanka a golebaa nɛ, bɛ ba a giã ǹ bǎã boe wa, n tɔn kion kɛ pɛ má dɔ!

LAWA A BOO SONBORE 2011

¹⁸ Lawa á die boe la sonbore a tán baa a giã ǹ bǎã lɛa? Lon lɛ din laanka a golebaa nɛ, bɛ ba a giã ǹ bǎã boe wa, n tɔn kion kɛ pɛ má dɔ!

KZS2 6:18 ပူးပေါင်းရင်းမြစ်များ

Kiin1 8:27

Lawa á die boe la sonbore a tán baa a giã bǎã lɛa? Lon lɛ din laanka a golebaa nɛ, bɛ ba a giã ǹ bǎã boe wa, n tɔn kion kɛ pɛ má dɔ!

KZS2 2:5

Ka boo taãnɛ, pàã ba min kɔn lon a kion dɔ a kɔ la wa. Taãn nɛ, lon laanka a golebaa nɛ, a boe la a guĩ wa. Masɛ n die lɛa ma tɔn kion dɔ a wɔ lɛa? Man giɛ máa ma bǎã dinsɔ̃ɔ dɔ, ǹ bɛ́ re wúlu mànan koe la ǹ mɛn nɛ.

KZS2 2:6

Kanna, giĩ mɛn bɛ́ sana, wɔrɔ, zan ka fɔlɔ dí yɔrɔ doɛ̃ parasiini, a n boe la dɔn a mɔnaa wɔ, tã, tã bonbon, tã korebore hinlaa bɔlɔn lɛa, a doamaa nɛ á boe da sɛlɛ dɔ la, bɛ dia ma la. Á re dí nyɛɛ kun maa gɔn dí-nyalin kɛn nɛ, ma di Davida nə ǹ mɛnɛn bɔ ǹ nə́ giã-n Zeruzalɛmu hinlaa bǎã kɔsɔn nɛ Zudaa gána nɛ.

KZS2 32:15

Á bǐɛ̃ kɔ, kanna kəni, ka nyan toa Ezekiasi ka sã a soɛ bɔ ka nɛ ka bɛa yɔrɔ kɛ-n wa. Ka baran n foo doa a ganaa wa. Hayii! Lawa kɔn tɔn yɛ, gána kɔn-a lawa lɛa, á boo la a ná a zaman kirisibaa ma digolon pàã ganaa ka masɛ wɔ-n ma. A bɛ́ miɛ̃, ka dɔn lawan lɛn ba re boe la ǹ ka kirisibaa wa!»

KZS2 6:17

Kanna kəni Dɛnaa Lawa, Izirayeli a Lawa, man gòã-kũ diɛ n ganaa, n lɛ-kɔ mɛn wɔ n dí-nyali Davida nɛ, toa bɛ yɔrɔ yɛ.

KZS2 6:19

Sɛnɛ Dɛnaa Lawa, maa Lawa, n bɔyaa n nə n yɔrɔ dia masɛ la, n too kɔ maa nyankɔ laanka maa gòã-kũ ganaa. N dí-nyali lɛ bɛ́ n lɛ mɛn dii, ma nə n nyankoe, n too kɔ bɛ ganaa.

Zɔbu 4:19

sanparɛ ka min mɛnɛn bɛ́ giã-n tii kionən kɛn nɛ, ǹsɛn mɛnɛn bɛ́ boe tii li, bɛ̀ ǹ nə ǹ puru ka nyuun bɛ́ lɔn.

Zɔbu 9:14

Masɛ n siɛ lɔn ma tɔn a lɛ si? Man die wàa mɛn boo yii ma da nɛ?

Loen 68:18

Lawa a ziabaa ǹ wotoron lɛn man duu gigiã. Dɛnaa Lawa na á yoo Sinayii kele la ka bɛn lɛn nɛ, á daa bǎã sonbore lɛ nɛ.

Izayii 57:15

Min mɛn bɛ́ ǹ ná a guguru koe ǹ ná a laakalɛɛ, a ná a tan duduu, a tɔ n "Sonbore", a bɛ́ boo mɛn pii á ke: Man giã-n bǎã sonbore ne, lon sɔsɔɔ, Sɛnɛ, man kun ka nɔmaa-wolen dɔn nɛ, ka foo ziziɛ̃ wolen ne. Man yiikoonaabaa koe nɔmaa-wɔlen la, ka foo ziziɛ̃ wolen ne.

Izayii 66:1

Dɛnaa Lawa n kɛ pii: Lon nə maa kii dankan lɛa, tán nə maa gòãn kaa ǹ bǎã lɛa. Ka n boe la ka kion mɛn dɔ maa wɔ lɛa? Bǎã mɛn nɛ má n boe la man susu a nɛ.

Zeremii 23:24

Ta min na á n duru dɔndɔɔn nɛ, ma yii na a ganaa. Dɛnaa Lawa a da ǹ boo ne. Man bǎã tumaa nɛ, lon laanka tán. Dɛnaa Lawa a da ǹ boo ne.

Matiə 12:6

Bɛ din tumaa kio, masɛ n pii ka nɛ, màn tá kànaa á gole á la Lawa a kion ne!

Matiə 7:11

Ka laanka kaa baraabaa kɛ din tumaa nɛ, ka tá kaa nɛnyaanan foo dùũ mànan doɛ̃, bɛ̀ ka kɔ ǹ la, sanparɛ ka ka Di Lawa nɛ, bɛ̀ min mɛnɛn nə́ màn sonbore nyankɔ la, á die koe ǹ la!

Nya ǹ dín 17:24

Lawa nɛ, ǹ mɛn bɛ́ á kanaa da ka a gɔ́ɔ̃gɔ́ɔ̃ ǹ mànan nɛ. A n lon a Dɛnaa lɛa ka tán wɔ nɛ, bɛ lɛ nɛ, a ba giɛ̃ minbuiin a gɔn kion doen ne wa.

Korɛnti2 12:2

A lɛ̀ fulusii n ke, má min goon dɔ̃, a n *Krita a min lɛa, a n sii-nyaa lɛa hinlaa, a n taãn lɛa hinlaa, ma a bɛ doɛ̃ wa, sɛnɛ, Lawa dinsɔɔ̃ n doɛ̃. Ǹ nə́ bɛa giĩ lɛ saa ǹ nə́ woo ne, yǎa lon gɔ́ɔ̃ giala-nyɔmɔɔ nɛ.