KZS2 26:16 - LAWA A BOO SONBORE

¹⁶ Sɛnɛ, a pàã taman yii, a nə́ n din gole kɔ, bɛ́ tɔn daa ka a mɛnaa nɛ. Á bɔlɔgoonbaãdɛnaa baa Dɛnaa Lawa, a Lawa nɛ. Ǹ kɔn pinaa, á wɔ Lawa a kion mà asɛ n màn gìĩ kɔɔ̃n tiɛ̃ màn gìĩ kɔɔ̃n tã ǹ bǎã kɛ nɛ.

LAWA A BOO SONBORE 2011

¹⁶ Sɛnɛ, a pàã taman yii, a nə́ n din gole kɔ, bɛ́ tɔn daa ka a mɛnaa nɛ. Á bɔlɔgoonbaãdɛnaa baa Dɛnaa Lawa, a Lawa nɛ. Ǹ kɔn pinaa, á wɔ Lawa a kion mà asɛ n màn gìĩ kɔɔ̃n tiɛ̃ màn gìĩ kɔɔ̃n tã ǹ bǎã kɛ nɛ.

KZS2 26:16 ပူးပေါင်းရင်းမြစ်များ

Kiin1 12:33

A goã á wúlu bɔ ǹ bǎã mɛn dɔ Betɛli, á woo walan lɛ̀ a mui kiwisibaa ǹ wɔ a lɛawaa fulusooro. Bɛa lɛawaa lɛ nɛ, á bɔ a mìi gialaa miɛ̃. A na á baa zɔ́n lɛa Izirayeli minin wɔ lɛa, á woo wúlu bɔ walan á màn giĩ kɔɔ̃n tã.

Kiin1 13:1

Sɛnɛ, Dɛnaa Lawa boo da ka a boo gii-dali goon ne, á n toa Zudaa gána nɛ á woo Betɛli. A bɛ́ doe Betɛli, bɛ̀ Zeroboamu n da yon giĩ kɔɔ̃n tiɛ̃ *wúlu bɔ ǹ bǎã nɛ.

Kiin2 14:10

Ń boo Edɔmu minin la, bɛ lɛ a din koa nɛ n tá we, bɛ n taãn lɛa. N gùrùn dii, sɛnɛ, giã n bǎã nɛ! Wàa na á baa n tá ǹ gòãn kiɛ zia nɛ, zia mɛn nə́ ke die bɔ̀n diɛ n ganaa, n din ni kɔnlɛ ka Zudaa minin lɛn nɛ.

Kiin2 15:5

Dɛnaa Lawa gɔ̀nɔn ki busu babaraa da kii lɛ-a, á nɔmaa á giã a gɔrɔn kion goon ne. A na á goã gɔ̀nɔn ki busu babaraadɛnaa lɛa, yǎa á woo kaa a gɛ̀ pinaa lɛ. Zoatamu mɛn nə́ ke kii a nɛgiĩ lɛa, bɛ na á goã kii a sumu laanka zaman lɛ mìi la.

KZS2 12:1

Roboamu a kiibaa gòã bɛ́ á wɔ tán, màn mɛ a pàã li, a kɔ Dɛnaa Lawa a dí-pɛ kɛ lɛ doo wa. Izirayeli zaman tumaa dɔ nə n saa li.

KZS2 25:19

N bɛ́ mà nsɛ boo Edɔmu minin la, bɛ lɛ a lɛa nɛ n tá n din gole koe? A bɛ́ miɛ̃, giã piɛ. Wáa na á baa zia mɛn bɛ́ n ba re n boe a nɛ wa, n tá bɛ giala koe. N din laanka Zudaa a sɔraasin tumaa nɛ, ǹ tá re boe ka la.»

KZS2 26:15

Oziasi gɔn dí-nyali yiridɛnaa goon da mansinin zɛnaa ganaa Zeruzalɛmu, ǹ nə́ ǹ kaa gɔnda ǹ kionən kɛn la ka kungɔn gùrù wɔ kɔnlɛn bǎãn kɛn nɛ. Maǹ boe la, ǹ kiɛ zũ ni ka kɔlɔ dadaran nɛ. Oziasi dɔmalɛ yɛ ǹ miã din da yɛ. Bɛ lɛ nɛ, á pàã yɛ taãn-taãnɛ, a tɔ bɔ bǎã yii ni.

KZS2 27:2

Sii mɛn bɛ́ siĩn Dɛnaa Lawa yii li, Zoatamu na á bɛ lɛ zɛnaa ka te ka a díi Oziasi wɔ bɛ́ lɔn. Asɛ wɔ Dɛnaa Lawa a kion kɛ-n wa. Sɛnɛ, zaman lɛ goã lɛ pii ǹ màn sii.

KZS2 32:25

Sɛnɛ bǐɛ̃ mɛn nə n zɛnaa Ezekiasi ni, a bɛ dɔ̃ wa. Ka bɛ dɔ nɛ, á n piɛ̃ gole kɔ, yǎa Dɛnaa Lawa foo yoo li kɔnlɛ ka Zeruzalɛmu ni, ka Zudaa gána tumaa nɛ.

Suusun 16:18

Din gole kɔ n die mɛnaa nɛ. Din koa n die ka bɔ̀n nɛ.

Abakuku 2:4

Á ke: Min mɛn bɛ́ a pepere wa, bɛa dɛnaa á re mɛnɛɛ. Sɛnɛ, min mɛn bɛ́ pepere, a bɔlɔgoondɛnaabaa n die toɛ a yii goã koo.

Minin nimi 16:1

Levii tɔrɔ goon ne, a tɔ n Koree. Isaara a nɛ nɛ, Keyati a tanlɛ min ni. Bɛa Koree lɛ piã wɔ kun ka Eliabu a nɛ min paa nɛ, Datan laanka Abiramu ni, ka Pelɛti a nɛ Ɔne ne. Ǹ dinin min sɔɔ tumaa n Urubɛn a tanlɛ minin lɛa.

Minin nimi 16:18

Koree laanka a kiodɛnan lɛn nə́ lɛ kɔ: ǹ didie ná a da yon gìĩ kɔɔ̃n kaa ǹ màn saa, á tɛ nàn kaa a nɛ, á da yon gìĩ kɔɔ̃n kaa a lalan, ǹ nə́ daa golee kɔn yɛ ka Lawa nɛ ǹ kion kɛa kiɛnlɛ-a, kun ka Muizu laanka Aarɔn nɛ.

Minin nimi 16:35

Min biɛpaa ka posooro mɛn dɔ goã wúlu boe ka da yon gìĩ kɔɔ̃n lɛ nɛ, Dɛnaa Lawa tɛ dɛ á da bɛn dɔn-a ǹ nə́ kũ ǹ yii n koo.

Minin nimi 16:7

biɛ̃, ka tɛ nàn kaa ǹ nɛ, ka da yon gìĩ kɔɔ̃n kaa a lalan, Dɛnaa Lawa yɔrɔ-a. Dɛnaa Lawa bɛ́ re min mɛn boe, bɛ lɛ n yoreene. Levii a tanlɛ minin lɛn mà bɛ á boe.»

Minin nimi 17:5

Bɛa zɛnaa miɛ̃ kɛ lɛ n Izirayeli minin lɛn yiri diɛ a nɛ, mà bɛ̀ á n bɔ Aarɔn a tanlɛ nɛ, min kɔsɔ doamaa bie a da yon gìĩ kɔɔ̃n tã Dɛnaa Lawa yɔrɔ-a wa. Ń giɛ, sii mɛn nə Koree laanka a kiodɛnan yɛ, bɛ baran ǹ dɛnaa yɛ wa. Sii lɛ tumaa nə́ n zɛnaa, ka Dɛnaa Lawa goã, á Muizu baa zɛlɛ lɛa á pɛn lɔn.

Timəə dí-pɛn 8:14

Sɛnɛ, ka nyan nə n saa bɛ li ka ka dinin gole kɔ, ka yiri bɔ ka kaa Lawa, Dɛnaa Lawa-n wa. A din na á ka waa á ka bɔ Ezipti gána a bɛ̀rɛbaa nɛ.

Timəə dí-pɛn 8:17

Ka nyan taasɛ ka dinin gɔ́ɔ̃ nɛ: mà ka dinin doa laanka ka dinin pàã na á toa, ká bɛa gɔn mànan kɛn lɛn yɛ wa.

Kolɔɔsi minin 2:18

Ka baran toa minin nə koɛ̃ɛn wɔ ka-n wa. Bɛa minin kɛn lɛn man taasɛ, mà ǹsɛn man min dadaran lɛa, ǹ yii wɔlɔ yɛ siin lɛa, maǹ soɛ bɔ ǹ din-gisiĩ narɛ, ka lon a dia dí-a wolen guguru kɔ nɛ. Bɛa minin kɛn tɔrɔ piɛ̃maa-n ka din gole kɔ nɛ, mìi dɔ ba la wa, bɛ̀ á n bɔ ǹ dinin minbuiin nɛbaa ǹ taasiɛ wɔ ǹ gɔn kɛ lɛ nɛ,