KZS2 19:2 - LAWA A BOO SONBORE

² Lawa a boo gii-dali, Anaanii a nɛgiĩ Zewu daa n da lɛ á pɛ nɛ: «Ma nə́ n woo n dɔ min baraa lɛ. Bɛ na á saa lɔn? Min mɛnɛn bɛ́ Dɛnaa Lawa nə́ ǹ tii, bɛn man kɔɔ̃nɛ nsɛ ganaa? Bɛ lɛ taman yii, Dɛnaa Lawa foo yoo n li.

LAWA A BOO SONBORE 2011

² Lawa a boo gii-dali, Anaanii a nɛgiĩ Zewu daa n da lɛ á pɛ nɛ: «Ma nə́ n woo n dɔ min baraa lɛ. Bɛ na á saa lɔn? Min mɛnɛn bɛ́ Dɛnaa Lawa nə́ ǹ tii, bɛn man kɔɔ̃nɛ nsɛ ganaa? Bɛ lɛ taman yii, Dɛnaa Lawa foo yoo n li.

KZS2 19:2 ပူးပေါင်းရင်းမြစ်များ

Kiin1 16:1

Dɛnaa Lawa boo da ka Anaanii a nɛgiĩ Lawa a boo gii-dali Zewu ni. A boo lɛ yɔrɔ na á goã dia-n Bayesaa la:

Kiin1 16:12

Zimri Bayesaa a kion minin tumaa dɛ, á kɔnpɛ ka Dɛnaa Lawa a boo kɛ nɛ, á na á boo gii-dali Zewu da a pɛ ganaa Bayesaa wɔ paǹ li.

Kiin1 16:7

Dɛnaa Lawa a boo mɛn lɛ yɔrɔ bɛ́ dia-n Bayesaa laanka a kion minin la, Anaanii a nɛgiĩ Zewu, Lawa a boo gii-dali lɛ na á bɛ pɛ, Bayesaa a sii baraan taman yii, a wɔ Dɛnaa Lawa lon ka ǹ mɛnɛn lɛn nɛ. A sii baraa mɛn zɛnaa ka Zeroboamu goã á zɛnaa lɛlɛ lɔn, a bie á Dɛnaa Lawa foo busu ka bɛ dinsɔɔ̃-n wa, a Zeroboamu a kion minin dɛ kɛ dɔ sii tá a nɛ.

Kiin1 21:25

Min kɔn din yɛ, á n din kɔ dí baraa nya la, Dɛnaa Lawa yɔrɔ-a, ka Akaabu bɛ́ lɔn wa. A giala, a lɔ Zezabɛli lɛ na á goã sɔmɛ diɛ a zɛnaa ganaa.

Kiin1 22:44

Sɛnɛ wúlu bɔ ǹ bǎãn mɛnɛn nə goã ǹ tan, bɛn nə papaã wa. Zaman lɛ na á goã tɔn woe wúlu boe bɛa wúlu bɔ ǹ bǎãn lɛn la, ǹ da yon gìĩ kɔɔ̃n tã ǹ la.

KZS2 16:7

Bɛa waáraa, Lawa a boo gii-dali Anaanii daa Zudaan kii Azaa yaa á pɛ nɛ: «N bɛ n nə́ n foo doa Siiriin kii ganaa, n nə́ n nə n foo doa Dɛnaa Lawa, n Lawa ganaa wa, bɛ lɛ n die toɛ Siiriin kii a sɔraasin nə n si n la.

KZS2 18:1

Kii Zozafati pàãma baa parsiini á gugurubaa dɔ yɛ. Á sumu n kɔn we zɛnaa a laanka Izirayelin kii Akaabu a sumu ni.

KZS2 18:28

Bɛ kio, Izirayelin kii laanka Zudaan kii Zozafati woo zia baa Ramɔti kiwi Galaati gána nɛ.

KZS2 18:3

Izirayelin kii Akaabu nɔ̀n da Zudaa n kii Zozafati la: «N tá lɛ koe n da zia baa Ramɔti kiwi Galaati gána nɛ kun ka masɛ nɛ?» Zozafati ná a lɛ si kɛnɛn: «Wɔ n màn goon lɛa, nsɛ ka masɛ nɛ. Maa zaman nə n zaman lɛa, ma á woe zia biɛ kunun n ni.»

KZS2 18:7

Izirayelin kii ná a lɛ si: «Giĩ goon tan wɔ n boe la wɔ nɔ̀n da bɛ la, Imila a nɛgiĩ Misee ne, sɛnɛ, a tìĩ n boe ne masɛ nyin ni. Taãnɛ, a tɔn boo sonbore kɔn da masɛ-n wa, yǎa boo baraa biikoo tumaa li.» Zozafati nə n lɛ dɛ mà kii nyan pɛ miɛ̃ wa!

KZS2 19:1

Zudaan kii Zozafati nə́ n bɔyaa á woo piɛ Zeruzalɛmu kakabaa la.

KZS2 19:10

Bɛ̀ ka Izirayeli minin man nə́ bɔ ǹ giã ǹ kiwin ni, ǹ nə́ daa sii yɔrɔ bɔ ka li, bɛa sii lɛn boe la a n woe gɛ̀ dɛ paǹ li, dí-pɛn nɛ, gɔn waa ǹ boon ne hinlaa landa boon. Biikoo tumaa li, ka ǹ doroo, ka zii nyaa ǹ nɛ. Ka bɛ nɛ, ǹ ba re siɛ̃ ǹ wɔ Dɛnaa Lawa lon, a foo yoo ka li hinlaa ka dɔɔ̃nɔn lɛn li wa. Bɛ̀ ka zɛnaa miɛ̃, zɛ̀rɛ re ka kuĩ wa.

KZS2 20:34

Zozafati a sii zɛnaa kɔsɔn kɛn, a saa a bibinaa ganaa a wo a giala nyɔmiɛ̃ yaa, bɛn tá kiɛ̃ nɛ Anaanii a nɛgiĩ Zewu a siin sɛ́wɔ nɛ. Bɛa sɛ́wɔ kiɛ̃n kɛn lɛn tá Izirayelin kiin sɛ́wɔ nɛ.

KZS2 24:18

Izirayeli minin lɛn nə́ n la bɔ Lawa, ǹ digolon Lawa a kion kɛ ganaa kəni, ǹ nə́ gɔn zumiin laanka dì kooron guguru koe. Bɛa sã kɛ lɛ Lawa foo yoo taãn-taãnɛ Izirayeli minin laanka Zudaa minin paǹ li.

KZS2 26:18

Ǹ nə́ n doa a nyɛɛnɛ, ǹ nə́ pɛ nɛ: «Wɔa kii, n dinmaa doamaa bie n màn gìĩ kɔɔ̃n kɔ Dɛnaa Lawa la wa. Lawa a wúlu-bɔlen kɛn Aarɔn tɔrɔn lɛa, ǹ nə ǹ mɛnɛn bɔ ǹ nə́ ǹ koa, bɛn dininsɔɔ̃nɔn nyan-di ni. Soo n nə n bɔ Lawa a kion kɛ nɛ! Sii baraa n ka kɛ nɛ n zɛnaa. Dɛnaa Lawa yɔrɔ-a, kɛ a nya ǹ dí sonbore lɛa wa.»

KZS2 32:25

Sɛnɛ bǐɛ̃ mɛn nə n zɛnaa Ezekiasi ni, a bɛ dɔ̃ wa. Ka bɛ dɔ nɛ, á n piɛ̃ gole kɔ, yǎa Dɛnaa Lawa foo yoo li kɔnlɛ ka Zeruzalɛmu ni, ka Zudaa gána tumaa nɛ.

Loen 15:4

Min mɛnɛn bɛ́ ǹ ba kɔɔ̃n Lawa ganaa wa, a laadoo ba bɛn ganaa wa, sɛnɛ, min mɛnɛn bɛ́ nyɛ́ɛ biɛ Dɛnaa Lawa nɛ, a n bɛn narɛ. Bɛ̀ á n lɛ kɔ min la, ta a n nɔmaa nɛ a gɔ́ɔ̃ nɛ, a ba n bɔlɔ bɔyɛɛ wa.

Loen 21:8

Taãn nɛ, kii lɛ na á n foo doa Dɛnaa Lawa ganaa, Lon a Lawa a kɔn-narɛɛ gole kɛ pàã nɛ, màn kɔn ba re bìn diɛ a ganaa wa.

Loen 68:1

LOE-saalin goledɛnaa loe mɛn lɔ. Davida a loe goon ne.

Loen 71:15

Baraabaraa, n peperebaa boo kɛ n ma lɛ-a, ma nə n minin kirisibaa kɛ boo diɛ. Ma ba n bǐɛ̃-zɛnaa kɛ din lɛ doɛ̃, ma pɛ wa.

Bɔ bɛ̀rɛbaa nɛ 20:5

N baran n kuməə bɛa lawan kɛn lɛn yɔrɔ-a, n nə ǹ guguru kɔ wa. A giala, masɛ din Dɛnaa, n Lawa lɛ, maa sii á kaka, maa lɛ koe lawa kɔsɔ ganaa wa. Man digolon sã a dɔlɔ boe ǹ nɛnyaanan ganaa, ka ǹ nɔ̀ɔnɔn nɛ, yǎa a woe doe nɔ̀ɔ fulupaa ganaa, bɛ̀ á daa yǎa ǹ ba masɛ narɛ wa.

Amɔɔsi 7:14

Amɔɔsi tɔ́n Amasiya lɛ si á pɛ nɛ: «Ma bie ma goã Lawa a boo gii-dali lɛa wa, ma bie Lawa a boo gii-dali tɔrɔ dɔ din lɛa wa. Man má goã tɔɔn-lɛduə̃li lɛa, da nɛ-kɔlen nə́ goã ma lon.

Zaã a sɛ́wɔ 15:18

Bɛ̀ kanaa minin tá ka biɛ zɔ́ɔ, ka dɔ̃ mà maǹ nə́ masɛ baa zɔ́ɔ ka nyɛɛnɛ.

Zaã a sɛ́wɔ 15:23

Min mɛn bɛ́ masɛ biɛ zɔ́ɔ, bɛa dɛnaa n masɛ a Díi dɔ biɛ zɔ́ɔ.

Rɔmu minin 1:18

Sonbore, Lawa nyaa mà asɛ a foo-busii á re gisĩ min tumaa la, a giala, minbuiinin ba Lawa guguru koe wa, ǹ ba pepere wa. Minin tá Lawa a sonbore lɛ doɛ̃, sɛnɛ, maǹ pìi koe lɛ ka ǹ zɛnaa ǹ sii baraan nɛ.

Rɔmu minin 1:30

ǹ nə́ kɔn tɔ ziziɛ̃. Ǹ ba Lawa narɛ wa, ǹ ba min guguru koe wa. Din gole-kɔlen manɛ, ka din-laakalaalin ni. Maǹ nə n taasɛ biikoo tumaa li, ka sii baraa zɛnaa ǹ gɔn nɛ. Ǹ ba n too koe ǹ yɛ wolen lon wa,

Rɔmu minin 1:32

A laanɛ ǹ tá doɛ̃ ke mà Lawa pɛ mà bɛa siin kɛn lɛn zɛnaalin doamaa-n ka gɛ̀ nɛ, ǹ ba goɛ̃ bɛa siin kɛn lɛn zɛnaa dinsɔɔ̃ li wa, sɛnɛ, a zɛnaali kɔsɔn dɔn man kɔɔ̃nɛ ǹ ganaa.

Rɔmu minin 8:7

Min mɛnɛn taasiɛ bɛ́ doa-n gɔ̀nɔn foo siin ganaa, bɛn man Lawa a zɔ́ɔn lɛa. A giala, ǹ ba Lawa a dí-pɛn bɔlɔ sii wa, ǹ ba boe la dinin ǹ bɛ zɛnaa wa.

Efɛɛzi minin 5:11

Ka baran kaa sii kaa kun ka wɔlɔ tì a sii kooron kɛn nɛ wa, ka bɛa sii kooron kɛn lɛn kaa wɔlɔ fúlu li dinin.

Timəə dí-pɛn 32:41

Bɛ̀ má maa gɔya sa tɛ-pɛle kɛ lɛ lɔ, bɛ̀ má dɔlɔ-bɔ giala kɔ, ma á re maa gɛ̀ dòo boe maa zɔ́ɔn kɛn ganaa, min mɛnɛn bɛ́ ma biɛ zɔ́ɔ, ma á re bɛn sarɛɛ.

Timəə dí-pɛn 33:11

Dɛnaa Lawa, n din nə màn da ǹ pàã li, ǹ bɛ́ dí mɛn nyɛɛ n bɛ lɛ si. Min mɛnɛn bɛ́ yui ǹ gialaa, bɛn kii yiɛ, min mɛnɛn bɛ́ ǹ biɛ zɔ́ɔ, n nyan toa bɛn nə yoo doo wa.»

Timəə dí-pɛn 5:9

Ka baran n kuməə bɛa lawan kɛn lɛn yɔrɔ-a, ka ǹ guguru kɔ wa. A giala, masɛ din Dɛnaa Lawa n kaa Lawa lɛa. Maa lɛ koe ka lawa kɔsɔ guguru kɔ wa. Bɛ̀ min sii la masɛ la, ma á dɔlɔ boe a nɛnyaanan ganaa, a nɔ̀ɔnɔn nɛ, yǎa a woe doe a nɔ̀ɔ fulupaa ganaa.

Timəə dí-pɛn 7:10

Min mɛnɛn bɛ́ biɛ zɔ́ɔ, a na a gɛ̀ dòo boe bɛn ganaa, a din bǎã nɛ, a ǹ dɛ a ǹ bɔ bii-a. Min mɛnɛn bɛ́ biɛ zɔ́ɔ, a nə ǹ sarɛɛ a din bǎã nɛ, a ba n yii diɛ wa.

Zaaki 4:4

Ka min naarɛn kɛn! Ka a doɛ̃ mà bɛ̀ min kanaa baa giaára lɛa, mà a na á Lawa baa zɔ́ɔ wa? Min mɛn bɛ́ giɛ li mà a kanaa a giaára baa sɛn, bɛa dɛnaa nə n din biɛ Lawa a zɔ́ɔ lɛa.

Samayeli1 9:9

Lɛlɛ, Izirayeli gána nɛ, bɛ̀ ǹ tá re woe nɔ̀n diɛ Lawa la ka sii ni, maǹ nɛn bɛ̀ ǹ pɛ, mà ǹ daa ǹsɛn nə n ta sii-nyaali li. A giala, ǹ bɛ́ min mɛn bii pelo, Lawa a boo gii-dali, maǹ nə́ goã bɛ bii sii-nyaali.