KZS2 18:7 - LAWA A BOO SONBORE

⁷ Izirayelin kii ná a lɛ si: «Giĩ goon tan wɔ n boe la wɔ nɔ̀n da bɛ la, Imila a nɛgiĩ Misee ne, sɛnɛ, a tìĩ n boe ne masɛ nyin ni. Taãnɛ, a tɔn boo sonbore kɔn da masɛ-n wa, yǎa boo baraa biikoo tumaa li.» Zozafati nə n lɛ dɛ mà kii nyan pɛ miɛ̃ wa!

LAWA A BOO SONBORE 2011

⁷ Izirayelin kii ná a lɛ si: «Giĩ goon tan wɔ n boe la wɔ nɔ̀n da bɛ la, Imila a nɛgiĩ Misee ne, sɛnɛ, a tìĩ n boe ne masɛ nyin ni. Taãnɛ, a tɔn boo sonbore kɔn da masɛ-n wa, yǎa boo baraa biikoo tumaa li.» Zozafati nə n lɛ dɛ mà kii nyan pɛ miɛ̃ wa!

KZS2 18:7 ပူးပေါင်းရင်းမြစ်များ

Kiin1 18:17

Akaabu bɛ́ á Yilii yɛ a yɔrɔ-a, á pɛ nɛ: «N din nə koe boe Izirayeli minin lɛn ganaa sonbore?»

Kiin1 18:4

Zezaabeli bɛ́ Dɛnaa Lawa a boo gii-dalin lɛn dii ǹ mɛn wàaraa, Obadia lɛ na á goã á Lawa a boo gii-dali paabiɛ kũ á ǹ duru kele yala paa gɔ́ɔ̃ nɛ min poposooro. Á goã màn-bii laanka mu koe ǹ la.

Kiin1 19:10

Yilii ná a lɛ si: «Ma la n paparɛ ka Lawa Pàãyiidɛnaa, Dɛnaa Lawa lɛ a sii ni. Izirayeli minin lɛn nə́ n lɛ kɔ kɔn la lɛ toa walan, ǹ nə́ n wúlu bɔ ǹ bǎãn ziziɛ̃, ǹ nə́ n boo gii-dalin dɛ. Masɛ dinsɔɔ̃ n má goã, maǹ giɛ li, ǹ ma dɔ dɛ.»

Kiin1 21:20

Akaabu bɛ́ á Yilii yɛ, á pɛ nɛ: «Ee maa zɔ́ɔ, ń ma wɔlɔ yɛ kəni.» Yilii tɔ́n na a lɛ si: Má n wɔlɔ yɛ, a giala n nə́ n din kɔ dí baraa nya la, Dɛnaa Lawa yɔrɔ-a.

Kiin1 22:8

Izirayeli gána a kii lɛ pɛ Zozafati nɛ: Giĩ goon tá tɔn a tan, min nə́ boe la a n doa a ganaa a nɔ̀n da Dɛnaa Lawa la. Sɛnɛ bɛa giĩ lɛ sii ba masɛ ganaa wa, a giala, a ba Lawa a boo gii-dalibaa ǹ boo kɔɔ̃n pii masɛ wɔ paǹ li wa, yǎa a baraa dinsɔsɔɔ̃. Yimulaa a nɛgiĩ Misee ne. Zozafati nə́ n toa mà kii lɛ baran pɛ miɛ̃ wa.

Kiin2 9:22

Zoramu yii mɛ Zewu ganaa lɔn gɔrɔ, á n toa: «Zewu, bǐɛ̃ nɛ?» Zewu ná a lɛ si: «Wàa bǐɛ̃ nɛ! A da yaa n dan Zezabɛli lɛ n tɔn woe nyɛɛnɛ ka a dì guguru koe kɛ laanka a kɔnkoãbaa zaã kɛa zɛnaa nɛ.»

KZS2 18:13

Misee ná a lɛ si: «Dɛnaa Lawa Yiikoonaa tɔ lɛ taman yii, Lawa bɛ́ re boo mɛn pii ma nɛ, man die bɛ lɛ dinsɔɔ̃ pii.»

KZS2 18:6

Sɛnɛ, Zozafati nɔ̀n da doo: «Lawa a boo gii-dali taãn kɔn banban a nɔ̀n da Dɛnaa Lawa la a kɔ ma la wa?»

KZS2 18:8

Bɛ lɛ nɛ, Izirayelin kii lɛ ná a sumu dí-nyali goon dia mà a wo Imila a nɛgiĩ Misee bíi wɔ fufuu.

Loen 34:21

A n giɛ a wen tumaa walan, a we goon din ba yiɛ wa.

Loen 55:3

N yiri kɔ ma li, n maa nyankɔ si. Maa foo ziziɛ̃ gɔ́ɔ̃ nɛ, ma nə n yiri binbirin boe, man busu ǹ boon diɛ.

Loen 69:14

Dɛnaa Lawa, masɛ a nyankɔ n ka kɛ nɛ. N yɔrɔ sonbore da ma la biikoo lɛ n ke. Lawa, n bǐɛ̃baa á gole, ma á doɛ̃ máa n tá re ma kirisibiɛ, màn kɔn ná a ba a sàabiɛ wa, bɛ lɛ tɔ ganaa, maa nyankɔ si.

Suusun 25:12

Min mɛn bɛ́ n too koe doɛ̃, sii-dɔ̃li a doroo ǹ boon ka sana zan bɛ́ lɔn a yii li, hinlaa ka bɔlɔ-a gii bɛ́ lɔn sana yoreen lɛa.

Suusun 29:10

Min sonboren tìĩ boemaa nɛ gɛ̀-dɛlin manɛ, sɛnɛ min peperen man koɛ kunun ǹ ni.

Suusun 9:8

N nyan doroo kɔ yaa wɔ minin ganaa wole la wa. Bɛ bie wa, a nə n biɛ zɔ́ɔ. Sɛnɛ, bɛ̀ n doroo kɔ sii-dɔ̃li la, ma n kɔɔ̃n koe a ganaa.

Izayii 30:10

Maǹ pii sii-nyaalin manɛ: «Ka nyan sii-nyaa yɛ doo wa.» Maǹ pii Lawa a boo gii-dalin manɛ: «Ka nyan Lawa a boo gii da wɔ-n doo wa. Boo mɛn bɛ́ sonbore lɛa, ka nyan bɛ pɛ wɔ-n doo wa. Boo mɛn bɛ́ kɔɔ̃n wɔ too ne, haalɛ ta a n soɛ lɛa, ka bɛ pɛ wɔ nɛ.»

Zeremii 18:18

Minin man pii: «Ka daa wɔ boo wɔ kɔn Zeremii ganaa! Wɔa foɛ̃ Lawa a wúlu-bɔle li a wɔ daraa dí-pɛn ganaa wa, hinlaa sii-dɔ̃li li a yiri kɔ wɔ la wa. Wɔa foɛ̃ Lawa a boo gii-dali li a Lawa a boo da wɔ-n wa. Ka wɔ n tan, wɔ yoo a gialaa, wɔ boo baraa da a ganaa. Wɔ nyan nə n too kɔ a da ǹ boon li wa!»

Zeremii 38:4

Bɛ kio, gána nyɛɛnaandɛnan nə́ pɛ kii Sedekiasi ni: «Zeremii dɛ a gã. A bɛ́ boo mɛn diɛ, bɛ n sɔraasin foo ziziɛ̃, ka zaman kɛ nɛ kiwi. A bie giɛ zaman lɛ a bǐɛ̃ li wa, a n giɛ a koe li.»

Amɔɔsi 5:10

Min mɛn bɛa lɛ koe mɛnaa mala-a wa, bɛa dɛnaa tìĩ n boe ne ka nyin ni. Bɛ̀ min mɛn tá taãn pii, bɛa dɛnaa tìĩ n boe kasɛn nyin ni.

Misee 2:7

Zakɔba tɔrɔn lɛn, ka dinin da ǹ boo n ke sonbore? Ká mà Dɛnaa Lawa a sii simaa lɛ na á nya? Ká mà a nya ǹ dí n ka kɛ-n sonbore? Min mɛn bɛ́ tɔ pepere we, masɛ a boo lɛ a là lɛa bɛ ganaa wa?

Marki 6:27

Bɛa bǎã-n gɔrɔ, a sɔraasin giĩ mɛn a dí bɛ́ ka bɛ nɛ, á bɛ dia, mà a wo ZAÃ mìi na, a da nɛ. Sɔraasin giĩ lɛ woo wɔ kòso kion, á ZAÃ mìi kuru.

Luku 6:22

Bɛ̀ minin tá ka biɛ zɔ́ɔ, ǹ nə́ n nyanɛɛ ka nɛ, ǹ nə́ sɔ koe ka ganaa, ǹ nə́ ka tɔ baraa pii Min a Nɛgiĩ a lɛa, ka dɔ̃ mà Lawa á re barka diɛ ka ganaa.

Zaã a sɛ́wɔ 15:24

Siin mɛnɛn bɛ́ min kɔ́n din ná a tɔn nə ǹ miã zɛnaa duduu wa, bɛ̀ ma bie má bɛn zɛnaa ǹ bii kɛnɛn wa, bɛ̀ sii baraa ba ǹ mìi-n wa. Sɛnɛ, sisia, a laanɛ ǹ nə́ bɛa siin lɛn yɛ, maǹ wusii n tiɛ̃ la ǹ tá masɛ laanka maa Díi biɛ zɔ́ɔ.

Zaã a sɛ́wɔ 7:7

Kanaa minin ba boe la ǹ kasɛn baa zɔ́ɔ wa, sɛnɛ, masɛ, maǹ ma biɛ zɔ́ɔ, a giala, masɛ nə ǹ sɔ̀n pii, ǹ zɛnaa ǹ siin ba siĩn wa.

Galaasi minin 4:16

Sɛnɛ kanna, ma taãn mɛn lɛ pɛ ka nɛ, bɛ n ma biɛ kaa zɔ́ɔ lɛa?