KZS2 5:10 - LAWA A BOO SONBORE

¹⁰ Màn kɔn nə goã goo lɛ gɔ́ɔ̃-n wa, bɛ̀ á n bɔ kɔlɔ-sɛlɛɛ paa kɛ lɛ nɛ Muizu goã á ǹ kaa a nɛ Orɛbu, bɛ̀ Dɛnaa Lawa bɛ́ á lɛ-kɔ wɔ Izirayeli minin lɛn la ǹ soo Ezipti gána-n waáraa.

LAWA A BOO SONBORE 2011

¹⁰ Màn kɔn nə goã goo lɛ gɔ́ɔ̃-n wa, bɛ̀ á n bɔ kɔlɔ-sɛlɛɛ paa kɛ lɛ nɛ Muizu goã á ǹ kaa a nɛ Orɛbu, bɛ̀ Dɛnaa Lawa bɛ́ á lɛ-kɔ wɔ Izirayeli minin lɛn la ǹ soo Ezipti gána-n waáraa.

KZS2 5:10 ပူးပေါင်းရင်းမြစ်များ

KZS2 6:11

Kanna goo mɛn lɛ á ke lɛ kɔ kɔn la ǹ boo kɛ ná a nɛ, Dɛnaa nə n lɛ kɔ Izirayeli tɔrɔn la ka ǹ mɛn lɛ nɛ, má bɛ da kion lɛ nɛ.

Bɔ bɛ̀rɛbaa nɛ 19:5

Kanna kəni, bɛ̀ ka tá n too koe ma lon, ka n masɛ a lɛ kɔ kɔn la lɛ tamaɛ, ka á re goɛ̃ ma din wɔn lɛa, ka n masɛ a wúlu-bɔle zaman lɛa. Kanaa din tumaa n masɛ wɔ lɛa. Sɛnɛ, tɔrɔ mɛn bɛ́ ma din wɔ lɛa á la yii ni, ka dinin man bɛa tɔrɔ kɛ lɛ a minin lɛa tɔrɔn tumaa bii.» Bɛa boon kɛn lɛn pɛ Izirayeli nɛnyaanan lɛn manɛ.

Bɔ bɛ̀rɛbaa nɛ 31:18

Dɛnaa bɛ́ á boo da ka Muizu ni Sinayii kele la á nya, bɛ kio kəni, á lɛ kɔ kɔn la ǹ boon kɔlɔ sɛlɛɛ màn paa lɛ kɔ la, Dɛnaa Lawa din boon mɛnɛn kiɛ̃ ka a din gɔn nɛ.

Bɔ bɛ̀rɛbaa nɛ 32:19

Ǹ bɛ́ ǹ nə́ diri giã ǹ bǎã lɛ la, Muizu yii diin nɛ nyín lɛ yɛ, ka zaman lɛ nɛ, bɛ̀ gialaa biɛ. A foo yoo parsiini, á kɔlɔ-sɛlɛɛn lɛn kũ a gɔn, á ǹ zũ, á ǹ yɔyɔrɛ tán kele lɛ genli.

Bɔ bɛ̀rɛbaa nɛ 34:1

Dɛnaa pɛ Muizu ni: «Kɔlɔ màn paa sɛlɛ, ka bibinaa wɔ màn paa kɛ lɛ bɛ́ lɔn. Ma boon mɛnɛn kiɛ̃ bibinaa wɔn kɛn lɛn ganaa, n nə́ ǹ yɔyɔrɛ ke, man die wusii, ma bɛa boon kɛn lɛn kiɛ̃ ǹ dɔn ganaa.

Bɔ bɛ̀rɛbaa nɛ 40:20

Muizu dí-pɛ fù lɛ a kɔlɔ sɛlɛɛn kɛn goa, á ǹ koa goo lɛ gɔ́ɔ̃ nɛ, a ná a bàlàn kaa a ganaa, a ná a lɛpii kɔ lɛ.

Timəə dí-pɛn 29:1

Muizu Izirayeli minin lɛn tumaa bíi, á pɛ ǹ nɛ: – Ka bɛ́ Ezipti gána nɛ, Dɛnaa Lawa siin mɛnɛn zɛnaa *Faarahɔn nɛ, a dí-nyalin ni ka a gána tumaa nɛ, ka dininmaan yii bɛ́ tumaa yɛ.

Ebrəə 9:4

Nyɔɔ gìĩ kɔɔ̃n tã ǹ bǎã sanadɛnaa kɛ na á goã walan, ka *lɛ kɔ kɔn la ǹ goo kɛ nɛ. Maǹ nə́ sana yo, ǹ nə́ kaa bɛa goo lɛ paǹ tumaa la. Bɛa goo lɛ gɔ́ɔ̃ nɛ, sana donkolon na a tan, Lawa goã á màn-bii mɛn kɔ Izirayeli minin la don bii, a tɔ n «maánə», bɛ ná a nɛ. Aarɔn a bàlà mɛn goã á luu pã, bɛ dɔ n Goo lɛ nɛ, ka kɔlɔ-sɛlɛɛn mɛnɛn bɛ́, Lawa a lɛ kɔ kɔn la ǹ boon kɛn nə́ kiɛ̃ nɛ ǹ ganaa.