KZS2 18:4 - LAWA A BOO SONBORE

⁴ Sɛnɛ, Zozafati ná a lɛ si kɛnɛn doo: Bǐɛ̃ kɔ n nɔ̀n da Dɛnaa Lawa la bɔrɔ.

LAWA A BOO SONBORE 2011

⁴ Sɛnɛ, Zozafati ná a lɛ si kɛnɛn doo: Bǐɛ̃ kɔ n nɔ̀n da Dɛnaa Lawa la bɔrɔ.

KZS2 18:4 ပူးပေါင်းရင်းမြစ်များ

Samayeli2 2:1

Bɛa siin lɛn kiɛ̃ kio, Davida nɔ̀n da Dɛnaa Lawa la: «Ma á boe la ma wo Zudaa kiwin lɛn goon ne?» Dɛnaa Lawa ná a lɛ si: «Woo.» Davida wusoo á nɔ̀n da la kɛnɛn: «Ma doamaa nɛ ma wo maa?» Dɛnaa Lawa ná a lɛ si: «Wo Ebrɔn.»

Samayeli2 5:19

Davida nɔ̀n da Dɛnaa Lawa la kɛnɛn: «Ma á boe la ma wo Filisiti minin lɛn gialaa? N tá re ǹ we ma gɔn?» Dɛnaa Lawa Davida lɛ si: «Hiĩ, woo, ma á re Filisiti minin lɛn we n gɔn.»

Samayeli2 5:23

Davida nɔ̀n da Dɛnaa Lawa la doo, Dɛnaa Lawa ná a lɛ si: «N baran golee ǹ nyɛɛnɛ n zia baa ǹ ganaa wa. N pɛnɛ ǹ kio li, n tá re doe ǹ ganaa nyuunun too ǹ dan kɛn yɔrɔ-a.

KZS2 18:3

Izirayelin kii Akaabu nɔ̀n da Zudaa n kii Zozafati la: «N tá lɛ koe n da zia baa Ramɔti kiwi Galaati gána nɛ kun ka masɛ nɛ?» Zozafati ná a lɛ si kɛnɛn: «Wɔ n màn goon lɛa, nsɛ ka masɛ nɛ. Maa zaman nə n zaman lɛa, ma á woe zia biɛ kunun n ni.»

KZS2 18:5

Izirayelin kii Lawa a boo gii-dalin sɔkɔn kəni. Maǹ min biɛsii (400). Akaabu nɔ̀n da ǹ la kɛnɛn: «Wɔ doamaa nɛ wɔ wo zia baa Ramɔti kiwi Galaati gána nɛ wɔ si hinlaa wɔ a lɛ da?» Lawa a boo gii-dalin na á lɛ si: «N tá boe la n woo. Lawa á re kiwi lɛ we n gɔn.»

KZS2 34:26

Zudaan kii mɛn ka dia die nɔ̀n diɛ ma la ka Dɛnaa Lawa, Izirayeli Lawa a da ǹ boo ne, ka pɛ nɛ: N sɛ́wɔ lɛ a boon mɛnɛn ma, Dɛnaa Lawa, Izirayeli a Lawa a da ǹ boo á ke, bɛa paǹ li.

Loen 27:4

Man má màn goon nyankɔ Dɛnaa Lawa lon, man giɛ bɛ lɛ li: ma goã Dɛnaa Lawa a kion kɛ nɛ maa yiitákoobaa tumaa gɔ́ɔ̃ nɛ, ma ga Dɛnaa Lawa a siĩnbaa ganaa, ma ga a din foo sii li a kion sonbore kɛ nɛ.

Zeremii 21:2

«Bǐɛ̃ kɔ n nɔ̀n da Dɛnaa Lawa la wɔa lɛa. A giala, *Baabiloniin kii Nebukadenezɔɔrɔ yoo ka zia-n wɔ gialaa. Kɔntan, Dɛnaa Lawa á re kaãbaa sii zɛnɛɛ a na a wɔlɔ lui wɔ ganaa.»

Ezekieli 20:3

– Minbuiin a nɛ, boo da ka Izirayeli min golen sii yɔrɔ-bɔlen lɛn nɛ, n pɛ ǹ nɛ: Á ke, masɛ Dɛnaa Lawa n kɛ pii: «Ka n ka daa nɔ̀n da masɛ la? A ma toa ma yii n koo, ma a re toɛ kasɛn kɛn nə nɔ̀n da ma la wa!» Ma din Dɛnaa Lawa a da ǹ boo ne.

Samayeli1 23:2

Davida nɔ̀n da Dɛnaa Lawa la: «Ma doamaa nɛ ma wo Filisiti minin kɛn gialaa? Ma á die boe ǹ la?» Dɛnaa Lawa ná a lɛ si mà a woo, mà a tá re boe Filisiti minin lɛn la, a Kelaa kiwi si a da.

Samayeli1 23:4

Davida tɔ́n nɔ̀n da Dɛnaa Lawa la doo; Dɛnaa Lawa pɛ nɛ: «Yoo n zii saa, n wo Kelaa, a giala, ma á re Filisiti minin lɛn we n gɔn.»