KZS2 6:14 - LAWA A BOO SONBORE

¹⁴ – Dɛnaa Lawa, Izirayeli a Lawa, lon laanka tán la, lawa kɔn banban ka nsɛ bɛ́ lɔn wa. Lɛ kɔ kɔn la laanka kɔn-narɛɛ mɛn bɛ́ n laanka n zaman lɛ bii, ń bɛ tamaa. N dí-nyalin mɛnɛn bɛ́ tɔ we n yɔrɔ-a ka ǹ foo din tumaa nɛ, n nə n bǐɛ̃ koe bɛn ganaa.

LAWA A BOO SONBORE 2011

¹⁴ – Dɛnaa Lawa, Izirayeli a Lawa, lon laanka tán la, lawa kɔn banban ka nsɛ bɛ́ lɔn wa. Lɛ kɔ kɔn la laanka kɔn-narɛɛ mɛn bɛ́ n laanka n zaman lɛ bii, ń bɛ tamaa. N dí-nyalin mɛnɛn bɛ́ tɔ we n yɔrɔ-a ka ǹ foo din tumaa nɛ, n nə n bǐɛ̃ koe bɛn ganaa.

KZS2 6:14 ပူးပေါင်းရင်းမြစ်များ

Siin Giala 17:1

Abramu lɛ̀ pɔmanangɔrɔwenmanangɔrɔ, Dɛnaa nə́ n din nyaa nɛ, á pɛ nɛ kɛnɛn: «Ma din nə Lawa Pàãyiidɛnaa lɛa. Tɔ wɔ masɛ yɔrɔ-a pepere, zɛ̀rɛ baran goã n ganaa wa.

Siin Giala 33:20

Á *wúlu bɔ ǹ bǎã dɔ walan, á bíi mà "Lawa n Izirayeli a Lawa lɛa".

Siin Giala 35:10

Lawa pɛ nɛ: «Ń tɔ na á goã Zakɔba. Sɛnɛ, ǹ ba re n bíi Zakɔba doo wa, n tɔ n Izirayeli sisia.» Bɛ lɛ nɛ, Lawa ná a tɔ kɔ Izirayeli.

Siin Giala 5:24

A bɛ́ á kɔ Lawa a zii lɛ, Lawa saa á woo-n a din li lon, min yii yɛ doo wa.

Samayeli2 7:22

Dɛnaa Lawa, n din ni maa Lawa lɛa, n din nə gole. Wɔsɛn nə màn mɛn tumaa ma ka wɔ too ne, bɛ n ka kɛ nɛ: «N miã banban, Lawa kɔsɔ banban á kiɛ̃ n din la wa.»

Kiin1 18:36

Wasamiɛ̃n wúlu bɔ biikoo li, Yilii nə́ n zɔ̃ á dɔ wúlu bɔ ǹ bǎã lɛ li, á pɛ: «Dɛnaa Lawa, Abrahamu a Lawa, Izaaki a Lawa, Izirayeli a Lawa, toa minin nə dɔ̃ pelo, mà n din nə Lawa lɛa Izirayeli gána nɛ. Toa ǹ dɔ̃ dɔn, mà masɛ nə n dí-nyali lɛa, ka bɛ dɔ nɛ, ǹ dɔ̃, mà masɛ n má bɛa siin kɛn lɛn tumaa zɛnaa ka n din a boo barka nɛ.

Kiin1 3:6

Salomɔn ná a lɛ si: «Ma di Davida lɛ, n dí-nyali lɛa, ń bǐɛ̃ gole zɛnaa nɛ. A giala, Davida tɔ wɔ kunun n ni ka bɔlɔgoondɛnaabaa nɛ, peperebaa laanka gɔ́ɔ̃ fùbaa nɛ n wɔ paǹ li. Ma nə ń bɛa bǐɛ̃ gole lɛ zɛnaa nɛ, ń nɛgiĩ kɔ la, nɛgiĩ mɛn lɛ á ke a kiibaa lɛ la pelo.

Kiin1 6:12

«Kion kɛ lɛ n tá doe, bɛ̀ ń tɔ wɔ á kɔnpɛ ka maa landa boon ne, ń maa sii yɔrɔ bɔ ǹ boon kɛn sii zɛnaa, ń maa gɔn waa ǹ boon kɛn tamaa ń kɔ ǹ lɛ, ma goã má boo mɛn pɛ n di Davida nɛ, ma á die bɛ zɛnɛɛ n din ni.

Kiin1 8:23

– Izirayeli a Lawa, Dɛnaa Lawa, lon laanka tán la, lawa kɔn banban ka Nsɛ bɛ lɔn wa! Lɛ kɔ kɔnla laanka kɔn narɛ mɛn bɛ́ n laanka n zaman lɛ bii, ń bɛ tamaa. N dí-nyalin mɛnɛn bɛ́ tɔ we n yɔrɔ-a ka ǹ foo din tumaa nɛ, ma n bǐɛ̃ koe bɛn ganaa.

KZS2 20:6

Á pɛ: – Dɛnaa Lawa, wɔ digolon Lawa, n din ni lon, n nə́ tán a gána tumaa mìi la. Kakabaa ka pàã nə n wɔ lɛa. Min kɔn ba boe la a n gòãn dii n ganaa wa.

KZS2 6:17

Kanna kəni Dɛnaa Lawa, Izirayeli a Lawa, man gòã-kũ diɛ n ganaa, n lɛ-kɔ mɛn wɔ n dí-nyali Davida nɛ, toa bɛ yɔrɔ yɛ.

Nehemii 1:5

Má pɛ: – E! Lon a Lawa, Dɛnaa Lawa, Lawa gole, nyɛ́ɛbaaman wole, nsɛ mɛn bɛ́ n lɛ kɔ kɔn la lɛ piɛ̃, ń bǐɛ̃ zɛnɛɛ ǹ narɛɛ wolen laanka ǹ gɔn waa ǹ boon kɛn silin manɛ, ma nə n nyankoe.

Loen 86:8

Dɛnaa, n miã banban lawan bii wa. N bɛ́ dí mɛn nyɛɛ, a zɔɔ̃ kɔn-a banban.

Loen 89:28

Masɛ dɔ n die a dɔ biɛ maa nɛgiĩ gole lɛa, kii lɛa, á n gole á la kanaa a kiin manɛ.

Loen 89:6

Dɛnaa Lawa, toa lon a dia dí-a wolen nə n tɔ bɔ, n kaãbaa ǹ siin zɛnaa a lɛa. Toa min sonbore zaman nə n peperebaa kɛ pɛ.

Loen 89:8

Lon a dia dí-a wolen lɛ-sɔkɔn bǎã nɛ, Lawa, n pàã gole kɛ á nyɛ́ɛ diɛ parsiini, n pàã á gole, á nyɛ́ɛ diɛ á la n lɛnpɛnɛɛ wolen kɛn tumaa nɛ.

Bɔ bɛ̀rɛbaa nɛ 15:11

Dɛnaa, die n ka n bɛ́ lɔn lawan bii? Die n ka n bɛ́ lɔn, a siĩnbaa n yii kɛnɛn? Die n ka n bɛ́ lɔn, màn gole lɛa, màn yii guguru-a dɔ lɛa, a n boe kaãbaa ǹ siin zɛnaa la? Min kɔ́n!

Bɔ bɛ̀rɛbaa nɛ 3:15

Boo da Izirayeli nɛnyaanan lɛn man kɛnɛn: «Dɛnaa Lawa lɛ, ka digolon Lawa lɛa, Abrahamu ni, Izaaki ni ka Zakɔba nɛ, bɛn Lawa kɛ na á ma dia ka li "Dɛnaa" lɛ na a tɔ lɛa yǎa duduu, ka n die bíi miɛ̃ biikoo tumaa li.»

Bɔ bɛ̀rɛbaa nɛ 8:6

Faarahɔn pɛ mà biɛ̃. Muizu dɔ pɛ: «Ka n bɛ́ n pɛ lɔn, man die zɛnɛɛ miɛ̃, màn mɛn bɛ́ toɛ, n dɔ̃ mà min kɔ́n ba n zoɛ̃ kɔn ka wɔsɛn Dɛnaa Lawa lɛ-n wa.

Zeremii 10:16

Sɛnɛ, kanaa tumaa a zɛnaali ke, Zakɔba wɔ gii lɛa, bɛ ba ka ǹ bɛ́ lɔn wa. A wɔ n ka Izirayeli tɔrɔn nɛ. A tɔ n "Dɛnaa Lawa Pàãyiidɛnaa".

Zeremii 10:6

Min kɔn ba ka n bɛ lɔn ma Dɛnaa Lawa. N tá gole, n pàã n tɔ golebaa koe n la.

Luku 1:50

Min mɛnɛn bɛ́ nyɛ́ɛ biɛ a yii ni, a n makara boe bɛn ganaa yǎa duduu.

Luku 1:6

Ǹ dinin min paa goã min peperen lɛa Lawa yɔrɔ-a, maǹ nə́ goã Dɛnaa a dí-pɛn lɛn tumaa bɔlɔ sii taãn-taãnɛ.

Luku 1:72

Mà asɛ n die dí nyɛɛ, a kɔnpɛ a din a lɛ-kɔ kɛ nɛ wɔ digolon ne, mà asɛ yiri a die boe ka bɛa lɛ kɔ kɛ lɛ-n wa.

Timəə dí-pɛn 3:24

«Ma nə n sii kɛ zɛnaa, n tá n golebaa laanka n boo sii la nyɛɛ ma nɛ. A giala, lawa mɛn kɔsɔ bɛ́ boe la a n nya ǹ dín kɛn miã nya, a n tɔ bɔ ǹ siin kɛn zɛnaa, a banban lon wa, a banban tán wa.

Timəə dí-pɛn 4:39

Ka dɔ̃ pelo kəni, ka kũ ka yiri ni, mà Dɛnaa Lawa n Lawa lɛa lon, a din nə Lawa lɛa tán. Bɛ̀ á n bɔ a din ni, lawa kɔsɔ banban.

Timəə dí-pɛn 7:9

Ka toa ka dɔ̃, mà kaa Lawa, Dɛnaa Lawa lɛ din nə Lawa lɛa, Lawa taãn lɛa. Bɔlɔgoondɛnaa nɛ. Min mɛnɛn bɛ́ narɛ, ǹ ná a dí-pɛn kɛn tamaɛ, a na a lɛ kɔ kɔn la ǹ boon kɛn lɛ piɛ̃ bɛn wɔ paǹ li, a bǐɛ̃ zɛnaa ǹ nɛ, yǎa a woe doe nɔ̀ɔ duu gigiã ganaa.

Tesaloniki1 2:12

Wɔ́ ka gù kaa, wɔ́ ka foo taã. Wɔ́ ka nyankɔ parsiini, wáa ka tɔ wɔ a kɔnpɛ ka Lawa foo sii ni, asɛ mɛn bɛ́ lɛ diɛ ka la, mà ka gii yɛ a kiibaa ǹ bǎã laanka a gugurubaa kɛ nɛ.