KZS2 34:3 - LAWA A BOO SONBORE

³ Zoziasi a kiibaa a lɛ̀ kiwisibaa ǹ wɔ li, bɛ̀ á n tɔn nɛ ten lɛa. Á ga li mà a ǹ digolo Davida a Lawa foo sii dɔ̃. A kiibaa lɛ̀ fulupaabaa ǹ wɔ li, á bɔ á mɛ Zeruzalɛmu *yoreen kɔ la, ka Zudaa gána nɛ. Á wúlu bɔ ǹ bǎãn ziziɛ̃, dì gɔnɔn nɛ, dì nyínin tumaa nɛ, fɔlɔ màn yoe lɛa ka gɔn nɛ.

LAWA A BOO SONBORE 2011

³ Zoziasi a kiibaa a lɛ̀ kiwisibaa ǹ wɔ li, bɛ̀ á n tɔn nɛ ten lɛa. Á ga li mà a ǹ digolo Davida a Lawa foo sii dɔ̃. A kiibaa lɛ̀ fulupaabaa ǹ wɔ li, á bɔ á mɛ Zeruzalɛmu *yoreen kɔ la, ka Zudaa gána nɛ. Á wúlu bɔ ǹ bǎãn ziziɛ̃, dì gɔnɔn nɛ, dì nyínin tumaa nɛ, fɔlɔ màn yoe lɛa ka gɔn nɛ.

KZS2 34:3 ပူးပေါင်းရင်းမြစ်များ

Kiin1 13:2

Dɛnaa Lawa boo da ka a boo gii-dali lɛ-n doo, á n toa wúlu bɔ ǹ bǎã lɛ ganaa ka paraa nɛ: – Wúlu bɔ ǹ bǎã! Wúlu bɔ ǹ bǎã! Dɛnaa Lawa n kɛ pii: «Á ke, nɛginin goon tá re yii Davida a sumu-n, a tɔ n die goɛ̃ Zoziasi. Bɛa Zoziasi lɛ tá re wúlu bɔ ǹ bǎã kɛa wúlu-bɔlen dii la, wúlu-bɔlen mɛnɛn lɛn bɛ́ da yon gìĩ kɔɔ̃n tiɛ̃ la. Zoziasi tá re minbuiin nɛ wen tiɛ̃ la.»

Kiin2 10:27

Ǹ bɛ́ ǹ nə́ Baali a tíĩn lɛn ziziɛ̃ ǹ nə́ nya, ǹ nə́ Baali guguru kɔ ǹ kion lɛ dɔ wuru, bɛa bǎã lɛ lalaa kɔ ǹ bǎã baa. Bɛa lalaa kɔ ǹ bǎã lɛ goã yǎa á daa dɔ pelo ganaa.

Kiin2 18:4

A din lɛ na á wúlu bɔ ǹ bǎãn lɛn papaã, á tíĩn yɔyɔrɛ, á dì Aseeraa nyín na kɔn. Muizu goã á miɛ̃ nyín mɛn zɛnaa ka zan nɛ, á bɛ dɔ nana kɔn, a giala Izirayeli nɛnyaanan lɛn man nə́ goã nyɔɔ gìĩ kɔɔ̃n tiɛ̃ tán bɛa miɛ̃ nyín lɛ nyɛɛnɛ, á daa dɔ bɛa biikoo lɛ ganaa. Maǹ nə́ goã miɛ̃ nyin lɛ bíi "Newusutan".

Kiin2 20:5

– N lɛ goa n pɛ maa zaman a kii Ezekiasi lɛ nɛ, mà ǹ di Davida a Lawa, Dɛnaa Lawa lɛ mà kɛnɛn: «Má n nyankɔ lɛ ma. Má n yii mu lɛ yɛ. Á ke, man die n kaka koe. Pelo lɛawaa sɔɔ, n tá re woe Dɛnaa Lawa a kion.

Kiin2 23:14

Bɛ kio, kii lɛ tiĩn yuyu, á dì Aseeraa nyínin nana kɔn. Ǹ goã bǎãn mɛnɛn nɛ, á bɛn pã ka minbuiin wen ne.

Kiin2 23:4

Bɛ kio, kii lɛ tɔ́n pɛ Lawa a wúlu-bɔlen kiã Ilkia nɛ, ka Lawa a wúlu-bɔlen kɛn nɛ koɛ la, ka kiɛnlɛ-lɛduə̃lin ni mà mànan kɛn ǹ nə́ ǹ zɛnaa dì baali wɔ lɛa, ka dì Aseeraa laanka lon gɔ̀nɔn ganaa ǹ mànan kɛn tumaa wɔ lɛa, mà ǹ bɛn tumaa goa, ǹ nə ǹ bɔ Lawa a kion lɛ nɛ. Kii lɛ bɛa mànan kɛn lɛn tã, Zeruzalɛmu kiwi kio, Sedrɔn wurun kɛn gɔ́ɔ̃ nɛ. Á ǹ ton goa, á daa-n Betɛli.

KZS1 22:5

Davida na á goã pii: «Maa nɛgiĩ Salomɔn lɛ á tɔn nɛ ten lɛa, a tɔn sii dɔ̃ wa. Dɛnaa a kion ke die n doe, a tɔ doamaa nɛ a bɔ gána tumaa nɛ a golebaa laanka a siĩnbaa taman yii. Man die a mànan yɔrɔ boe ma ǹ koa nɛ.» Bɛ lɛ nɛ, Davida laan bɛ̀ a n giɛ̃, á sii gigiã yɔrɔ bɔ.

KZS2 14:6

Á pɛ Zudaa minin manɛ: «Wɔ́ ga Dɛnaa Lawa, wɔa Lawa li. Wɔ́ ga li, á yii-nyɛɛ kɔ wɔ la paǹ din tumaa li. Gána lɛ n wɔa wɔ lɛa. Ka daa wɔ kiwin kɛn dɔ, wɔ kungɔnɔn pɛnɛ ǹ ganaa, ka gɔnda ǹ bǎãn nɛ ǹ ganaa, kiɛnlɛn nɛ, ǹ nə́ n soɛ.» Ǹ nə́ boo la ǹ nə́ bɛa kiwin lɛn tumaa dɔ tamɛɛ-n sɔnbɔraanɛ.

KZS2 15:2

Azaria woo kii Azaa li á pɛ nɛ: «Azaa, Zudaa ka Bɛnzamɛn minin, ka tumaa nə n too kɔ ma lon! Dɛnaa Lawa n kun ka nɛ, bɛ̀ ka dɔn tá kun ni. Bɛ̀ ka ga li, á re toɛ ka yɛ. Sɛnɛ, bɛ̀ ka n la bɔ a ganaa, á re n la boe ka-a.

KZS2 30:14

Maǹ ná a giala kɔ dì wúlu bɔ ǹ bǎãn ziziɛ̃ ganaa kiwi lɛ nɛ. Da yon gìĩ kɔɔ̃n tã ǹ bǎãn kɛn, ǹ nə́ ǹ yii tumaa woɛ̃ ǹ nə́ woo kaa Sedrɔn a nyankɔrɔ lɛ kɛ nɛ.

KZS2 33:15

Á ǹ kaa lawa tiin kɛn goa ganaa, ka dì nyín kɛ nɛ á sɛlɛ á da Lawa a kion kɛ nɛ. A *wúlu bɔ ǹ bǎã mɛnɛn dɔ Dɛnaa Lawa a kion a kele kɛ la ka Zeruzalɛmu gɔ́ɔ̃ nɛ, á n tumaa ziziɛ̃. A ná a lɛkaran zũ, á ǹ bɔ kiwi lɛ nɛ.

KZS2 33:17

Ka bɛ nɛ, minin tá tɔn wúlu mànan koe wúlu bɔ ǹ bǎãn nɛ, sɛnɛ maǹ koe Dɛnaa Lawa, ǹ Lawa dinsɔɔ̃ la.

KZS2 33:22

Sii mɛn bɛ́ baraa Dɛnaa Lawa yii li a na á bɛ zɛnaa ka ǹ di Manaasee wɔ bɛ́ lɔn. A n wúlu mànan koe dì nyínin la, ǹ di nə ǹ mɛnɛn lɛn sɛlɛ, á ǹ guguru koe.

KZS2 34:33

Sii babaraa mɛn yii goã n zɛnɛɛ Izirayeli gána nɛ, Zoziasi bɛ tumaa sàabaa. Á kiwin tumaa a minin kaa Dɛnaa Lawa, ǹ Lawa guguru kɔ ganaa. Bɛ lɛ nɛ, a yiikoonaabaa gɔ́ɔ̃ nɛ, Izirayeli minin nə kanaa ǹ nə́ n bɔ Dɛnaa Lawa, ǹ digolon Lawa li wa.

Loen 119:9

Bɛ̀ min tá tɔn ten, a n siɛ lɔn a sii-zɛnaa goã *yoreen ne? Dɛnaa, n din boo mɛn da, yǎa a n yiri koɛ bɛ li.

Loen 71:5

Dɛnaa Lawa, n din nə maa foo doa ǹ bǎã lɛa, ma foo n doa nɛ n din ganaa, a kũ maa boɛɛnmaa ganaa.

Bɔ bɛ̀rɛbaa nɛ 34:13

Sɛnɛ, ka kaa wúlu bɔ ǹ bǎãn dɛ ka ǹ kaa, ka kaa kɔlɔ wɔ tán-an kɛn yɔyɔrɛ, ka kaa dì gɔnɔn kukuru ka ǹ kaa.

Suusun 20:11

Haalɛ nɛ ten, a zɛnaa ǹ siin man a sonborebaa laanka a peperebaa nyɛɛ.

Suusun 8:17

Min mɛnɛn bɛ́ ma narɛɛ, ma dɔ n bɛn narɛ. Min mɛnɛn bɛ́ giɛ ma li, ǹ ba foɛ̃ ma li wa.

Boo-laakalaali 12:1

Sɛnɛ n tɔntɔraabaa biikoo li, n yiri kɔ ka n diɛ wole ne, bɛ̀ koe lɛawaan kɛn nə baa doe, ka lɛ̀n kɛn nɛ, ń die pii mà ǹ sii ba nsɛ-a wa.

Lawa a wúlu-bɔlen 26:30

Bɛ̀ masɛ foo yoo ka li, kaa wúlu bɔ ǹ bǎãn kɛn, ma á re bɛn wurii. Ka tíĩ dadaran mɛnɛn dɔ, ka n wasa guguru koe ne, ma á die bɛn yui. Ma á die ka dininmaan gere kiɛ kɔn la, bɛa dìn kɛn lɛn kɛbɔlɔ lalan. Ka tìĩ á die boe masɛ nyin ni.

Misee 1:5

Zakɔba tɔrɔn kɛn bɔlɔ-tii taman yii ni, kɛ tumaa á die n zɛnɛɛ. Izirayeli minin lɛn sii baraa a lɛa nɛ, kɛ tumaa á die n zɛnɛɛ. Izirayeli gána a bɔlɔ-tii kɛ na á bɔ die li? Samarii kiwi kɛ lɛ sii ni. Zudaa gána a dì wúlu bɔ kɛ na á bɔ die li? Zeruzalɛmu kiwi kɛ lɛ sii ni.

Matiə 6:33

Ka ga *Lawa a kiibaa laanka a peperebaa li bɔrɔ, bɛ kio, Lawa á die bɛa mànan kɛn tumaa koe ka la.

Timote2 3:15

Haalɛ, n nɛnyaanbaa waáraa, n tá Lawa a sɛ́wɔ boo sonboren kɛn doɛ̃. Ǹ tá boe la ǹ yiri kɔ n la, n golee Yezu Krita li, màn mɛn bɛ́ toɛ, n kirisibaa yɛ.