KZS2 2:3 - LAWA A BOO SONBORE

³ Taãn nɛ, man zoɛ̃ li máa ma kion dɔ, Dɛnaa Lawa, maa Lawa tɔ bɔ ǹ wɔ lɛa. Izirayeli minin man die bɛa kion kɛ lɛ koe a din la. Ǹ tá re *wúlu màn gìĩ kɔɔ̃n tiɛ̃ a wɔ lɛa walan, ǹ buuru sonbore kɔ la biikoo tumaa li, ǹ wúlu màn tiɛ̃ kɔ la walan babaraa, baayɛlɛ ka wɔsamiɛ̃nɛ, *susu ǹ pii pinaa nɛ ka mui dii a bɔ pinaa nɛ ka Dɛnaa Lawa, wɔa Lawa a zɔ́n pinaan nɛ. Landan manɛ, Izirayeli minin doamaa nɛ ǹ kɔ lɛ yǎa duduu.

LAWA A BOO SONBORE 2011

³ Taãn nɛ, man zoɛ̃ li máa ma kion dɔ, Dɛnaa Lawa, maa Lawa tɔ bɔ ǹ wɔ lɛa. Izirayeli minin man die bɛa kion kɛ lɛ koe a din la. Ǹ tá re *wúlu màn gìĩ kɔɔ̃n tiɛ̃ a wɔ lɛa walan, ǹ buuru sonbore kɔ la biikoo tumaa li, ǹ wúlu màn tiɛ̃ kɔ la walan babaraa, baayɛlɛ ka wɔsamiɛ̃nɛ, *susu ǹ pii pinaa nɛ ka mui dii a bɔ pinaa nɛ ka Dɛnaa Lawa, wɔa Lawa a zɔ́n pinaan nɛ. Landan manɛ, Izirayeli minin doamaa nɛ ǹ kɔ lɛ yǎa duduu.

KZS2 2:3 ပူးပေါင်းရင်းမြစ်များ

Samayeli2 5:11

Tiirin kii Iramu minin dia Davida la ka da kaka kɛa gɔn nɛ, ka da-sɛlɛlin ni, ka kɔlɔ-sɛlɛlin ni kungɔn dɔ ǹ wɔ lɛa, ǹ nə́ kii kion dɔ ǹ nə́ kɔ Davida la.

KZS1 14:1

Tiiri gána a kii Iramu dí-pɛlen dia Davida li, ka *sɛdrə gɔn nɛ kɔnlɛ ka kion-dɔlen laanka gɔn dí-nyalin ni, màn mɛn bɛ́ toɛ ǹ kii kion dɔ ǹ kɔ Davida lɛ la.

KZS2 13:11

Baayɛlɛ ka wasamiɛ̃nɛ, wɔ n wúlu mànan tiɛ̃ koe Dɛnaa Lawa la kɔn lɛ ka da yon gìĩ kɔɔ̃n nɛ. Buurun mɛnɛn bɛ́ n koe Lawa la, wɔ n bɛn kiɛ tabala sonbore kɛ la. Wasamiɛ̃nɛ, wɔ n tɛ diɛ bolonən kɛn ganaa bolon koa ǹ bǎãn kɛn nɛ sana lɛa. Wɔsɛn, wɔ n koe Dɛnaa Lawa a landa boon kɛn lɛ. Sɛnɛ, kasɛn, ka n la bɔ ǹ ganaa.

KZS2 24:14

Dín lɛn bɛ́ ǹ nə́ nya ǹ mɛn waáraa, dí-nyalin goledɛnan lɛn nə́ daa wɔrɔ gialakun lɛ kɔ kii laanka Zozadaa la. Gɔn dí-nyalin nə́ goã Lawa a kion lɛ a dí nya ǹ mànan zɛnɛɛ nɛ: Dí nya ǹ mànan manɛ, *wúlu màn lɛpiɛ̃ kɔ ǹ mànan nɛ, tàanan nɛ ka mànan nɛ sana laanka wɔrɔ lɛa. Zozadaa a yiikoonaabaa tumaa gɔ́ɔ̃ nɛ, Izirayeli minin man nə́ goã wúlu màn lɛpiɛ̃ koe Lawa a kion kɛ nɛ biikoo yii li.

KZS2 4:19

Mànan mɛnɛn tumaa doamaa bɛ́ nɛ ǹ nə ǹ kaa Lawa a kion lɛ nɛ, Salomɔn bɛn dɔn zɛnaa: Màn gìĩ kɔɔ̃n tã ǹ bǎã kɛ nɛ sana lɛa, tabalan kɛn manɛ ǹ tá Lawa gɔ ǹ buuru diɛ la. Bólon da ǹ bǎãn kɛn nɛ, sana yoreen yoreen lɛa, maǹ nə́ ǹ kaa bǎã sonbore sonbore lɛ nyɛɛnɛ. Nyaǹan kɛn manɛ, ka da buũ bɛ́ lɔn sana lɛa, bólonən kɛn manɛ sana lɛa, bólon tɛ zɛnaa ǹ banbaalan kɛn manɛ sana lɛa, sana yoreen yoreen lɛa. Gɔyan kɛn manɛ, sana gɔyan kɛn nɛ, mà pɛsɛ̃ ǹ mànan kɛn manɛ, kaaran kɛn manɛ, da yon gìĩ kɔɔ̃n tã ǹ mànan kɛn nɛ. Lawa a kion a kiɛnlɛn kɛn manɛ, kiɛnlɛn mɛnɛn bɛ́ woe niɛ̃ bǎã sonbore sonbore lɛ gɔ́ɔ̃ nɛ, ka kiɛnlɛn lɛn mɛnɛn dɔn bɛ́ die kion gɔ́ɔ̃ gole lɛ-a, ǹ bɛ́ tàanan mɛnɛn la, bɛn man sana lɛa.

KZS2 8:13

Ka Muizu bɛ́ á baraabaraa a wúlu bɔ yɔrɔ nyaa ǹ nɛ lɔn, á wúlu mànan kɔ susu ǹ piin pinaa, mui diin lɛawaa bibinaan pinaa, ka lɛ̀ a zɔ́n dadaraa sɔɔn kɛn nɛ: *yɔ bùbaã buuru zɔ́n, kaa-piɛ ǹ zɔ́n, ka *giã siã giulun zɔ́n.

Ɛsidrasi 6:3

«Kii Siirusu a kiibaa lɛ̀ bibinaa li, á goã á boo da Lawa a kion kɛ wɔ gɔn la Zeruzalɛmu: kion lɛ n die wusii a n dɔ, a n baa bǎã lɛa, bǎã mɛn nə́ ke, ǹ nə́ Lawa a wúlu boe a nɛ. Ǹ die ǹ kion lɛ giala wɔ tán kaka. A wo lon die a goã mɛtərə pɔsɔɔ, a gùrù kunun dɔ goã mɛtərə pɔsɔɔ.

Nehemii 10:34

buuru ke ǹ ná a pàla boe Lawa yɔrɔ-a, bɛ wɔ lɛa, *wúlu màn ke ǹ nə́ Lawa goe ne baraabaraa, bɛ wɔ lɛa, wúlu màn ke ǹ nə́ tiɛ̃ baraabaraa, bɛ wɔ lɛa, susu ǹ pii wɔ lɛa, mui dii zɔ́nɔn wɔ lɛa, zɔ́n kɔsɔn wɔ lɛa, ǹ mànan mɛnɛn kɔ Lawa la bɛn wɔ lɛa, Izirayeli a sii baraan sawaa ǹ wúlu mànan wɔ lɛa, wɔa Lawa a kion lɛ a dí tumaa wɔ lɛa.

Bɔ bɛ̀rɛbaa nɛ 25:30

Biikoo tumaa waáraa, n masɛ gɔ ǹ buuru da tabala lɛ la ma yɔrɔ-a.

Bɔ bɛ̀rɛbaa nɛ 29:38

«Ǹ bɛ́ re màn mɛn zɛnɛɛ wúlu bɔ ǹ bǎã lɛ la doo, bɛ dɔ á ke: Ǹ lɛ̀ goon sère nɛ màn paa dɛ baraabaraa yǎa duduu.

Bɔ bɛ̀rɛbaa nɛ 29:39

Sère nɛ bibinaa ke, ǹ bɛ dɛ baayɛlɛ, a paabaa ǹ wɔ ke, ǹ bɛ dɛ wasamiɛ̃nɛ.

Bɔ bɛ̀rɛbaa nɛ 30:7

Aarɔn die a màn gìĩ kɔɔ̃n kɛ tã bɛ la. Baayɛlɛ, baayɛlɛ, bɛ̀ á daa bolonən lɛn zɛnaa, a bɛa màn lɛ tã.

Lawa a wúlu-bɔlen 23:2

Boo da ka Izirayeli minin lɛn nɛ n pɛ ǹ nɛ: Masɛ Dɛnaa Lawa lɛawaa dadaran mɛnɛn koa, ka doamaa nɛ, ka n lɛ sɔkɔn bɛa lɛawaan lɛn li, ka ma guguru kɔ. Maa lɛawaa dadaran lɛn man ka kɛn nɛ:

Lawa a wúlu-bɔlen 9:17

Á daa ka Lawa gɔ ǹ wùsu kɛ dɔ nɛ, á n gɔn goon pã a nɛ, á tã wúlu bɔ ǹ bǎã lɛ lalan, kun ka baayɛlɛ a wúlu màn tiɛ̃ kɛ nɛ.

Minin nimi 28:11

«Mui gogoonmaa a giala kɔ pinaa, ǹ dii gɔ̀lɔ̀ paa baa wúlu màn tiɛ̃ lɛa ǹ kɔ Dɛnaa Lawa la, ka sère gɔ̀lɔ̀ goon laanka lɛ̀ goon sère nɛ sɔbaa nɛ, wɔ̀lɔ̀ ná a ba ǹ kɔn ganaa wa.

Minin nimi 28:9

*«Susu ǹ pii pinaa, ǹ lɛ̀ goon sère nɛ paa bɔ, wɔ̀lɔ̀ ná a ba ǹ ganaa wa, kun ka Lawa gɔ ǹ wùsu sonbore kilo sɔrɔ nɛ, á n yia ka nyɔɔ nɛ, kun ka Lawa gɔ ǹ duvɛ̃ nɛ.