KZS2 22:5 - LAWA A BOO SONBORE

⁵ Á kɔ ǹ doroo lɛ, á woo kun ka Izirayelin kii Akaabu a nɛgiĩ Zoramu ni, ǹ nə́ woo zia baa Siiriin kii Azayeli ganaa, Ramɔti kiwi Galaati gána nɛ. Zia lɛ gɔ́ɔ̃ nɛ, Siirii minin gɔn nə́ Zoramu kũ.

LAWA A BOO SONBORE 2011

⁵ Á kɔ ǹ doroo lɛ, á woo kun ka Izirayelin kii Akaabu a nɛgiĩ Zoramu ni, ǹ nə́ woo zia baa Siiriin kii Azayeli ganaa, Ramɔti kiwi Galaati gána nɛ. Zia lɛ gɔ́ɔ̃ nɛ, Siirii minin gɔn nə́ Zoramu kũ.

KZS2 22:5 ပူးပေါင်းရင်းမြစ်များ

Kiin1 22:3

Izirayeli gána a kii lɛ na á goã á pɛ a dí-nyalin manɛ kɛnɛn: «Ka á doɛ̃, mà Ramɔti kiwi lɛ, Galaati gána nɛ, mà wɔsɛn dinin wɔ nɛ. Sɛnɛ wɔ n tán wɔ́ n wɔ ba sii Siirii gána a kii lɛ la wa!»

Kiin1 4:13

Gebɛɛrɛ a nɛgiĩ na á goã Ramɔti mìi la, Galaati gána nɛ. Manaasee a nɛgiĩ Yayiiri a kiwin mɛnɛn bɛ́ Galaati gána nɛ, á goã bɛn mìi la, ka kiwi dadara pɔsɔrɔ dɔ nɛ, Argɔbu gɔn li Basan gána nɛ. Kungɔn goã pɛnɛɛ nɛ bɛa kiwi pɔsɔrɔ lɛ gogoonmaa ganaa, a kiɛnlɛn nə́ n soɛ doɛ̃ kaka ka zan bàbàlan nɛ.

Kiin2 3:1

Akaabu a nɛgiĩ Zoramu kii baa Izirayeli gána mìi la, Samarii kiwi, Zudaa gána a kii Zozafati a kiibaa lɛ̀ fulukiwisibaa ǹ wɔ li. Zoramu na á kiibaa zɛnaa lɛ̀ fulupaa.

Kiin2 8:9

Azayeli dɔ woo bɔ Yiliizee li. A bɛ́ woe, màn mɛn yii á ke a siĩnbaa miã ná a banban Damaasi kiwi wa, a na á woo ka bɛ nɛ a gɔn, bǐɛ̃baa ǹ màn lɛa. Bɛa mànan lɛn man kɔnpii ka nyɔɔmaa pusi a guĩ ni. Azayeli bɛ́ á dɔ, á golee Yiliizee yɔrɔ-a á pɛ: – N nɛgiĩ Bɛn-Adaadi lɛ, Siirii gána a kii lɛa, bɛ na á masɛ dia die pii n ni: «Mà asɛ á die n boe busu kɛ nɛ asɛ la?»

Kiin2 9:1

Lawa a boo gii-dali Yiliizee lɛ dia Lawa a boo gii-dalin lɛn min goon la á pɛ nɛ: N binbin kũ n nyɔɔ màn kɛ saa n gɔn, n wo Ramɔti kiwi Galaati gána nɛ.

KZS2 18:3

Izirayelin kii Akaabu nɔ̀n da Zudaa n kii Zozafati la: «N tá lɛ koe n da zia baa Ramɔti kiwi Galaati gána nɛ kun ka masɛ nɛ?» Zozafati ná a lɛ si kɛnɛn: «Wɔ n màn goon lɛa, nsɛ ka masɛ nɛ. Maa zaman nə n zaman lɛa, ma á woe zia biɛ kunun n ni.»

KZS2 18:31

Ziabaa ǹ wotoro nyɛɛnaandɛnan lɛn bɛ́ ǹ nə́ Zozafati yɛ, ǹ nə́ pɛ: «Izirayelin kii lɛ n ka kɛ nɛ.» Ǹ nə́ tele a ganaa ka zia nɛ, sɛnɛ, Zozafati nə́ n lɛ dɛ. Dɛnaa Lawa daa a gu ganaa, á ǹ lɛ goa á ǹ bɔ li.

KZS2 19:2

Lawa a boo gii-dali, Anaanii a nɛgiĩ Zewu daa n da lɛ á pɛ nɛ: «Ma nə́ n woo n dɔ min baraa lɛ. Bɛ na á saa lɔn? Min mɛnɛn bɛ́ Dɛnaa Lawa nə́ ǹ tii, bɛn man kɔɔ̃nɛ nsɛ ganaa? Bɛ lɛ taman yii, Dɛnaa Lawa foo yoo n li.

KZS2 22:6

Á n bɔyaa á woo dagòã da a din ganaa Zizereyɛli, a giala mà gɔn kũ Ramaa, a wo zia baa Siiriin kii Azayeli ganaa lɛ gɔ́ɔ̃ nɛ. Bɛ lɛ nɛ, Ahaazia woo n yii kɔ Zoramu ganaa bɛa kiwi lɛ nɛ, a giala busu lɛ a kaka a ganaa.

Loen 1:1

Min mɛn bɛ́ a ba n too koe min baraan boo li wa, a ná a ba sii baraa-zɛnaalin lɛn zoɛ̃ wa, a ná a ba n mɔrɛ Lawa da yaa lɛa wolen ganaa wa, bɛa dɛnaa wɔ na á bǐɛ̃ kɔ.

Misee 6:16

Ɔmuri a landa sii kɔrɔn kɛn, a nɛ Akaabu a kion minin zɛnaa ǹ sii gɛsɛn kɛn tumaa, ka gɔn nə paraa-n bɛn lɛn ganaa. Bɛ lɛ a lɛa nɛ, ma á die kaa gána lɛ yui. Kaa kiwi minin kɛn, ǹ tá re bɛn diɛ yaa lɛa. Sìi sii mɛn bɛ́ re maa zaman lɛ yii, a guĩ á re doe ka ganaa.