KZS2 19:4 - LAWA A BOO SONBORE

⁴ Zozafati giã Zeruzalɛmu. Á zii tɔ wɔ giala kɔ, màn mɛn bɛ́ toɛ a kɔn yɛ ka a zaman nɛ, a kũ Bɛɛr-Sebaa ganaa gusin a lɛ̀gɔn la, a wo Efrayimu a kele yii kɛ yaa gɔsɛ a lɛ̀gɔn la, a n pii zaman nɛ maǹ wusoo ǹ da Dɛnaa Lawa, ǹ digolon Lawa li.

LAWA A BOO SONBORE 2011

⁴ Zozafati giã Zeruzalɛmu. Á zii tɔ wɔ giala kɔ, màn mɛn bɛ́ toɛ a kɔn yɛ ka a zaman nɛ, a kũ Bɛɛr-Sebaa ganaa gusin a lɛ̀gɔn la, a wo Efrayimu a kele yii kɛ yaa gɔsɛ a lɛ̀gɔn la, a n pii zaman nɛ maǹ wusoo ǹ da Dɛnaa Lawa, ǹ digolon Lawa li.

KZS2 19:4 ပူးပေါင်းရင်းမြစ်များ

Siin Giala 21:14

Abrahamu yoo baayɛlɛ yiisoone, á màn-bii saa, á mu kaa mu bɔnaa nɛ, á ǹ kɔ Agaara la. Á nɛ lɛ saa á da a dɔ̀ɔ̃ nɛ, á da zii. Agaara woo n penpelen da Bɛɛr-Sebaa don.

Siin Giala 21:33

Abrahamu da kɔ́n zumu Bɛɛr-Sebaa, yiri koamanɛ ǹ sii lɛa. Maǹ da lɛ bíi Tamarisi. Lawa mɛn bɛ́ a tan yǎa duduu, á bɛ lɛ nyankɔ walan, bɛ̀ á bíi "Dɛnaa".

Matiə 25:16

A bɛ́ á sana kuturu sooro kɔ min mɛn la, bɛ kiɛ̃ gɔrɔ á woo pii kɔ ka bɛa sana lɛ nɛ, á wusoo á ǹ miã sana kuturu sooro yɛ.

Luku 1:17

Á re die Dɛnaa nyɛɛnɛ, a na a daa boo pɛ. Á re die ka Lawa a Yiri Fu pàã-n a lon, ka Lawa a boo gii-dali Yilii bɛ́ á goã lɔn. Á die díin laanka nɛn kiɛ kun. Á die toɛ, min mɛnɛn nə n piã lɛlɛ ka Lawa nɛ, bɛn nə wusoo, ǹ da a ganaa, màn mɛn bɛ́ toɛ, Lawa din tɔrɔ mɛn bɔ, bɛ nə n yɔrɔ bɔ, a n yii da Dɛnaa lɛ la.»

Zozoe 17:15

Zozoe tɔ́n pɛ ǹ nɛ: «Ka bɛ́ zaman damata lɛa, Efrayimu a kele yii bǎã kɛ dɔ bɛ́ kiɛɛrɛ ka ganaa á la yii ni, ka wo daã kɛ nɛ, Perɛzi minin laanka Refayimu minin gána nɛ, ka bǎã kuru kaa wɔ lɛa.»

Sii yɔrɔ-bɔlen 19:1

Kii bɛ́ a goã Izirayeli minin lɛn mìi la ǹ mɛn waáraa wa, Levii tɔrɔ goon na á goã giã-n Efrayimu a kele yii bǎã kɛ kio. Á goã we lɔ goon lɛ Bɛtlehɛmu kiwi, Zudaa gána nɛ.

Sii yɔrɔ-bɔlen 20:1

Izirayeli minin lɛn tumaa soo, a saa Dan kiwi ganaa gɔsɛ a lɛ̀gɔn la, yǎa Bɛɛr-Sebaa kiwi gusin a lɛ̀gɔn la, a wo Galaati gána kɛ yaa. Zaman lɛ tumaa nə́ ǹ wɔ kaa kun, ǹ nə́ n lɛ sɔkɔn Dɛnaa Lawa yɔrɔ-a Mispaa.