KZS2 5:13 - LAWA A BOO SONBORE

¹³ Bɛn-pɛlen laanka loe-lɔlen lɛn nə́ kaa kunun ǹ ni, loe goon loe Dɛnaa Lawa tɔ boe ne, ǹ ná a guguru koe. LOE-lɔlin lɛn nə́ loe lɔ, ǹ nə́ bɛ̀ dɛ ǹ mànan dɛ, ǹ nə́ Dɛnaa Lawa tɔ bɔ ka ǹ loen ne: «Dɛnaa Lawa á siĩni, a minin narɛɛ a nyɛɛ duduu wa.» Bɛa biikoo li tɛmaa bara daa Dɛnaa Lawa a kion lɛ pã.

LAWA A BOO SONBORE 2011

¹³ Bɛn-pɛlen laanka loe-lɔlen lɛn nə́ kaa kunun ǹ ni, loe goon loe Dɛnaa Lawa tɔ boe ne, ǹ ná a guguru koe. Loe-lɔlin lɛn nə́ loe lɔ, ǹ nə́ bɛ̀ dɛ ǹ mànan dɛ, ǹ nə́ Dɛnaa Lawa tɔ bɔ ka ǹ loen ne: «Dɛnaa Lawa á siĩni, a minin narɛɛ a nyɛɛ duduu wa.» Bɛa biikoo li tɛmaa bara daa Dɛnaa Lawa a kion lɛ pã.

KZS2 5:13 ပူးပေါင်းရင်းမြစ်များ

KZS1 16:4

Levii tɔrɔn mɛnɛn bɛ́ Lawa a dí nyɛɛ, Davida nə n tɛnɛn bɔ á ǹ giã ǹ bǎã koa Dɛnaa Lawa a goo lɛ yɔrɔ-a, màn mɛn bɛ́ toɛ ǹ yiri gisĩ Dɛnaa, Izirayeli a Lawa nɛ, ǹ na a tɔ bɔ, ǹ na a guguru kɔ:

KZS2 20:21

Bɛ kio, Zozafati laanka zaman lɛ kɔn ma, ǹ nə́ loe-lɔlin koa Dɛnaa Lawa wɔn lɛa. Ǹ dí n ka Lawa tɔ bɔ nɛ, a sonborebaa tumaa gɔ́ɔ̃ nɛ. «Ka loe lɔ ka Dɛnaa Lawa tɔ laakalaa nɛ, a minin narɛɛ lɛ n yǎa duduu!»

KZS2 20:22

LOE-lɔlin lɛn bɛ́ a gialaa gɔ̀lɔ̀baa ǹ loe loe ka foo kɔɔ̃nbaa nɛ ǹ mɛn waáraa, Amɔn minin laanka Moabu minin ka Seyiri kele yii minin mɛnɛn nə da zia baa Zudaa minin ganaa, Dɛnaa Lawa nə́ ǹ lɔlɔkɔn, ǹ dininmaan nə́ kɔn dɛ.

KZS2 7:1

Bɛ kio, Salomɔn bɛ́ á Lawa nyankɔ á nya, tɛ bɔ lon á daa wúlu màn tiɛ̃n laanka wúlu mànan lɛn kũ. Dɛnaa Lawa daa Lawa a kion lɛ pã ka a gugurubaa nɛ.

KZS2 7:2

Lawa a wúlu-bɔlen lɛn ba we Lawa a kion lɛ n doɛ̃ wa, a giala, Dɛnaa Lawa pã ka a gugurubaa nɛ.

KZS2 7:3

Izirayeli minin tumaa tɛ lɛ yɛ boe lon gisĩ ka Dɛnaa Lawa a gugurubaa kɛ nɛ, Lawa a kion lɛ la. Ǹ nə́ n mìi kuməə ǹ nə́ n nyanlɛ doa tán, ǹ nə́ Lawa tɔ laakalaa ǹ loe loe ǹ nə́ pii: «Hiĩ, á bǐɛ̃ biɛ, a minin narɛɛ n duduu wɔ lɛa!»

KZS2 7:6

Lawa a wúlu-bɔlen manə ǹ bǎã nɛ, *Levii tɔrɔn dɔn nɛ ka sàn kɔ ǹ mànan kɛn nɛ Lawa wɔn lɛa, Davida nə́ ǹ zɛnaa Lawa tɔ bɔ á lɛa ǹ nə́ loe siɛ nɛ: «Hiĩ, a minin narɛɛ n duduu wɔ lɛa.» Ǹ yɔrɔ-a, Lawa a wúlu-bɔlen man bɛn pii zaman lɛ tumaa n golee-n lon.

Ɛsidrasi 3:11

Ǹ bɛ́ Dɛnaa Lawa guguru kɔ ǹ loen laanka barka da Dɛnaa Lawa nɛ ǹ loen loe, maǹ nə́ goã siɛ loe-n kun kɛnɛn: «Lawa a siĩni, a kɔn narɛ ba nyɛɛ duduu Izirayeli wɔ paǹ li wa.» Zaman lɛ tumaa goã n lɛ wurii, bɛ̀ ǹ tá Dɛnaa lawa guguru koe, a kion lɛ gòã daa taman yii.

Nehemii 12:27

Zeruzalɛmu a kungɔn lɛ a kɔ Lawa la sii taman yii, ǹ nə́ woo ga Levii tɔrɔn li, ǹ giã ǹ bǎãn tumaa nɛ, ǹ nə́ daa ǹ nɛ Zeruzalɛmu màn mɛn bɛ́ toɛ, ǹ nə n nyɛnyɛɛ ǹ kungɔn lɛ kɔ Lawa la, ǹ Lawa guguru kɔ ǹ loen lɔ, ǹ gɔn pere dɛ ǹ mànan kaa li, ka tùtun laanka kɔnkoɛɛ̃nɛn nɛ.

Loen 100:5

A giala, Dɛnaa Lawa á siĩni, a kɔn-narɛɛ gole kɛ na a tan yǎa duduu, a n bɔlɔgoondɛnaa lɛa biikoo tumaa li.

Loen 106:1

Aleluya, ka Dɛnaa Lawa tɔ bɔ! Ka Dɛnaa Lawa guguru kɔ, a giala a sii á kɔɔ̃nɛ, a kɔn-narɛɛ gole kɛ n goɛ̃ yǎa duduu.

Loen 107:1

Ka barka da Dɛnaa Lawa nɛ, a giala, á siĩni. A kɔn-narɛɛ gole kɛ a nyɛɛ duduu wa.

Loen 118:1

Ka barka da Dɛnaa Lawa nɛ, a giala á siĩni. A kɔn-narɛɛ a nyɛɛ duduu wa.

Loen 150:3

Ka bɛn pɛ ka a tɔ bɔ nɛ, ka tùtu laanka kɔnkoɛɛ̃n dɛ ka a tɔ bɔ nɛ!

Loen 150:5

Ka a tɔ bɔ ka zan màn wuu kɔɔ̃nɔn nɛ, ka a tɔ bɔ ka gɔn pere dɛ ǹ zan màn wuu kɔɔ̃nɔn nɛ!

Loen 22:4

A da yaa, n din lɛ n kii sonbore lɛa, Izirayeli nɛnyaanan bɛ́ kii mɛn guguru koe.

Loen 81:2

Ka n lɛ dɛ, ka n nyɛnyɛɛ wɔ tamaali Lawa nɛ. Ka Zakɔba a Lawa para pɛ.

Bɔ bɛ̀rɛbaa nɛ 29:43

«Man die n diɛ Izirayeli nɛnyaanan lɛ bǎã kɛ lɛ nɛ, ma din bɔ, má maa gugurubaa koa a nɛ.

Izayii 52:8

N too kɔ n bǎã-lɛduə̃lin lon, Ǹ tumaa n foo kɔɔ̃nbaa ǹ lɛ-dɛ we kun. A giala, ǹ yii na a ganaa Dɛnaa Lawa n wusii die Siɔn.

Zeremii 32:39

Ma á re ǹ taasiɛ biɛ goon, ka sii zɛnaa ǹ gɔn goon ne, màn mɛn bɛ́ toɛ, ǹ nyɛ́ɛ baa ma yii ni yǎa duduu. Ka bɛ-n kəni, ǹ tá re yii-nyɛɛ yii, ǹ dinin ni ka ǹ nɛnyaanan dɔn nɛ ǹ kio.

Zeremii 33:11

Bɛa kiwin kɛn lɛn nɛ, zɔ́n bìndiɛn tá re boe, foo kɔɔ̃n lɛ-dɛ nɛ, ka kɔn-wɔle tenən loen ne. Min mɛnɛn bɛ́ die Lawa a kion ka barka da ǹ loen ne, wɔ á re bɛn dɔn lɛ miɛ pii: Ka barka da Dɛnaa Lawa Pàãyiidɛnaa nɛ, a giala á siĩni, a minin narɛɛ a nyɛɛ duduu wa. Hiĩ, ma á re gána lɛ a lɛlɛ ǹ giã ǹ gɔn koe la.» Dɛnaa Lawa na á pɛ.

Nya ǹ dín 4:32

Minbuiin gigiã mɛn din tumaa golee Lawa li, bɛn gɔ́ɔ̃n laanka ǹ taasiɛn man nə́ goã goon, ǹ kɔ́n dɔ goã giɛ a din gɔn màn kɔn-a a din wɔ lɛa wa, sɛnɛ, ǹ tumaa na á goã ǹ gɔn màn yii kiɛ kun.

Rɔmu minin 15:6

Màn mɛn bɛ́ toɛ, ka wɔa Dɛnaa Yezu Krita n Di Lawa lɛ guguru kɔ, ka gɔ́ɔ̃ goon ne, ka lɛn goon ne.

Sii-nyaan 15:8

Bɛ ganaa, Lawa a Kion lɛ pã ka tɛmaa nɛ, Lawa a gugurubaa laanka a pàãyiidɛnaabaa a lɛa. Min kɔ́n boo la, á wɔ Lawa a kion lɛ-n wa, yǎa lon a dia dí-a wole sɔbaan kɛn, ǹ nə́ woo ǹ koe sɔbaa kɛ bɔ ǹ nə́ nya.