KZS2 22:7 - LAWA A BOO SONBORE

⁷ Lawa bɛa yiikɔmaa lɛ baa koe lɛa Ahaazia ganaa. Sonbore, a bɛ́ á dɔ lɔn gɔrɔ, Ahaazia laanka Zoramu woo n da Nimisi a nɛgiĩ Zewu lɛ. Yǎa Dɛnaa Lawa na á Zewu bɔ á koa kii lɛa mà a Akaabu a kion minin nyin bɔ.

LAWA A BOO SONBORE 2011

⁷ Lawa bɛa yiikɔmaa lɛ baa koe lɛa Ahaazia ganaa. Sonbore, a bɛ́ á dɔ lɔn gɔrɔ, Ahaazia laanka Zoramu woo n da Nimisi a nɛgiĩ Zewu lɛ. Yǎa Dɛnaa Lawa na á Zewu bɔ á koa kii lɛa mà a Akaabu a kion minin nyin bɔ.

KZS2 22:7 ပူးပေါင်းရင်းမြစ်များ

Kiin1 12:15

Kii lɛ nə n too kɔ zaman lɛ lon wa. Dɛnaa Lawa din na á daa ka bɛ nɛ, màn mɛn bɛ́ toɛ a boo lɛ pã, a ǹ mɛn lɛ wɔ Siiloo min Ayia lɛ-n mà a pɛ Nebaati a nɛgiĩ Zeroboamu ni.

Kiin1 12:24

mà Dɛnaa Lawa n kɛ pii: «Ka doamaa bie ka wo zia baa ka dɔɔ̃n Izirayeli minin lɛn ganaa wa. Didie nə n bɔyaa a wo piɛ, a giala, masɛ din ni má sii kɛ lɛ zɛnaa. Ǹ dɔn nə́ Dɛnaa Lawa bɔlɔ si ǹ nə́ n bɔyaa ka Dɛnaa Lawa pɛ ǹ nɛ lɔn.»

Kiin1 19:16

N die n nyɔɔ lɔ Nimisi a nɛgiĩ Zewu ganaa, n koa Izirayeli gána a kii lɛa. Saafaati mɛn bɛ́ boe Abeli-Mewolaa kiwi, n die n nyɔɔ lɔ bɛa nɛgiĩ Yiliizee dɔ ganaa, n koa Lawa a boo gii-dali lɛa n din dòo.

Kiin1 22:20

Dɛnaa Lawa nə́ n toa: «Die n die Akaabu mìi doe li, màn mɛn bɛ́ toɛ a wo zia baa Ramɔti kiwi Galaati gána nɛ, ǹ dɛ walan?» Lon a dí-nyalin lɛn ná a lɛ sisi, kɛn mà kɛnɛn, kɔsɔn dɔn mà kɛnɛn.

Kiin2 10:11

Bɛ kio, min mɛnɛn tumaa bɛ́ tɔn nə ǹ tan Zizereyɛli kiwi, Akaabu a kion minin lɛa, Zewu nə́ ǹ yii dɛ. Akaabu a min dadaran tumaa nɛ, a kɔn doɛ̃ wolen ne, a wúlu-bɔlen ne, Zewu bɛn kɔn yii toa koo wa.

Kiin2 9:21

Zoramu nə́ n toa: «Ka wotoro yɔrɔ bɔ!» Ǹ nə́ tɔ́n na a wotoro yɔrɔ bɔ. Izirayeli gána a kii Zoramu lɛ soo, a laanka Zudaa gána a kii Ahaazia nɛ, didie ná a ziabaa ǹ wotoro ne, ǹ nə́ woo n da Zewu lɛ. Maǹ nə́ woo yǎa Zizereyɛli min Naabɔti a wuru-n.

Kiin2 9:27

Zudaa gána a kii Ahaazia bɛ́ á bɛ yɛ, á Bɛti-Gan zii saa á baa si á woo. Sɛnɛ, Zewu ná a kio loo á pɛ mà ǹ na a dɔ dɛ! Ǹ nə́ tɔ́n dɛ a wotoro ne, ǹ nə́ busu da a ganaa, bɛ á zɛnɛɛ, bɛ̀ a n zii la woe Guuru kele la kunu Yiibleyamu kiwi ganaa. Á baa si á woo Megidoo, á gã walan.

KZS2 10:15

Kii lɛ nə n too kɔ zaman lɛ lon wa. Dɛnaa Lawa din na á daa ka bɛ nɛ, màn mɛn bɛ́ toɛ a boo lɛ pã, a ǹ mɛn lɛ wɔ Siiloo min Ayia lɛ-n mà a pɛ Nebaati a nɛgiĩ Zeroboamu ni.

KZS2 22:6

Á n bɔyaa á woo dagòã da a din ganaa Zizereyɛli, a giala mà gɔn kũ Ramaa, a wo zia baa Siiriin kii Azayeli ganaa lɛ gɔ́ɔ̃ nɛ. Bɛ lɛ nɛ, Ahaazia woo n yii kɔ Zoramu ganaa bɛa kiwi lɛ nɛ, a giala busu lɛ a kaka a ganaa.

Loen 9:16

Tɔrɔ kɔsɔn nə nyankɔrɔ mɛn fɔ̃, ǹ dinin nə́ bɔ ǹ nə́ kaa a nɛ. Ǹ biɛ mɛn koa, á ǹ dinin kũ.

Suusun 16:9

Minbuiin nɛn manə ǹ zii boe, sɛnɛ, Dɛnaa Lawa n tɔ wɔ bǐɛ̃ koe.

Izayii 46:10

A kũ kanaa giala kɔ waáraa ganaa, sii mɛn bɛ́ re n zɛnɛɛ, man bɛ pii. Sii mɛn bɛ́ a tɔ nə n zɛnaa wa, man siɛ lɛlɛ ma bɛ pɛ. Man pii: Ma siin mɛnɛn koa ma yɔrɔ-a, bɛn man yɔrɔ yii. Sii mɛn tumaa bɛ́ kɔɔ̃n ma ganaa, man bɛ zɛnɛɛ.

Ozee 14:9

Efrayimu, maa wàa n kɔn ka dìn kɛn nɛ doo. Ma din nə n lɛ sii, ma din nə n lɛduĩ. Masɛ n ka siprɛsi da bɛ́ lɔn, ma luu n tì biikoo yii li. N nɛ kɔ n boe masɛ li.

Timəə dí-pɛn 32:35

Ma din nə gɛ̀ dòo boe, ma din nə dòo sarɛɛ. Bɛ̀ ǹ nə́ sã ǹ nə́ wɔ ma lon ǹ mɛn pinaa, ǹ bɔ̀n baa pinaa na á dɔ. Sii mɛn nə n yɔrɔ bɔ ǹ wɔ lɛa, bɛa re n lɔloɛ wa.

Zozoe 11:20

A giala, Dɛnaa Lawa din na á ǹ foo laa, á ǹ kaa kɔn ka Izirayeli minin lɛn nɛ. A na á goã giɛ li, bɛn nə ǹ dɛ ǹ nə ǹ nya lenlen, ǹ nə́ ǹ ba n tɛn toɛ ǹ nɛ wa, ka Dɛnaa Lawa goã á pɛ Muizu-n lɔn.

Sii yɔrɔ-bɔlen 14:4

Ǹ di laanka ǹ dan goã doɛ̃, mà bɛa sii lɛ n boe Dɛnaa Lawa li wa. A giala, Dɛnaa Lawa na á goã giɛ gɔn kũ ǹ bǎã li, a yoo Filisiti minin lɛn gialaa. Bɛa biikoo li, Filisiti minin lɛn man nə́ goã Izirayeli minin lɛn mìi la.