KZS2 2:6 - LAWA A BOO SONBORE

⁶ Kanna, giĩ mɛn bɛ́ sana, wɔrɔ, zan ka fɔlɔ dí yɔrɔ doɛ̃ parasiini, a n boe la dɔn a mɔnaa wɔ, tã, tã bonbon, tã korebore hinlaa bɔlɔn lɛa, a doamaa nɛ á boe da sɛlɛ dɔ la, bɛ dia ma la. Á re dí nyɛɛ kun maa gɔn dí-nyalin kɛn nɛ, ma di Davida nə ǹ mɛnɛn bɔ ǹ nə́ giã-n Zeruzalɛmu hinlaa bǎã kɔsɔn nɛ Zudaa gána nɛ.

LAWA A BOO SONBORE 2011

⁶ Kanna, giĩ mɛn bɛ́ sana, wɔrɔ, zan ka fɔlɔ dí yɔrɔ doɛ̃ parasiini, a n boe la dɔn a mɔnaa wɔ, tã, tã bonbon, tã korebore hinlaa bɔlɔn lɛa, a doamaa nɛ á boe da sɛlɛ dɔ la, bɛ dia ma la. Á re dí nyɛɛ kun maa gɔn dí-nyalin kɛn nɛ, ma di Davida nə ǹ mɛnɛn bɔ ǹ nə́ giã-n Zeruzalɛmu hinlaa bǎã kɔsɔn nɛ Zudaa gána nɛ.

KZS2 2:6 ပူးပေါင်းရင်းမြစ်များ

Samayeli2 7:18

Bɛ kio, kii Davida daa giã tán Dɛnaa Lawa yɔrɔ-a á pɛ: – Dɛnaa Lawa, n din ni maa Lawa lɛa. Bɛ̀ bɛ bie wa, masɛ n wàa lɛa? Masɛ a kion minin man wàa lɛa? Ma bɛ́ bǎã mɛn nɛ pelo, ma bie má sii kɔn zɛnaa n nɛ, ń tɔn daa ka ma-n kànaa wa.

Kiin1 7:13

Kii Salomɔn minin dia woe giɛ dí-nyali goon li Tiiri kiwi, a tɔ n Iraamu. Lɔ giɔɔrɔ goon a nɛ nɛ, Nɛfutalii tɔrɔ n ka bɛa lɔ lɛ nɛ. Iraamu ǹ di n Tiiri min lɛa. Iraamu na á goã zan dí nyɛɛ, yiri goã a lon taãn-taãnɛ a gɔn kaa zan dí tɔrɔ tumaa nɛ. Á daa kii Salomɔn li á ná a zan dí tumaa nya.

Kiin1 8:27

Lawa á die boe la sonbore a tán baa a giã bǎã lɛa? Lon lɛ din laanka a golebaa nɛ, bɛ ba a giã ǹ bǎã boe wa, n tɔn kion kɛ pɛ má dɔ!

KZS1 22:15

N tá re dí-nyali gigiã yii ǹ nə n dɔ n lɛ, kɔlɔ-bɔlin ni, kion-dɔlen ne, ka gɔn sɛlɛlin ni, ka dí doɛ̃-wɔle dadara kɔsɔn nɛ, ǹ nə́ dí tumaa nyɛɛ doɛ̃,

KZS2 1:10

Ma nə n nyankoe, sii-doɛ̃ laanka doɛ̃ kɔ ma la, màn mɛn bɛ toɛ ma boo la ma zaman kɛ nyɛɛnaan bɔ. Bɛ̀ bɛ́ bie wa, die n boe la a n zaman kɛ nyɛɛnaan bɔ, bɛa zaman gole ke?»

KZS2 6:18

Lawa á die boe la sonbore a tán baa a giã ǹ bǎã lɛa? Lon lɛ din laanka a golebaa nɛ, bɛ ba a giã ǹ bǎã boe wa, n tɔn kion kɛ pɛ má dɔ!

Bɔ bɛ̀rɛbaa nɛ 3:11

Muizu pɛ Lawa nɛ: «Masɛ n wàaǹ lɛa kəni, ma tɔn wo Faarahɔn li, ma soo ka Izirayeli nɛnyaanan nɛ ma ǹ bɔ Ezipti gána nɛ?»

Bɔ bɛ̀rɛbaa nɛ 31:5

Á re boe la a kɔlɔ sonboren sɛlɛ, a ǹ da màn nɛ, a gɔn sɛlɛ. Á re dí tɔrɔ tumaa nyɛɛ a nyaǹ kaa a ganaa.

Izayii 66:1

Dɛnaa Lawa n kɛ pii: Lon nə maa kii dankan lɛa, tán nə maa gòãn kaa ǹ bǎã lɛa. Ka n boe la ka kion mɛn dɔ maa wɔ lɛa? Bǎã mɛn nɛ má n boe la man susu a nɛ.

Zeremii 23:24

Ta min na á n duru dɔndɔɔn nɛ, ma yii na a ganaa. Dɛnaa Lawa a da ǹ boo ne. Man bǎã tumaa nɛ, lon laanka tán. Dɛnaa Lawa a da ǹ boo ne.

Korɛnti2 2:16

Papaã wolen yii li, gìĩ kɛ lɛ n gɛ̀ gìĩ lɛa, a n gɛ̀ dii; kirisibaalin yii li, a n yiikoonaabaa gìĩ lɛa, a n yiikoonaabaa koe. Die n boe la a bɛa dí kɛ miã nya?

Efɛɛzi minin 3:8

Masɛ n Lawa a zaman kɛ a min bɔnboɛɛnɛn tumaa a boɛɛndɛnaa lɛa. Bɛ tumaa kio, Lawa nə́ n tã la, á lɛ kɔ ma la, ka bɛa bǐɛ̃ kɛ nɛ. Mà ma Krita a màndɛnaa gole gole baa ǹ Boo Tii Kɔɔ̃n kɛ pɛ tɔrɔ kɔsɔn manɛ.

Timəə dí-pɛn 12:11

Bɛa biikoo li kəni, kaa Lawa, Dɛnaa Lawa lɛ din tá re bǎã goon boe, a n tɔ da la. Ma laa ka ganaa máa ka die ka wo ka mànan mɛnɛn tumaa nɛ, ka die ka wo ǹ ne walan: wúlu màn tiɛ̃n manɛ, kaa barka da ǹ wúlu mànan nɛ, mànan fùfùbaa ǹ wɔn nɛ, Lawa gɔ ǹ wɔn nɛ ka màn mɛn tumaa bɛ́ ká n lɛ kɔ mà ka á re koe Dɛnaa Lawa la.

Timəə dí-pɛn 12:14

Sɛnɛ, Dɛnaa Lawa bɛ́ re bǎã mɛn boe kaa tɔrɔn lɛn bii, ka kaa wúlu mànan tã bɛa bǎã lɛ dinsɔɔ̃ nɛ. Man gɔn waa ka nɛ ka sii mɛn tumaa nɛ, ka a tumaa zɛnaa walan lɛ dinsɔɔ̃ nɛ.

Timəə dí-pɛn 12:26

Sɛnɛ, ka tɔɔn mɛnɛn kaa ǹ gɔrɔn Lawa wɔn lɛa, ka lɛ kɔ Lawa la ǹ wúlu mànan kɛn nɛ, Dɛnaa Lawa bǎã mɛn lɛ bɔ, ka wo ka bɛn nɛ walan.