KZS2 32:1 - LAWA A BOO SONBORE

¹ Ezekiasi a bɔlɔgoondɛnaabaa nyaa Dɛnaa Lawa-n kio, Asiiriin kii Senankeribu wɔ Zudaa gána nɛ á yoo ka zia-n kiwi tamaɛn kɛn ganaa, a giala a n zoɛ̃ li a ǹ si.

LAWA A BOO SONBORE 2011

¹ Ezekiasi a bɔlɔgoondɛnaabaa nyaa Dɛnaa Lawa-n kio, Asiiriin kii Senankeribu wɔ Zudaa gána nɛ á yoo ka zia-n kiwi tamaɛn kɛn ganaa, a giala a n zoɛ̃ li a ǹ si.

KZS2 32:1 ပူးပေါင်းရင်းမြစ်များ

Kiin2 15:19

Asiirii gána a kii Puli daa gána lɛ si á n kɔ lɛ, sɛnɛ Menaahɛmu wɔrɔ kilo duu pɔsɔɔwensii (34 000) kɔ Puli lɛ la, màn mɛn bɛ́ toɛ a n dɔ lɛ pàã lɛ gòãn nə boo la ǹ wɔ tán a gɔn.

Kiin2 17:6

Ozee a kiibaa lɛ̀ manangɔrɔbaa ǹ wɔ, Asiirii gána a kii lɛ Samarii kiwi si á nɔmɔ a ganaa. Á Izirayeli minin goa á kiɛ̃ ǹ nɛ Asiirii gána nɛ. Á ǹ kaa giã ganaa Halaa kiwi, Habɔɔrɔ tà lɛ-a nɛ, Goozan gána nɛ, ka Mɛdi gána a kiwin ni.

Kiin2 18:11

Asiirii gána a kii lɛ tɔ́n Izirayeli minin goa á kiɛ̃ ǹ nɛ Asiirii gána nɛ, á woo ǹ ne Halaa kiwi, ka Habɔɔrɔ tà lɛ-a nɛ, Goozan gána nɛ, ka Mɛdi gána a kiwi dadaran nɛ.

Kiin2 19:19

Sɛnɛ nsɛ Dɛnaa Lawa ke wɔsɛn Lawa lɛa, wɔsɛn kanbaa Senankeribu ganaa. Dɛnaa, gánan tumaa á die doɛ̃ kəni mà n dinsɔɔ̃ n Lawa lɛa.»

KZS2 32:2

Ezekiasi dɔ̃ mà Senankeribu n zoɛ̃ li a da zia baa Zeruzalɛmu ganaa.

KZS2 35:20

Ǹ kɔn pinaa, Zoziasi a Lawa a kion lɛ zɛnaa kio, Eziptin kii Neko woo Karkemisi kiwi gialaa Efrati tà lɛa. Zoziasi zii saa, á woe a gialaa.

Izayii 10:32

A din pinaa kɛ lɛ nɛ, n zɔ́ɔn lɛn man die golee Nɔbu kiwi, ǹ nə n gɔn pepere Siɔn kele li, ka Zeruzalɛmu tenten ne.

Izayii 36:1

Ezekiasi a kiibaa lɛ̀ fulusiibaa ǹ wɔ li, Asiiriin kii Sanankeribu yoo ka zia nɛ Zudaa gána a kiwi tamaa wolen kɛn tumaa gialaa, á ǹ kũ.

Izayii 37:37

Bɛ lɛ na á toa Asiiriin kii Senankeribu na a zìãn tumaa fore, á n bɔyaa á woo Ninivu, á giã walan.

Ozee 11:5

Izirayeli tɔrɔn lɛn ba re wusii ǹ da Ezipti doo wa, sɛnɛ Asiirii gána kɛ n die goɛ̃ ǹ mìi la, a giala ǹ nə́ n piã mà ǹ ba wusii ǹ da masɛ li wa.

Misee 2:13

Min mɛn lɛ bɛ́ zii buĩ ǹ ni, bɛ lɛ n woe ǹ nyɛɛnɛ. A zii mɛn bũ ǹ ni, ǹ nə́ bɔ ka bɛ nɛ, ǹ nə́ soo. Ǹ kii lɛ mɛ ǹ nyɛɛnɛ, Dɛnaa Lawa mɛ ǹ nyɛɛnɛ.