KZS2 24:18 - LAWA A BOO SONBORE

¹⁸ Izirayeli minin lɛn nə́ n la bɔ Lawa, ǹ digolon Lawa a kion kɛ ganaa kəni, ǹ nə́ gɔn zumiin laanka dì kooron guguru koe. Bɛa sã kɛ lɛ Lawa foo yoo taãn-taãnɛ Izirayeli minin laanka Zudaa minin paǹ li.

LAWA A BOO SONBORE 2011

¹⁸ Izirayeli minin lɛn nə́ n la bɔ Lawa, ǹ digolon Lawa a kion kɛ ganaa kəni, ǹ nə́ gɔn zumiin laanka dì kooron guguru koe. Bɛa sã kɛ lɛ Lawa foo yoo taãn-taãnɛ Izirayeli minin laanka Zudaa minin paǹ li.

KZS2 24:18 ပူးပေါင်းရင်းမြစ်များ

Samayeli2 24:1

Ǹ kɔn pinaa doo, Dɛnaa Lawa foo wusoo á yoo Izirayeli minin lɛn li. Á Davida nyɛnaa á da ǹ ganaa, á pɛ nɛ: «woo, n Izirayeli minin lɛn laanka Zudaa minin lɛn nimi.»

Kiin1 14:23

Ǹ dɔn man nə́ wúlu bɔ ǹ bǎãn doa, tíĩn ni, bìbìn ni, tentenen sɔsɔrɔ tumaa la, luu buruu bɛ́ da mɛn tumaa la, ka bɛn giulun ni, guguru kɔ ǹ wɔn lɛa.

Kiin1 14:9

Min mɛnɛn tumaa kiɛ̃ n nyɛɛnɛ, ń dí baraa nya á la bɛn manɛ. Ń yoo n nə n daa guguru kɔ ǹ mànan la n nə ǹ zɛnaa ka màn nyínin ni fɔlɔ lɛa, ń ma foo busu. N ma dinmaa lɛ sɛ zũ kio.

KZS2 12:1

Roboamu a kiibaa gòã bɛ́ á wɔ tán, màn mɛ a pàã li, a kɔ Dɛnaa Lawa a dí-pɛ kɛ lɛ doo wa. Izirayeli zaman tumaa dɔ nə n saa li.

KZS2 12:2

Roboamu a kiibaa lɛ soorobaa ǹ wɔ li, Eziptin kii Sisaaki yoo Zeruzalɛmu gialaa ka zia nɛ, a giala, Izirayeli minin lɛn nə bɔlɔgoondɛnan baa Dɛnaa Lawa-n wa.

KZS2 19:2

Lawa a boo gii-dali, Anaanii a nɛgiĩ Zewu daa n da lɛ á pɛ nɛ: «Ma nə́ n woo n dɔ min baraa lɛ. Bɛ na á saa lɔn? Min mɛnɛn bɛ́ Dɛnaa Lawa nə́ ǹ tii, bɛn man kɔɔ̃nɛ nsɛ ganaa? Bɛ lɛ taman yii, Dɛnaa Lawa foo yoo n li.

KZS2 21:13

Sɛnɛ, n giã ǹ gɔn tá baraa á la Izirayelin kiin wɔ nɛ. Ń Zeruzalɛmu laanka Zudaa minin kaa lawa kɔsɔn guguru kɔ ganaa ka Akaabu a kion minin bɛ́ zɛnɛɛ lɔn. N nə́ n dɔɔ̃nɔn dɔn dinin dɛ, n díi a nɛgiĩn. A da yaa dɔn dinin ǹ tá soɛ n nɛ.

KZS2 22:4

Sii mɛn bɛ́ bɔnɛɛ Dɛnaa Lawa yii li, a na á bɛ zɛnaa ka Akaabu a kion minin wɔ bɛ́ lɔn. Ǹ díi a gɛ̀ kio, ǹ dinin man nə́ goã a dorolin lɛa, ǹ nə́ koe bɔ a ganaa.

KZS2 24:17

Lawa a wúlu-bɔle Zozadaa a gɛ̀ kio, Zudaa a kiãn nə́ daa Zoasi li ǹ nə́ kaa tán ǹ lɛ la a yɔrɔ-a. Kii nə́ n too kɔ ǹ doroon boon li.

KZS2 24:4

Bɛ kio, Zoasi golee Lawa a kion kɛ a zɛnaa li.

KZS2 25:15

Bɛ lɛ nɛ, Dɛnaa Lawa foo yoo Amasiya li, á tɔn na a boo gii-dali dia, á pɛ nɛ: «Ma nə́ n bɔyaa ń nə́ n yɔrɔ da Edɔmu minin dìn la, ǹ mɛnɛn lɛn dinin bɛ́ ǹ boo la ǹ nə́ ǹ zaman kirisibaa n ganaa wa. Bɛ mìi kəni?»

KZS2 28:13

Ǹ nə́ pɛ ǹ nɛ: «Ka baran da ka kòso nɛn kɛn nɛ kànaa wa. Ka n die wɔ biɛ zɛ̀rɛ gole dɛnan lɛa Dɛnaa Lawa yɔrɔ-a. Ka ǹ li mà ka màn da wɔa sii baraan laanka wɔa sãn li? A da yaa dɔn, wɔ zɛ̀rɛ nɛ, Dɛnaa Lawa foo n yoo wɔ li parasii ni wɔsɛn Izirayeli minin.»

KZS2 29:8

Bɛ lɛn nɛ Dɛnaa foo yoo Zeruzalɛmu kiwi li ka Zudaa gána tumaa nɛ. Á ǹ baa nyɛ́ɛ da ǹ sii a kɔnboe lɛa, foo saa ǹ màn lɛa, foo ziziɛ̃ ǹ màn lɛa ká yii bɛ́ a ganaa lɔn pelo.

KZS2 32:25

Sɛnɛ bǐɛ̃ mɛn nə n zɛnaa Ezekiasi ni, a bɛ dɔ̃ wa. Ka bɛ dɔ nɛ, á n piɛ̃ gole kɔ, yǎa Dɛnaa Lawa foo yoo li kɔnlɛ ka Zeruzalɛmu ni, ka Zudaa gána tumaa nɛ.

KZS2 34:25

Zeruzalɛmu minin nə́ n la bɔ ma ganaa. Ǹ nə́ da yon gìĩ kɔɔ̃n kɔ dìn la. Ǹ zɛnaa ǹ sii tumaa ma foo yoo. Bɛ lɛ nɛ, bɛa foo yoo baraa kɛ á kiɛ Zeruzalɛmu la, a ná a ba n lɛ kuĩ wa.

Bɔ bɛ̀rɛbaa nɛ 34:12

Ka n dinin kũ, ka bɛ́ woe gána mɛn nɛ, ka baran toa ka lɛ kɔ kɔn la wɔ ka bɛa minin ni wa. Bɛ̀ ka bɛ zɛnaa, bɛ n die kan biɛ ka bii.

Bɔ bɛ̀rɛbaa nɛ 34:13

Sɛnɛ, ka kaa wúlu bɔ ǹ bǎãn dɛ ka ǹ kaa, ka kaa kɔlɔ wɔ tán-an kɛn yɔyɔrɛ, ka kaa dì gɔnɔn kukuru ka ǹ kaa.

Zeremii 17:2

Ǹ bɛ́ n taasɛ ǹ nɛnyaanan nɛ lɔn, maǹ nə n taasɛ ǹ wúlu bɔ ǹ bǎãn laanka ǹ dì bìbĩn kɛn nɛ miɛ̃, ka da luu tìtìn kɛn nɛ tentenen mìi ni,

Ozee 5:14

Man die n biɛ ka yàra bɛ́ lɔn Efrayimu tɔrɔn kɛn ganaa, man baa ka yàra ten bɛ lɔn Zudaa minin ganaa. Ma dinmaa n die ǹ tɔtoɛ̃ ma kiɛ̃. Man die woe ǹ ne, min kɔn dɔ ná a re yii a ǹ si ma la wa.

Efɛɛzi minin 5:6

Ka nyan toa, min kɔ́n ka bebere ka yiri baãnaabaa ǹ boon ne wa. A giala, bɛa sã ǹ siin kɛn lɛn man die toɛ, Lawa foo yoo a lɛ-tiilin li.

Zozoe 22:20

Mànan mɛnɛn doamaa bɛ́ a bie ka goa-n wa, Zeraa a nɛgiĩ Aakan bɛ́ á ǹ goa, Dɛnaa Lawa foo bie á busu Izirayeli zaman lɛ tumaa li á dɔlɔ da ǹ mìi-n wa? Ka bɛ dɔ nɛ, a dinsɔɔ̃ bie á gã a sii baraa kɛ lɛ a zɛnaa taman yii wa.»

Sii yɔrɔ-bɔlen 5:8

Maǹ nə́ goã lawa tiin boe, bɛ lɛ nɛ, zia goã yui ǹ ganaa. Izirayeli giĩ duu pusi bii, á kaka n goóro laanka sɛmiɛ̃ yɛ ǹ gɔn.

Sii yɔrɔ-bɔlen 8:33

Zediɔ̃ a gɛ̀ kio, Izirayeli minin lɛn nə́ wusoo ǹ ná a giala kɔ ǹ nə́ kɔrɔbaa zɛnaa kun ka *Baali dìn kɛn nɛ. Dì lɛ a mɛn bɛ́ ǹ tá bíi Baali-Beriti ǹ nə́ bɛ saa, ǹ nə́ baa ǹ lawa lɛa.