KZS2 17:5 - LAWA A BOO SONBORE

⁵ Dɛnaa Lawa ná a kiibaa gòã wɔ tán. Zudaa minin tumaa n gá woe Zozafati ni. Á pàãma baa parsiini, á tɔ gugurubaa dɔ yɛ.

LAWA A BOO SONBORE 2011

⁵ Dɛnaa Lawa ná a kiibaa gòã wɔ tán. Zudaa minin tumaa n gá woe Zozafati ni. Á pàãma baa parsiini, á tɔ gugurubaa dɔ yɛ.

KZS2 17:5 ပူးပေါင်းရင်းမြစ်များ

Siin Giala 13:2

Abramu na á goã pàãma gole lɛa: tɔɔn nə́ goã a lon, ka wɔrɔ laanka sana nɛ.

Kiin1 10:25

Didie na á goã woe ka a bǐɛ̃baa ǹ màn nɛ: Wɔrɔ mànan laanka sana mànan manɛ, mɔnaan manɛ, ziabaa ǹ mànan manɛ, nyɔɔ gìĩ kɔɔ̃nɔn manɛ, sùin laanka dundun sùin manɛ, bɛ na á goã n zɛnɛɛ miɛ̃ lɛ̀ woo lɛ̀.

Kiin1 10:27

Kii lɛ toa wɔrɔ mɔnaa Zeruzalɛmu ka kɔlɔ bɛ́ lɔn, á toa *sɛdrə dan dɔn nə́ mɔnaa ka *Sefelaa a nyankɔrɔ lɛ kɛa sikomɔɔrɔ dan bɛ́ lɔn.

KZS2 1:15

Kii lɛ pàã nɛ, wɔrɔ laanka sana mɔnaa Zeruzalɛmu ka kɔlɔ bɛ lɔn, *sɛdrə da mɔnaa ka *Sefelaa a nyankɔrɔ lɛ kɛa sikomɔɔrɔ dan bɛ́ lɔn.

KZS2 18:1

Kii Zozafati pàãma baa parsiini á gugurubaa dɔ yɛ. Á sumu n kɔn we zɛnaa a laanka Izirayelin kii Akaabu a sumu ni.

KZS2 32:23

Min gigiã daa ka Lawa gɔ ǹ màn nɛ Zeruzalɛmu a Dɛnaa Lawa wɔ lɛa, ka gá wɔ ǹ mànan nɛ Zudaan kii Ezekiasi wɔ lɛa. A kũ bɛa waáraa ganaa tɔrɔ tumaa na a yii guguru koe.

KZS2 9:27

Kii lɛ toa wɔrɔ mɔnaa Zeruzalɛmu ka kɔlɔ bɛ́ lɔn, á toa *sɛdrə dan dɔn nə́ mɔnaa ka *Sefelaa a nyankɔrɔ lɛ kɛ a sikomɔɔrɔ dan bɛ́ lɔn.

Zɔbu 42:12

Dɛnaa Lawa wusoo á barka da Zɔbu ganaa bɛ kio, á la a lɛlɛ ǹ nɛ. A sèren man duu fulu sii (14 000), nyɔɔmaa duu sɔrɔ (6 000), buu kɔsɔ ǹ dii duu paa (2 000), ka dundun dan duu goon (1 000).

Loen 127:1

Wo Zeruzalɛmu loe. Salomɔn a loe n ke. Bɛ̀ Dɛnaa Lawa kion mɛn dɔ wa, a dɔlen man dí nyɛɛ kooro. Bɛ̀ Dɛnaa Lawa ba kiwi mɛn lɛduĩ wa, a lɛduə̃lin man lɛ wɛɛ ǹ yii n koo kooro.

Loen 132:12

Bɛ̀ n nɛnyaanan nə́ lɛ kɔ kɔn la ǹ boo kɛ tamaa, ka dí-pɛn kɛn nɛ, ma tá ǹ darɛɛ a ganaa, ǹ dɔn nɛnyaanan tá re giɛ̃ n bǎã nɛ, ǹ kii baa yǎa duduu.

Loen 68:29

Izirayeli, n pàã bɔ. Lawa din na á pɛ miɛ̃. Haya Lawa, n pàã bɔ wɔsɛn lɛa, ka n bɛ́ ń zɛnaa lɛlɛ lɔn.

Loen 72:10

Tarsisi kiwi laanka gánan mɛnɛn bɛ́ mu bii, bɛn kiin tá re min gɔ ǹ mànan diɛ la. Saabaa laanka Seebaa gánan kiin tá re màn boboe, ǹ kɔ la.

Loen 76:11

Haalɛ minbuiinin foo-yoo baraa ke, bɛ n boe la, a n tɔ bɔ. Sɛnɛ, min mɛnɛn bɛ́ n sii bɛa foo-yoo kɛ la, n din nə bɛn mɔrɛ n ganaa.

Suusun 16:12

Sii baraa tìĩ n boe ne kii nyin ni. Taãn nɛ, bɛ̀ n sii bǐɛ̃ zɛnaa, n kiibaa gòã n we tán.

Matiə 2:11

Ǹ nə́ wɔ kion lɛ nɛ, ǹ nə́ nɛ lɛ laanka ǹ dan Mariya yɛ. Ǹ nə́ kaa tán-a, ǹ nə́ nɛ lɛ guguru kɔ. Bɛ kio, ǹ nə́ ǹ mànan lɛ bũ ǹ nə́ gɔ ka sana nɛ, ka da yon gìĩ kɔɔ̃n laanka *miíri nyɔɔ gìĩ kɔɔ̃n nɛ, ǹ tumaa giɔ̀mɔ n kaka parsiini.

Matiə 6:33

Ka ga *Lawa a kiibaa laanka a peperebaa li bɔrɔ, bɛ kio, Lawa á die bɛa mànan kɛn tumaa koe ka la.

Piɛrɛ1 5:10

Sɛnɛ, ka bɛ́ fuu yii biikoo boɛɛn kɛ gɔ́ɔ̃-n ke, bɛ kio, bǐɛ̃ tumaa zɛnaali Lawa mɛn bɛ́ á ka bíi, mà ka kaa wɔ gii yɛ a din a gugurubaa nyabaã wole kɛ nɛ, kaa kaa-kun Krita-n lɛ barka nɛ, bɛa Lawa lɛ dinmaa n die ka gòãn doɛ doo, a ka foo taã, a pàã kɔ ka la, a ka kaa gòãn koa ǹ bǎã sonbore ne.

Samayeli1 10:27

Sɛnɛ min kɔrɔn nə́ yɛ, ǹ nə́ goã pii kɛnɛn: «Wàa-n sɛn! Kɛ lɛ n die wɔsɛn boe a nɛ!» Ǹ pàã wɔ Sayulu n wa, ǹ bǐɛ̃ goon baa la wa. Sɛnɛ Sayulu giã ka a din ni.