KZS2 17:3 - LAWA A BOO SONBORE

³ Dɛnaa Lawa na á goã kun ka Zozafati ni, a giala, asɛ a giã ǹ gɔn na á goã ka ǹ digolo Davida a yoo tán waáraa wɔ bɛ́ lɔn. A ga dì baalin li wa.

LAWA A BOO SONBORE 2011

³ Dɛnaa Lawa na á goã kun ka Zozafati ni, a giala, asɛ a giã ǹ gɔn na á goã ka ǹ digolo Davida a yoo tán waáraa wɔ bɛ́ lɔn. A ga dì baalin li wa.

KZS2 17:3 ပူးပေါင်းရင်းမြစ်များ

Siin Giala 39:21

Lawa bǐɛ̃ zɛnaa nɛ, a ná a sii kɔɔ̃n kɔ kòso kion-lɛduə̃li ganaa.

Samayeli2 5:10

Màn na á goã miɛ Davida pàã li woe miɛ̃. Dɛnaa Lawa mɛn bɛ́ pàã tumaa dɛnaa Lawa lɛa, bɛ́ goã kun ni.

Samayeli2 8:15

Davida giã Izirayeli minin lɛn tumaa mìi la. A na á goã zaman lɛ tumaa a sii yɔrɔ boe ka peperebaa nɛ, a bɔkɔnlɛ we wa.

Kiin1 11:6

Sii mɛn bɛ́ baraa Dɛnaa Lawa yii li, Salomɔn bɛ zɛnaa, a kɔ Dɛnaa Lawa lɛ, a lɛ pã ka ǹ di Davida wɔ bɛ́ lɔn wa.

Kiin1 22:43

Zozafati na á ǹ di a tɔ wɔ ǹ gɔn saa, a ǹ kɔn toa walan wa. Màn mɛn bɛ́ pepere Dɛnaa Lawa yɔrɔ-a, a na á goã bɛ zɛnɛɛ.

Kiin1 3:3

Salomɔn goã Dɛnaa Lawa narɛ. Bɛ lɛ na á toa, ǹ di Davida landa boon mɛnɛn pɛ nɛ, á goã koe bɛn lɛ. Sɛnɛ, a dɔ na á goã tɔn wúlu boe, tɔn da yon gìĩ kɔɔ̃n tiɛ̃ bɛa wúlu bɔ ǹ bǎãn lɛn dininsɔɔ̃nɔn nɛ.

Kiin2 14:3

Sii mɛn bɛ́ pepere Dɛnaa Lawa yii li, Amasiya bɛ zɛnaa, sɛnɛ a bie ka a na á zɛnaa ka ǹ digolo Davida bɛ́ lɔn wa. A na á sii zɛnaa á kɔnpɛ ka ǹ di Zoasi wɔ-n ka te.

Kiin2 16:2

Ahaazi bɛ́ kii biɛ, bɛ̀ a lɛ̀ fuə ne. A na á kiibaa zɛnaa lɛ̀ fulusɔrɔ Zeruzalɛmu kiwi. Sii mɛn bɛ́ pepere a Lawa, Dɛnaa Lawa lɛ yii li, a bɛ zɛnaa ka ǹ digolo Davida bɛ́ lɔn wa.

Kiin2 18:3

Sii mɛn bɛ́ pepere Dɛnaa Lawa yii li, á bɛ zɛnaa ka ǹ digolo Davida wɔ bɛ́ lɔn ka te!

Kiin2 22:2

Sii mɛn bɛ́ pepere Dɛnaa Lawa yii li, Zoziasi bɛ zɛnaa. Á ǹ digolo Davida a tɔ wɔ ǹ gɔn saa ka te. A kanaa á woo a gusin wa, a kanaa á woo a gɔsɛ dɔn wa.

KZS1 22:18

«Dɛnaa Lawa, kaa Lawa bie kũ ka ka nɛ wa? A na á là nyantoro kɔ ka la paǹ tumaa li. Á bɛa gána lɛ a giãman wole kɛn wɔ ma gɔn. Pelo maǹ Dɛnaa Lawa a pàã giulun ka a zaman wɔ nɛ.

KZS2 14:11

Ká Dɛnaa Lawa barka nɛ, Azaa laanka Zudaa minin nə́ gɔ̀lɔ̀baa yɛ Etiopii minin la, ǹ nə́ ǹ kaa baa la.

KZS2 15:2

Azaria woo kii Azaa li á pɛ nɛ: «Azaa, Zudaa ka Bɛnzamɛn minin, ka tumaa nə n too kɔ ma lon! Dɛnaa Lawa n kun ka nɛ, bɛ̀ ka dɔn tá kun ni. Bɛ̀ ka ga li, á re toɛ ka yɛ. Sɛnɛ, bɛ̀ ka n la bɔ a ganaa, á re n la boe ka-a.

KZS2 17:2

Zudaa kiwi mɛn tumaa bɛ́ tamaa nɛ parsiini, á sɔraasi kurun kaa bɛn nɛ. Á sɔraasin giã ǹ bǎãn koa Zudaa gána nɛ ka Efrayimu kiwin kɛn dɔn nɛ ǹ di Azaa nə́ ǹ kũ.

KZS2 17:4

A n giɛ ǹ digolon Lawa li á n koe a dí-pɛn lɛ. Izirayeli minin kɛn nə goã sii mɛn zɛnɛɛ, asɛ ba koe bɛ lɛ wa.

KZS2 20:32

Zozafati kɔ ǹ di Azaa a zii lɛ. A n na, á n bɔ a ganaa duduu wa. Sii mɛn bɛ́ siĩn Dɛnaa Lawa yii li, a na á bɛ zɛnaa.

KZS2 21:12

Ǹ kɔn pinaa, Lawa a boo gii-dali Yilii sɛ́wɔ dia Zoraamu la, kɛ n kiɛ̃ nɛ a nɛ: «Dɛnaa Lawa a boo á ke, n digolo Davida a Lawa lɛ. N ba koe n díi Zozafati a sii zɛnaa a kɔnboe lɛ wa, n ba koe n díi gole Zudaan kii Azaa dɔ wɔ lɛ wa.

KZS2 22:9

Bɛ kio, á tɔn minin kaa kii Ahaazia a gamali ganaa. Minin nə́ kũ a duru ǹ bǎã nɛ Samarii, ǹ nə́ daa kɔ Zewu la, á dɛ á gã. Ǹ nə́ bĩ yala-n a giala, maǹ pii mà Ahaazia lɛ n Zozafati tɔrɔ lɛa, ke á ga Dɛnaa Lawa li ka a foo tumaa nɛ. Ahaazia a kion, min kɔn goã a n boe la a kii baa wa.

KZS2 27:6

Zoatamu pàã yɛ parasii ni, a giala, a n tɔ we Dɛnaa Lawa yɔrɔ-a ka peperebaa nɛ.

KZS2 29:2

Sii mɛn bɛ́ siĩn Dɛnaa Lawa yii li, Ezekiasi na á bɛ zɛnaa ka te, ká ǹ digolo Davida wɔ bɛ́ lɔn.

KZS2 34:2

Sii mɛn bɛ́ pepere Dɛnaa Lawa yii li, Zoziasi bɛ zɛnaa. Á ǹ digolo Davida a tɔ wɔ ǹ gɔn saa ka te. A kanaa á woo a gusin wa, a kanaa á woo a gɔsɛ dɔn wa.

Loen 46:11

Lawa tɔ́n pɛ: Ka a lɛ da dɛ! Ka dɔ̃ mà ma din nə Lawa lɛa! Má gɔ̀lɔ̀baa yɛ gánan la, má gɔ̀lɔ̀baa yɛ tɔrɔn la.

Loen 46:7

Lawa bɛ́ á boo da, gánan nə́ gigini, tɔrɔn nə́ bìn da, tán nə́ yo ka nyɔɔ nɛ, nyɛ́ɛ gɔn.

Bɔ bɛ̀rɛbaa nɛ 3:12

Lawa pɛ nɛ: «Ma á kunun n ni. Sii mɛn bɛ́ nyɛɛ n nɛ, mà masɛ din nə má n dia bɛ á ke: Bɛ̀ ń soo ka zaman lɛ nɛ ń nə́ ǹ bɔ Ezipti gána nɛ, ǹ tá re dí nyɛɛ Lawa nɛ kele kɛ la.»

Bɔ bɛ̀rɛbaa nɛ 4:12

Kanna kəni, woo, ma din tá kun n lɛ nɛ, n doamaa bɛ́ nɛ n boo mɛn da, ma á re n darɛɛ bɛ ganaa.»

Izayii 41:10

Nyɛ́ɛ nyan nə n kũ wa, a giala, ma á kunun n ni. N nyan ga n para li ka foo ziziɛ̃-n wa. Masɛ din ni n Lawa lɛa. Man pàã koe n la, man die n gú ganaa, man kirisibaa ka maa bɔlɔgoondɛnaabaa nɛ.

Izayii 8:10

Tɔrɔn lɛn, ka siin yɔrɔ bɔ, sɛnɛ, ǹ ba re yɔrɔ yii wa! Ka n taasɛ siin ganaa, sɛnɛ, ǹ ba re boe wa! A giala, Dɛnaa Lawa n kun ka wɔsɛn nɛ.

Zeremii 2:23

N nə n siɛ lɔn n tá pii mà n nə n din gɔgɔrɛ kɔ wa, mà n Baalin guguru kɔ wa. Ga n giã ǹ gɔn ganaa nyankɔrɔ basa kɛ nɛ. Lɛ kɔ n sãn ganaa. N nə n kɔnbɔ nyɔɔmaa dan ten ne, baa sii paǹ yii li.

Matiə 1:23

«Nɛnɛn mɛn bɛ́ a tɔn giĩ dɔ̃ wa, á re nɛgiĩ yii, ǹ tá re a tɔ koe Emanuwɛli, bɛ giala mà "Lawa tá kun wɔ nɛ".»

Matiə 18:20

A giala bɛ̀ min paa hinlaa min sɔɔ nə́ n lɛ sɔkɔn bǎã mɛn nɛ ka masɛ tɔ nɛ, ma tá ǹ bii walan.»

Matiə 25:16

A bɛ́ á sana kuturu sooro kɔ min mɛn la, bɛ kiɛ̃ gɔrɔ á woo pii kɔ ka bɛa sana lɛ nɛ, á wusoo á ǹ miã sana kuturu sooro yɛ.

Matiə 28:20

Ma dí mɛn tumaa pɛ ka nɛ, ka ǹ daraa ǹ ganaa ǹ nə ǹ nya. Ka dɔ̃: Ma á kun ka-n baraabaraa, yǎa kanaa a nya pinaa.»

Timote2 4:22

Lawa die a giã n li. Lawa a bǐɛ̃ die a goã kun ka tumaa nɛ.

Zozoe 1:5

A n toa n yii n koo, min kɔn ba re golee n yɔrɔ-a a yɔ bɔ n ganaa wa. A giala, masɛ goã kun ka Muizu-n lɔn ke, man die goɛ̃ kun ka n dɔ-n miɛ̃. Ma a die n gɔn boe n ganaa wa, ma a re n toɛ walan duduu wa.

Zozoe 1:9

Ma din bie má pɛ n nɛ, máa n nə n gù we yii n nə n foo taã wa ya? N baran nyɛ́ɛ baa wa, n baran toa n gù gã wa. A giala, masɛ Dɛnaa Lawa mɛn lɛ á ke n Lawa lɛa, ń bɛ́ re woe bǎã woo bǎã nɛ, masɛ tá kunun n ni.»

Sii yɔrɔ-bɔlen 2:11

Sii mɛn bɛ́ baraa Dɛnaa Lawa yii li, Izirayeli minin lɛn man nə́ bɛ zɛnaa, ǹ nə́ dí nya *Baalin manɛ.

Sii yɔrɔ-bɔlen 2:18

Bɛ̀ Dɛnaa Lawa sii yɔrɔ-bɔle bɔ á kɔ ǹ la lɔn, Dɛnaa Lawa n goɛ̃ kun ka bɛa sii yɔrɔ-bɔle lɛ nɛ. A na á goã ǹ sii ǹ zɔ́ɔn la sii yɔrɔ-bɔle lɛ a yiikoonaabaa tumaa gɔ́ɔ̃ nɛ. A giala, min mɛnɛn nə goã fuu nyɛɛ ǹ nɛ, ǹ nə́ boe ǹ yii ni, ǹ goã ginii mɛn we bɛn yɔrɔ-a, bɛ lɛ na á toa ǹ makara Dɛnaa Lawa kũ.

Sii yɔrɔ-bɔlen 6:12

Dɛnaa a lon a dia dí-a wole lɛ nə́ n din nyaa nɛ, á pɛ-n kɛnɛn: Dɛnaa Lawa tá kunun n ni, zia-baali zanbia gole!

Sii yɔrɔ-bɔlen 8:33

Zediɔ̃ a gɛ̀ kio, Izirayeli minin lɛn nə́ wusoo ǹ ná a giala kɔ ǹ nə́ kɔrɔbaa zɛnaa kun ka *Baali dìn kɛn nɛ. Dì lɛ a mɛn bɛ́ ǹ tá bíi Baali-Beriti ǹ nə́ bɛ saa, ǹ nə́ baa ǹ lawa lɛa.

Samayeli1 18:12

Sayulu nyɛ́ɛ baa Davida nɛ, a giala, Dɛnaa Lawa goã kun ka Davida nɛ, á Sayulu toa walan.

Samayeli1 18:14

A soon lɛn tumaa gɔ́ɔ̃ nɛ, á goã gɔ̀lɔ̀baa yii, a giala Dɛnaa Lawa goã kun ni.

Samayeli1 18:5

Sayulu goã Davida diɛ woe koe bǎãn mɛnɛn tumaa lɛ, á goã gɔ̀lɔ̀baa yii. Sayulu Davida kũ á da a zia-baalin mìi la. Davida a sii goã siĩni zaman lɛ tumaa yii li. Á goã siĩni Sayulu a dí-nyalin dɔn yii li.