KZS2 26:8 - LAWA A BOO SONBORE

⁸ Amɔn tɔrɔn man nyin giɔ̀mɔ sarɛɛ la zia wɔ lɛa. Oziasi pàã yɛ parsiini, a tɔ bɔ yǎa Ezipti gèlè la.

LAWA A BOO SONBORE 2011

⁸ Amɔn tɔrɔn man nyin giɔ̀mɔ sarɛɛ la zia wɔ lɛa. Oziasi pàã yɛ parsiini, a tɔ bɔ yǎa Ezipti gèlè la.

KZS2 26:8 ပူးပေါင်းရင်းမြစ်များ

Siin Giala 12:2

Ma á re n tɔrɔ mɔnɛɛ. Ma á re barka we n ne, ma n tɔ bɔ. Min kɔsɔn wɔ á re bǐɛ̃ koe n wɔ gɔ́ɔ̃ nɛ.

Siin Giala 19:38

Kiɛɛrɛdɛnaa lɛ dɔ́ nɛgiĩ yɛ, á bíi mà Bɛn-Amii. Amɔn minin mɛnɛn bɛ́ ǹ tan pelo, bɛn lɛn digolo n ka bɛ nɛ.

Samayeli2 8:13

Davida bɛ́ á boo Siirii minin lɛn la, á n bɔyɛɛ die piɛ, á Edɔmu minin kɛn min duu fulukiwisi dɛ yìsi nyankɔrɔ basa kɛ nɛ. Davida wusoo á tɔ yɛ bɛ gɔ́ɔ̃ nɛ.

Samayeli2 8:2

Davida boo Moabu minin kɛn dɔn la. A na á goã ǹ kuĩ, bɛ̀ a ǹ naa tán ka pàã nɛ. Bɛ̀ á ǹ nimi min sɔɔ, a n màn paa dii a goon toa walan. Moabu minin lɛn nə́ nɔmaa ǹ nə́ Davida a dí-nyalin baa, ǹ nə́ goã nyin giɔ̀mɔ din sarɛɛ la.

KZS1 14:17

Davida tɔ nə́ n daa gána din tumaa la, Dɛnaa zɛnaa gána tumaa nyɛ́ɛ baa Davida nɛ.

KZS2 17:11

Haalɛ Filisiti minin dinin man die gɔn màn koe Zozafati la, ǹ nə́ wusuru dɔ sarɛɛ ka wɔrɔ nɛ. Larabun dɔn man die ka tɔɔ bisin ni: Sère gɔ̀lɔ̀ duu sɔbaa ka biɛsɔbaa (7 700), ka butumu duu sɔbaa ka biɛsɔbaa nɛ.

KZS2 20:1

Bɛ kio, Moabu minin laanka Amɔn tɔrɔn ka Mehuniti minin nə́ daa zia baa Zozafati ganaa.

KZS2 26:9

Oziasi gɔnda ǹ kionən dɔ Zeruzalɛmu, tamaa nɛ sɔnbɔraanɛ, gùrù ganaa ǹ kiɛnlɛ kɛ lalan, nyankɔrɔ basa kiɛnlɛ kɛ lalan ka kungɔnɔn wɔ kɔnlɛ ǹ bǎã kɛ nɛ gùrù yiɛ lɛa.

KZS2 27:5

Zoatamu zia baa Amɔn tɔrɔn kii ganaa á boo ǹ la. Bɛa lɛ̀ kɛ lɛ-a, Amɔn tɔrɔn lɛn nə́ nyin giɔ̀mɔ saraa Zoatamu la, wɔrɔ tɔnɔ sɔɔ, *belee tɔnɔ duu sɔɔ (3 000) ka *ɔrzi tɔnɔ duu sɔɔ nɛ. Ǹ nə́ bɛa nyin giɔ̀mɔ kɛ lɛ miã saraa a lɛ̀ paabaa ǹ wɔ li ka a sɔɔbaa ǹ wɔ nɛ.

Matiə 4:24

Yezu tɔ bɔ gána lɛ din tumaa nɛ, yǎa á woo dɔ Siirii gána nɛ. Bɛ lɛ na á toa min mɛnɛn bɛ́ ǹ nə́ goã nɔmaa-n busu tɔrɔ gigiã gɔn, busii n die ǹ dii, ǹ nə́ daa ka bɛn nɛ a li. Nɔ̀ɔnɔn bɛ́ ǹ nə́ goã min mɛnɛn ganaa, gigirisandɛnan nɛ, ka min paǹ paa gere-an nɛ, ǹ nə́ daa ka bɛ din tumaa nɛ, Yezu nə́ ǹ busu nya.

Timəə dí-pɛn 2:19

«Ka wo dɔ Amɔn tɔrɔn kɛn bǎã yɔrɔ-a. Ka baran yoo ǹ gialaa, ka zia baa ǹ ganaa wa. Ma a re Amɔn tɔrɔn lɛn gána lɛ a màn kɔn koe ka la, kaa wɔ lɛa wa. A giala, ǹ dɔn man Lɔti tɔrɔn lɛa, má bǎã lɛ kɔ ǹ la ǹ wɔ lɛa.»

Samayeli1 11:1

Naasi n Amɔn tɔrɔ lɛa. Á woo Zaabɛsi kiwi gialaa, Galaati gána nɛ, á kũ. Zaabɛsi minin tumaa pɛ Naasi ni: «Lɛ kɔ, wɔ giã kun ka là nyantoro ne, wɔ á re dí nyɛɛ n nɛ.»