KZS2 20:34 - LAWA A BOO SONBORE

³⁴ Zozafati a sii zɛnaa kɔsɔn kɛn, a saa a bibinaa ganaa a wo a giala nyɔmiɛ̃ yaa, bɛn tá kiɛ̃ nɛ Anaanii a nɛgiĩ Zewu a siin sɛ́wɔ nɛ. Bɛa sɛ́wɔ kiɛ̃n kɛn lɛn tá Izirayelin kiin sɛ́wɔ nɛ.

LAWA A BOO SONBORE 2011

³⁴ Zozafati a sii zɛnaa kɔsɔn kɛn, a saa a bibinaa ganaa a wo a giala nyɔmiɛ̃ yaa, bɛn tá kiɛ̃ nɛ Anaanii a nɛgiĩ Zewu a siin sɛ́wɔ nɛ. Bɛa sɛ́wɔ kiɛ̃n kɛn lɛn tá Izirayelin kiin sɛ́wɔ nɛ.

KZS2 20:34 ပူးပေါင်းရင်းမြစ်များ

Kiin1 14:19

Zeroboamu sii gialakunun mɛnɛn zɛnaa, ziabaa laanka kiibaa wɔ paǹ li, bɛ yii tá kiɛ̃ nɛ sɛ́wɔ kɛ nɛ boo diɛ Izirayeli minin kiibaa wɔ gɔn la.

Kiin1 16:1

Dɛnaa Lawa boo da ka Anaanii a nɛgiĩ Lawa a boo gii-dali Zewu ni. A boo lɛ yɔrɔ na á goã dia-n Bayesaa la:

Kiin1 16:12

Zimri Bayesaa a kion minin tumaa dɛ, á kɔnpɛ ka Dɛnaa Lawa a boo kɛ nɛ, á na á boo gii-dali Zewu da a pɛ ganaa Bayesaa wɔ paǹ li.

Kiin1 16:7

Dɛnaa Lawa a boo mɛn lɛ yɔrɔ bɛ́ dia-n Bayesaa laanka a kion minin la, Anaanii a nɛgiĩ Zewu, Lawa a boo gii-dali lɛ na á bɛ pɛ, Bayesaa a sii baraan taman yii, a wɔ Dɛnaa Lawa lon ka ǹ mɛnɛn lɛn nɛ. A sii baraa mɛn zɛnaa ka Zeroboamu goã á zɛnaa lɛlɛ lɔn, a bie á Dɛnaa Lawa foo busu ka bɛ dinsɔɔ̃-n wa, a Zeroboamu a kion minin dɛ kɛ dɔ sii tá a nɛ.

Kiin1 22:45

Zozafati goã là nyantoro la, a laanka Izirayeli gána a kii bii ni.

KZS2 12:15

Roboamu a sii tumaa, a kũ a bibinaa ganaa a wo a giala nyɔmiɛ̃ yaa, ǹ tá kiɛ̃ nɛ "Lawa a boo gii-dali Semayia ka sii-dɔ̃li Idoo a siin sɛ́wɔ nɛ". Roboamu laanka Zeroboamu goã kɔn ka zia-n biikoo yii tumaa li.

KZS2 13:22

Abiya a nya ǹ dí gialakunun kɛn, a dí mɛn yii nya, a boo mɛn yii da, bɛn tá kiɛ̃ nɛ «Lawa a boo gii-dali Idoo a yiri gisĩ ǹ siin sɛ́wɔ kɛ nɛ.»

KZS2 16:11

Azaa a sii kɔsɔn kɛn, a kũ a bibinaa ganaa a wo a giala-nyɔmiɛ̃ yaa, ǹ ta kiɛ̃ nɛ Zudaa laanka Izirayeli a kiin sɛ́wɔ nɛ.

KZS2 16:7

Bɛa waáraa, Lawa a boo gii-dali Anaanii daa Zudaan kii Azaa yaa á pɛ nɛ: «N bɛ n nə́ n foo doa Siiriin kii ganaa, n nə́ n nə n foo doa Dɛnaa Lawa, n Lawa ganaa wa, bɛ lɛ n die toɛ Siiriin kii a sɔraasin nə n si n la.

KZS2 19:2

Lawa a boo gii-dali, Anaanii a nɛgiĩ Zewu daa n da lɛ á pɛ nɛ: «Ma nə́ n woo n dɔ min baraa lɛ. Bɛ na á saa lɔn? Min mɛnɛn bɛ́ Dɛnaa Lawa nə́ ǹ tii, bɛn man kɔɔ̃nɛ nsɛ ganaa? Bɛ lɛ taman yii, Dɛnaa Lawa foo yoo n li.

KZS2 25:26

Amasiya a siin kɔsɔn kɛn, a kũ a bibinaa ganaa a wo a giala nyɔmiɛ̃ yaa, bɛn tá kiɛ̃ nɛ Zudaa laanka Izirayelin kiin sɛ́wɔ nɛ.