KZS2 33:3 - LAWA A BOO SONBORE

³ Ǹ di Ezekiasi dì bǎã mɛnɛn wuru, á wusoo á bɛn dɔ. Á wúlu bɔ ǹ bǎãn dɔ dì *Baali guguru kɔ ǹ wɔn lɛa. Á dì gɔnɔn zɛnaa, á kaa tán lon gɔ̀nɔn ganaa ǹ mànan kɛn tumaa giulun á ǹ guguru kɔ.

LAWA A BOO SONBORE 2011

³ Ǹ di Ezekiasi dì bǎã mɛnɛn wuru, á wusoo á bɛn dɔ. Á wúlu bɔ ǹ bǎãn dɔ dì *Baali guguru kɔ ǹ wɔn lɛa. Á dì gɔnɔn zɛnaa, á kaa tán lon gɔ̀nɔn ganaa ǹ mànan kɛn tumaa giulun á ǹ guguru kɔ.

KZS2 33:3 ပူးပေါင်းရင်းမြစ်များ

Timəə dí-pɛn 16:21

Ka bɛ́ re *wúlu bɔ ǹ bǎã mɛn doe kaa Lawa, Dɛnaa Lawa wɔ lɛa, ka nyan toa ka dì gɔn kɔn zumu bɛ li wa.

Timəə dí-pɛn 17:3

Ǹ dɛnaa á die woe lawa kɔsɔn guguru koe a kaa tán bɛn giulun, á re kiɛ tán wasa din giulun, mui ni ka lon gɔ́ɔ̃ nɛ ǹ mànan tumaa nɛ. A da yaa, ma bɛ pɛ ka-n wa.

KZS2 31:1

Zɔ́n lɛ bɛ́ á nya, Izirayeli minin mɛnɛn tumaa goã ǹ tan, ǹ tumaa woo Zudaa kiwin ni. Ǹ nə́ tíĩ zumiin yiyiɛ, dì gɔnɔn kɛn, ǹ nə́ bɛn kukuru ǹ nə́ ǹ dìn tumaa ziziɛ̃ ka ǹ wúlu bɔ ǹ bǎãn nɛ. Ǹ nə́ zɛnaa miɛ̃ dɔn Zudaa laanka Bɛnzamɛn gána nɛ, ka Efrayimu laanka Manaasee gána dɔ nɛ. Ǹ bɛ́ ǹ nə ǹ tumaa ziziɛ̃, bɛ kio Izirayeli minin nə́ n bɔyaa ǹ nə́ woo ǹ kiwin ni, didie woo piɛ.

KZS2 30:14

Maǹ ná a giala kɔ dì wúlu bɔ ǹ bǎãn ziziɛ̃ ganaa kiwi lɛ nɛ. Da yon gìĩ kɔɔ̃n tã ǹ bǎãn kɛn, ǹ nə́ ǹ yii tumaa woɛ̃ ǹ nə́ woo kaa Sedrɔn a nyankɔrɔ lɛ kɛ nɛ.

Sofonii 1:5

Min mɛnɛn dɔn bɛ́, dii kalan ǹ tá lon mànan guguru koe ma á re bɛn bɔ̀n biɛ. Min mɛnɛn bɛ́ masɛ guguru koe ǹ wusoo doo ǹ nə n liɛ ka ǹ dì Molɛki ni ma á re bɛn dɔn bɔ̀n biɛ.

Zeremii 19:13

Ǹ tá re *gɔ̀ diɛ Zeruzalɛmu a kionən ganaa ka Zudaa a kii kionən ne ka Tofɛti bɛ́ lɔn. Sonbore, bɛa kionən lɛn kalan la, maǹ nə́ da yon gìĩ kɔɔ̃n tã lon a leere kurun wɔ lɛa, ǹ nə́ duvɛ̃ zumii wúlu màn lɛa lawa tiin la.»

Boo-laakalaali 9:18

Sii-doɛ̃ tá soɛ ziabaa ǹ mànan manɛ. Sɛnɛ baãnaa goon nə sii bǐɛ̃ gigiã ziziɛ̃.

Kiin2 18:4

A din lɛ na á wúlu bɔ ǹ bǎãn lɛn papaã, á tíĩn yɔyɔrɛ, á dì Aseeraa nyín na kɔn. Muizu goã á miɛ̃ nyín mɛn zɛnaa ka zan nɛ, á bɛ dɔ nana kɔn, a giala Izirayeli nɛnyaanan lɛn man nə́ goã nyɔɔ gìĩ kɔɔ̃n tiɛ̃ tán bɛa miɛ̃ nyín lɛ nyɛɛnɛ, á daa dɔ bɛa biikoo lɛ ganaa. Maǹ nə́ goã miɛ̃ nyin lɛ bíi "Newusutan".

Nya ǹ dín 7:42

Bɛ lɛ na á toa, Lawa tɔ́n nə n yɔrɔ bɔyaa á bɔ ǹ la, á ǹ toa ǹ nə́ leeren guguru kɔ. Ka a bɛ́ á n kiɛ̃ Lawa a boo gii-dalin sɛ́wɔ-n lɔn: «Kasɛn Izirayeli minin, lɛ̀ pusi gɔ́ɔ̃ nɛ don bii, ka tɔɔn bɔ *wúlu mànan lɛa, sɛnɛ, ka bie ká ǹ bɔ masɛ ganaa wa.

Zeremii 17:2

Ǹ bɛ́ n taasɛ ǹ nɛnyaanan nɛ lɔn, maǹ nə n taasɛ ǹ wúlu bɔ ǹ bǎãn laanka ǹ dì bìbĩn kɛn nɛ miɛ̃, ka da luu tìtìn kɛn nɛ tentenen mìi ni,

Zeremii 8:2

Ǹ tá re bɛa wen lɛn nyɔmiɛ tán bǎã tumaa nɛ, wasa li, mui yɔrɔ-a ka leere damata kɛn nɛ, ǹ nə́ ǹ narɛ, ǹ nə́ dí nya ǹ nɛ, ǹ nə́ kɔ ǹ lɛ, ǹ nə́ n gɔn nɔɔ ǹ la, ǹ nə́ ǹ guguru kɔ. Bɛ lɛ nɛ, min kɔn ba re ǹ wen goɛ a ǹ kaa yala-n doo wa. Sɛnɛ maǹ die mànan bù biɛ tán la.

Boo-laakalaali 2:19

Bɛa dɛnaa kɛ lɛ n die goɛ̃ baãnaa lɛa hinlaa sii-dɔ̃li lɛa, die n doɛ̃? Ma dí kaka mɛn tumaa nya, ma dí kaka mɛn tumaa nya kanaa kɛ nɛ, ka maa sii-doɛ̃ nɛ, ǹ dɛnaa n die goɛ̃ bɛ mìi la. Bɛ dɔ giala banban.

KZS2 32:12

Taãnɛ, a din kii Ezekiasi lɛ na á dìn laanka ǹ *wúlu bɔ ǹ bǎã papaã. A din na á boo kɛ da Zeruzalɛmu minin manɛ: Ka n die Dɛnaa Lawa guguru koe wúlu bɔ ǹ bǎã goon toto yɔrɔ-a, ka n die *wúlu màn gìĩ koe bɛa bǎã goon kɛ lɛ dinsɔɔ̃ nɛ.

Kiin2 23:11

Zudaa gána a kiin nə goã ǹ nə́ sùin mɛnɛn kɔ wasa la, kii lɛ bɛn papaã. Bɛa sùin lɛn man nə́ goã Lawa a kion lɛ a kiɛnlɛ-a, kunu kii kiodɛnaa Netan-Melɛki a kion kɛ li. Kionən mɛnɛn bɛ́ doa-n Lawa a kion kɛ ganaa, Netan-Melɛki lɛ na á goã walan. Kii lɛ wasa a wotoron kɛn dɔn tã.

Kiin2 21:3

Ǹ di Ezekiasi goã á wúlu bɔ ǹ bǎãn mɛnɛn papaã, asɛ wusoo á bɛn dɔ. Á wúlu bɔ ǹ bǎãn furəə dì *Baali wɔ lɛa. Á bìbì doa, dì Aseeraa nyín lɛa, ka Izirayeli gána a kii Akaabu goã á zɛnaa lɔn. Manaasee kaa tán lon gɔ̀nɔn ganaa ǹ mànan kɛn tumaa giulun á ǹ guguru kɔ.

Kiin1 14:23

Ǹ dɔn man nə́ wúlu bɔ ǹ bǎãn doa, tíĩn ni, bìbìn ni, tentenen sɔsɔrɔ tumaa la, luu buruu bɛ́ da mɛn tumaa la, ka bɛn giulun ni, guguru kɔ ǹ wɔn lɛa.

Timəə dí-pɛn 4:19

Lon gɔ̀nɔn ganaa ǹ mànan kɛn tumaa, wasa nɛ, mui ni ka leeren ne, ka baran n yii saa ka ga bɛ kɔn ganaa wa. Ka nyan toa ǹ ka yiri sã, ka yaa kiɛ tán-a ǹ giulun, mà ka nə ǹ guguru koe wa. A giala, kaa Lawa, Dɛnaa Lawa na á bɛa nya ǹ dín kɛn toa kanaa a tɔrɔ kɔsɔn kɛn tumaa gɔn.

Bɔ bɛ̀rɛbaa nɛ 34:13

Sɛnɛ, ka kaa wúlu bɔ ǹ bǎãn dɛ ka ǹ kaa, ka kaa kɔlɔ wɔ tán-an kɛn yɔyɔrɛ, ka kaa dì gɔnɔn kukuru ka ǹ kaa.

Kiin2 23:4

Bɛ kio, kii lɛ tɔ́n pɛ Lawa a wúlu-bɔlen kiã Ilkia nɛ, ka Lawa a wúlu-bɔlen kɛn nɛ koɛ la, ka kiɛnlɛ-lɛduə̃lin ni mà mànan kɛn ǹ nə́ ǹ zɛnaa dì baali wɔ lɛa, ka dì Aseeraa laanka lon gɔ̀nɔn ganaa ǹ mànan kɛn tumaa wɔ lɛa, mà ǹ bɛn tumaa goa, ǹ nə ǹ bɔ Lawa a kion lɛ nɛ. Kii lɛ bɛa mànan kɛn lɛn tã, Zeruzalɛmu kiwi kio, Sedrɔn wurun kɛn gɔ́ɔ̃ nɛ. Á ǹ ton goa, á daa-n Betɛli.

KZS2 28:24

Mànan mɛnɛn bɛ Lawa wɔn lɛa, Lawa a kion lɛ nɛ, Ahaazi nə́ ǹ tumaa sɔkɔn á ǹ ziziɛ̃ lenlen. Á Lawa a kion lɛ a kiɛnlɛn tã. Bɛ kio á wúlu bɔ ǹ bǎãn dɔ ziin bɔ kɔn-a ǹ bǎã din tumaa nɛ, a din wɔ lɛa Zeruzalɛmu.

KZS2 33:15

Á ǹ kaa lawa tiin kɛn goa ganaa, ka dì nyín kɛ nɛ á sɛlɛ á da Lawa a kion kɛ nɛ. A *wúlu bɔ ǹ bǎã mɛnɛn dɔ Dɛnaa Lawa a kion a kele kɛ la ka Zeruzalɛmu gɔ́ɔ̃ nɛ, á n tumaa ziziɛ̃. A ná a lɛkaran zũ, á ǹ bɔ kiwi lɛ nɛ.

KZS2 33:19

Lawa a boo gii-dali "Ozayii a sɛ́wɔ" kɛ na a Lawa nyankɔ kɛ nyɛɛ, ka Lawa na a lɛ si ka yɔrɔ mɛn nɛ. A tá a sii baraan dɔn boo diɛ ka a bɔlɔgoonbaãdɛnaabaa nɛ Lawa wɔ paǹ li. Manaasee a bǎãn doan nɛ, a dìn doa bǎãn mɛnɛn nɛ, ka dì nyín-sɛlɛn nɛ, Manaasee na á bɛn zɛnaa á tɔn nə n din boɛɛn kɔ Lawa yɔrɔ-a.

KZS2 34:25

Zeruzalɛmu minin nə́ n la bɔ ma ganaa. Ǹ nə́ da yon gìĩ kɔɔ̃n kɔ dìn la. Ǹ zɛnaa ǹ sii tumaa ma foo yoo. Bɛ lɛ nɛ, bɛa foo yoo baraa kɛ á kiɛ Zeruzalɛmu la, a ná a ba n lɛ kuĩ wa.

Zeremii 7:30

«Sii mɛn bɛ́ baraa ma yii li, Zudaa minin man nə bɛ zɛnaa. Kion mɛn bɛ́ ma tɔ n la, ǹ nə́ nyín bɔbɔnɛɛ kaa a nɛ, ǹ nə́ *gɔ̀ da a ganaa. Dɛnaa Lawa a da ǹ boo ne.