KZS2 26:5 - LAWA A BOO SONBORE

⁵ Oziasi ga Lawa li Zakarii a yiikoonaabaa tumaa waáraa, asɛ mɛn bɛ́ Lawa a sii-yɛn doɛ̃. A goã giɛ li biikoo mɛn tumaa li, Lawa toa a siin ni yɔrɔ yɛ.

LAWA A BOO SONBORE 2011

⁵ Oziasi ga Lawa li Zakarii a yiikoonaabaa tumaa waáraa, asɛ mɛn bɛ́ Lawa a sii-yɛn doɛ̃. A goã giɛ li biikoo mɛn tumaa li, Lawa toa a siin ni yɔrɔ yɛ.

KZS2 26:5 ပူးပေါင်းရင်းမြစ်များ

Siin Giala 41:15

Faarahɔn tɔ́n pɛ Zozɛfu ni: «Má narɛɛ kɔ́n wɔ, min kɔ́n boo la, a ná a binyəə pɛ ma-n wa. Sɛnɛ, má ma, mà bɛ̀ ń min a narɛɛ boon ma, mà ń tá boe la, n ná a binyəə pɛ.»

Siin Giala 41:38

Faarahɔn tɔ́n pɛ ǹ nɛ: «Wɔ á re min kɔsɔ yii ka giĩ kɛ bɛ́ lɔn Lawa Yiri ná a lon?»

Kiin2 15:34

Sii mɛn bɛ́ pepere Dɛnaa Lawa yii li, á bɛ zɛnaa. A na á ná a sii zɛnaa ka ǹ di Oziasi wɔ bɛ́ lɔn ka te.

KZS1 22:11

Kanna kəni, Dɛnaa Lawa giã n li maa nɛ, n boo la n Dɛnaa, n Lawa kion kɛ dɔ ka bǐɛ̃ nɛ, ka a din ni ke á pɛ n wɔ paǹ li lɔn.

KZS1 22:13

N wɔ á re bǐɛ̃ koe bɛ̀ n kɔ dí-pɛn kɛn lɛ ka landa boon kɛn nɛ Dɛnaa nə́ n kɔ Muizu la Izirayeli wɔ lɛa. Toa n goã kaka n foo tã, nyɛ́ɛ nyan nə n kũ wa, n nyan nə n foo ziziɛ̃ wa.

KZS2 14:6

Á pɛ Zudaa minin manɛ: «Wɔ́ ga Dɛnaa Lawa, wɔa Lawa li. Wɔ́ ga li, á yii-nyɛɛ kɔ wɔ la paǹ din tumaa li. Gána lɛ n wɔa wɔ lɛa. Ka daa wɔ kiwin kɛn dɔ, wɔ kungɔnɔn pɛnɛ ǹ ganaa, ka gɔnda ǹ bǎãn nɛ ǹ ganaa, kiɛnlɛn nɛ, ǹ nə́ n soɛ.» Ǹ nə́ boo la ǹ nə́ bɛa kiwin lɛn tumaa dɔ tamɛɛ-n sɔnbɔraanɛ.

KZS2 15:2

Azaria woo kii Azaa li á pɛ nɛ: «Azaa, Zudaa ka Bɛnzamɛn minin, ka tumaa nə n too kɔ ma lon! Dɛnaa Lawa n kun ka nɛ, bɛ̀ ka dɔn tá kun ni. Bɛ̀ ka ga li, á re toɛ ka yɛ. Sɛnɛ, bɛ̀ ka n la bɔ a ganaa, á re n la boe ka-a.

KZS2 24:2

Zozadaa a yiikoonaabaa tumaa gɔ́ɔ̃ nɛ, Zoasi a zɛnaa n sii tumaa goã siĩni Dɛnaa Lawa yɔrɔ-a.

KZS2 25:8

Bɛ̀ ǹ nə́ woo kunun n ni, ta ǹ tá kaka zia la, Dɛnaa Lawa á re n daɛ n zɔ́ɔn nyɛɛnɛ. A giala, a dinsɔɔ̃ n gɔ̀lɔ̀baa koe hinlaa, ǹ boo ka la.»

KZS2 26:4

Sii mɛn bɛ́ siĩni Dɛnaa Lawa yii li, Oziasi na á bɛ zɛnaa ka ǹ di Amasiya bɛ́ lɔn ka te.

KZS2 27:6

Zoatamu pàã yɛ parasii ni, a giala, a n tɔ we Dɛnaa Lawa yɔrɔ-a ka peperebaa nɛ.

KZS2 29:1

Ezekiasi á kii biɛ bɛ̀ a lɛ̀ fuəwensooro ne, á kii baa Zeruzalɛmu lɛ̀ fuəwenmanangɔrɔ. Ǹ dan tɔ n Aabii, Zakarii a nɛlɔ nɛ.

KZS2 32:30

Ezekiasi din dɔ na á Giɔn mu pìã kɛ lɛ tã a na a mu dia tán giulun lɛ̀ nyɛɛn gɔn la "Davida a kiwi". Ezekiasi sii mɛn tumaa lɛ bɔ, a yii bǐɛ̃ kɔ.

Loen 1:3

A n ka da mɛn bɛ́ ǹ nə́ zumu tà lɛ-a, a na a nɛ koe a biikoo li, a luu a bɛbɛnɛ wa. Bɛa dɛnaa kɛ bɛ́ sii mɛn tumaa zɛnɛɛ, a n bǐɛ̃ koe.

Ozee 6:4

Efrayimu tɔrɔn lɛn, man die ka biɛ lɔn? Zudaa minin lɛn, man die ka biɛ lɔn? Kaa kɔn-narɛɛ lɛ n ka baayɛlɛ a la a ti bɛ́ lɔn a golee sawaa-n wa. A n ka pele bɛ́ lɔn baayɛlɛ, a golee kaa-n wa.

Nya ǹ dín 20:30

Haalɛ ka dinin bii, minin tá re yui, ǹ soɛn bɔbɔ ǹ Lawa-nyankɔlen sã, ǹ nə ǹ kaa ǹ dinin kio.

Zozoe 1:7

Yǎa n din nə n gù we yii, n nə n foo taɛ̃ taãn-taãnɛ. Maa dí-nyali Muizu dí-pɛn mɛnɛn tumaa kɔ n la, a toa n zɛnaa ǹ sii tumaa kɔnpɛ ka bɛn lɛn nɛ. N nyan kanaa n zii da n wo gusin wa, n baran wo n gɔsɛ wa, màn mɛn bɛ́ toɛ, n bɛ́ re n gɔn diɛ dí woo dí ganaa, bɛ boo la a bǐɛ̃ kɔ.

Zozoe 1:8

N nyan toa dí-pɛn sɛ́wɔ kɛa boon nə n na n lɛ-a wa. N taasɛ bɛn lɛn ganaa penleen laanka tèlò ne, màn mɛn bɛ́ toɛ, boo mɛn tumaa bɛ́ kiɛ̃ nɛ a nɛ, n toa n zɛnaa ǹ sii tumaa kɔnpɛ ka bɛn nɛ. Bɛ̀ ń zɛnaa miɛ̃, n sii á re woe nyɛɛnɛ, á re bǐɛ̃ dɔ koe.

Sii yɔrɔ-bɔlen 2:7

Zozoe yii goã koo biikoo mɛn tumaa li, min golen mɛnɛn dɔn yii goã koo Zozoe kio ǹ nə́ Dɛnaa Lawa a nya ǹ dí gole kɛ yɛ Izirayeli minin lɛn wɔ paǹ li, zaman lɛ dí nya Dɛnaa Lawa nɛ, bɛn biikoo lɛ tumaa gɔ́ɔ̃ nɛ.