KZS2 31:2 - LAWA A BOO SONBORE

² Ezekiasi wusoo á Lawa a wúlu-bɔlen laanka *Levii tɔrɔn kurun koa. Á didie tumaa a nya ǹ dí kɔ la, a kuru gɔ́ɔ̃ nɛ: Dɛnaa Lawa bɛ́ giã-n bǎã mɛn nɛ, Lawa a wúlu-bɔlen laanka Levii tɔrɔn man *wúlu màn tiɛ̃, ǹ nə́ zɔɔ da Lawa nɛ ǹ wúlu màn koe walan. Ǹ doamaa nɛ dɔn ǹ nə́ dí nyɛɛ Dɛnaa Lawa nɛ, ǹ nə́ barka diɛ nɛ, ǹ nə́ loe loe ǹ ná a tɔ boe ne Lawa a kion lɛ a kiɛnlɛ-a.

LAWA A BOO SONBORE 2011

² Ezekiasi wusoo á Lawa a wúlu-bɔlen laanka *Levii tɔrɔn kurun koa. Á didie tumaa a nya ǹ dí kɔ la, a kuru gɔ́ɔ̃ nɛ: Dɛnaa Lawa bɛ́ giã-n bǎã mɛn nɛ, Lawa a wúlu-bɔlen laanka Levii tɔrɔn man *wúlu màn tiɛ,̃ ǹ nə́ zɔɔ da Lawa nɛ ǹ wúlu màn koe walan. Ǹ doamaa nɛ dɔn ǹ nə́ dí nyɛɛ Dɛnaa Lawa nɛ, ǹ nə́ barka diɛ nɛ, ǹ nə́ loe loe ǹ ná a tɔ boe ne Lawa a kion lɛ a kiɛnlɛ-a.

KZS2 31:2 ပူးပေါင်းရင်းမြစ်များ

KZS1 16:37

Bɛ kio Davida pɛ Asaafu ni ka Levii tɔrɔ gialakunun kɛn nɛ maa ǹ giã kunu Dɛnaa Lawa a lɛ kɔ kɔn la ǹ goo lɛ li. Walan, ǹ doamaa nɛ ǹ nə dí nya, lɛ kurəə ná a ba la wa, ka ǹ bɛ koɛ kɔn la lɛawaa yii li lɔn.

KZS1 24:1

Aarɔn a nɛgiĩn lɛn kurun nə́ ke: Nadaabu ni, Abiu ni, Eleyazaara nɛ ka Itamaara nɛ.

KZS2 23:8

Lawa a wúlu-bɔle Zozadaa boo mɛn da Levii tɔrɔn lɛn laanka Zudaa minin tumaa nɛ, ǹ nə́ zɛnaa miɛ̃. Kiã gogoonmaa ná a minin sɔkɔn, ǹ mɛnɛn bɛ́ ǹ dí giala koe susu ǹ pii pinaa ka ǹ mɛnɛn bɛ́ ǹ wɔ nyɔmiɛ̃ bɛa pinaa kɛ lɛ nɛ, a giala, Zozadaa susu ǹ pii kɔ kuru sɔɔ lɛ kɔn din la wa.

KZS2 24:14

Dín lɛn bɛ́ ǹ nə́ nya ǹ mɛn waáraa, dí-nyalin goledɛnan lɛn nə́ daa wɔrɔ gialakun lɛ kɔ kii laanka Zozadaa la. Gɔn dí-nyalin nə́ goã Lawa a kion lɛ a dí nya ǹ mànan zɛnɛɛ nɛ: Dí nya ǹ mànan manɛ, *wúlu màn lɛpiɛ̃ kɔ ǹ mànan nɛ, tàanan nɛ ka mànan nɛ sana laanka wɔrɔ lɛa. Zozadaa a yiikoonaabaa tumaa gɔ́ɔ̃ nɛ, Izirayeli minin man nə́ goã wúlu màn lɛpiɛ̃ koe Lawa a kion kɛ nɛ biikoo yii li.

KZS2 31:17

Lawa a wúlu-bɔlen lɛn tɔn man kiɛ̃ nɛ ǹ kion sumu lɛ yii li. Levii tɔrɔn kɛn tɔn man nə n kiɛ̃ a saa lɛ̀ fuə ganaa a wo lon, ǹ nya ǹ dí wɔ paǹ li ka ǹ kuru ni.

KZS2 35:2

Zoziasi wusoo á Lawa a wúlu-bɔlen kaa ǹ bǎã nɛ, á ǹ foo taã maǹ boo la ǹ dí nya Lawa a kion lɛ nɛ.

KZS2 5:11

Wúlu-bɔlen nə́ soo bǎã sonbore sonbore lɛ nɛ. Wúlu-bɔle mɛn tumaa bɛ́ a tan ǹ nə́ goã ǹ nə́ n dinin *yoreen kɔ, bɔnbii-a ná a yɛ a nɛ tanlɛ paǹ li wa.

KZS2 8:14

A kɔnpɛ ka ǹ di Davida a gɔn waa ǹ boon ne, Salomɔn Lawa a wúlu-bɔlen kurun kɛn kaa ǹ dí lɛ la. Á *Levii tɔrɔn dɔn koa, maǹ loe lɔ ǹ Dɛnaa Lawa tɔ́ bɔ nɛ baraabaraa, ǹ nə́ n dɔ Lawa a wúlu-bɔlen kɛn lɛ ǹ dí nyɛɛ gɔ́ɔ̃ nɛ. Kiɛnlɛ-lɛduə̃lin kurun kɛn kiɛnlɛ gogoonmaa lɛduĩ, á bɛn dɔn kaa ǹ dí lɛ la. Lawa a min Davida na á bɛa dí-pɛn lɛn kɔ.

Ɛsidrasi 6:18

Ǹ nə́ Lawa a wúlu-bɔlen lɛn laanka Levii tɔrɔn lɛn dɔn tatala, ǹ nə́ Lawa a dí kɔ didie la Zeruzalɛmu, á kɔnpɛ ka Muizu a sɛ́wɔ kɛ gɔ́ɔ̃gɔ́ɔ̃ ǹ boo ne.

Nehemii 11:17

Misee tɔrɔ Matania ke, Zabdii tɔrɔ lɛa, Azaafu tɔrɔ lɛa, Lawa guguru kɔ ǹ loe nyɛɛnaan-bɔle lɛa Lawa nyankɔ ǹ bǎã nɛ, bɛ nɛ, ka Balbukia kɛ nɛ koɛ la ǹ dɔɔ̃nɔn bii, ka Samuwa tɔrɔ Abdaa kɛ nɛ, Galaati laanka Yedutunu tɔrɔ lɛa.

Loen 134:1

Wɔ Zeruzalɛmu loe. Haya! Ka barka da Dɛnaa Lawa nɛ. Dɛnaa Lawa a dí-nyalin lɛn tumaa, ka barka da Dɛnaa Lawa nɛ. Ka mɛnɛn tumaa bɛ́ nɛn bɛ̀ ka goã a kion lɛ-n tèlò-n, ka barka da Dɛnaa Lawa nɛ.

Zeremii 33:11

Bɛa kiwin kɛn lɛn nɛ, zɔ́n bìndiɛn tá re boe, foo kɔɔ̃n lɛ-dɛ nɛ, ka kɔn-wɔle tenən loen ne. Min mɛnɛn bɛ́ die Lawa a kion ka barka da ǹ loen ne, wɔ á re bɛn dɔn lɛ miɛ pii: Ka barka da Dɛnaa Lawa Pàãyiidɛnaa nɛ, a giala á siĩni, a minin narɛɛ a nyɛɛ duduu wa. Hiĩ, ma á re gána lɛ a lɛlɛ ǹ giã ǹ gɔn koe la.» Dɛnaa Lawa na á pɛ.

Luku 1:5

Zuifun gána a kii Erɔdi a biikoo li, giĩ goon na á goã, a tɔ n Zakarii. A na á goã Lawa a kion wúlu-bɔle goon lɛa, a na á goã kun ka Abiya tɔrɔ a kuru wúlu-bɔlen ne. A lɔ dɔ na á goã wúlu-bɔlen tɔrɔ lɛa, a tɔ n Elizabɛti.

Luku 1:8

Ǹ kɔ́n pinaa, Zakarii na á goã wúlu bɔ ǹ dí nyɛɛ Lawa a kion Zeruzalɛmu kiwi, kɔn boeboe na á dɔ ǹsɛn wúlu-bɔlen kuru ganaa.