KZS2 16:9 - LAWA A BOO SONBORE

⁹ A giala, Dɛnaa Lawa n giɛ tán la, kanaa paǹ tumaa ganaa, min mɛnɛn bɛ́ narɛ ka ǹ foo tumaa nɛ, a n dɔ bɛn lɛ. Sisia kəni, ń baãnaabaa zɛnaa. Bɛ lɛ nɛ, a kũ sisia ganaa, n zɔ́ɔn man die yui n gialaa ka zia nɛ.»

LAWA A BOO SONBORE 2011

⁹ A giala, Dɛnaa Lawa n giɛ tán la, kanaa paǹ tumaa ganaa, min mɛnɛn bɛ́ narɛ ka ǹ foo tumaa nɛ, a n dɔ bɛn lɛ. Sisia kəni, ń baãnaabaa zɛnaa. Bɛ lɛ nɛ, a kũ sisia ganaa, n zɔ́ɔn man die yui n gialaa ka zia nɛ.»

KZS2 16:9 ပူးပေါင်းရင်းမြစ်များ

Siin Giala 31:28

N toa má fòo din da maa nɛlɔn laanka maa nɔ̀ɔnɔn man wa. Bɛ n baãnaabaa ǹ sii lɛa ń zɛnaa.

Samayeli2 24:10

Davida bɛ́ á zaman lɛ nimi miɛ̃, bɛ kio, a foo ná a din zɛ̀rɛ baa. Á tɔ́n pɛ Dɛnaa Lawa nɛ: «Ma sii mɛn zɛnaa, sii baraa gole gole ne. Kanna kəni, Dɛnaa Lawa, masɛ nə n nyankoe, bǐɛ̃ kɔ n kiɛ̃ maa sii baraa kɛ la, a giala, gàãnaabaa ǹ sii din taãn nə ka kɛ nɛ má zɛnaa.»

Kiin1 15:32

Zia na á goã Azaa laanka Izirayeli gána a kii Bayesaa bii ni, ǹ yiikoonaabaa tumaa gɔ́ɔ̃ nɛ.

Kiin2 20:3

«Ee Dɛnaa Lawa, bǐɛ̃ kɔ n nə n yiri gisĩ ka ma nɛ. Má tɔ wɔ n yɔrɔ-a ka bɔlɔgoondɛnaabaa nɛ, ka gɔ́ɔ̃-fubaa nɛ. Ka bɛ dɔ nɛ, sii mɛn bɛ́ siĩni n yii li, má bɛ zɛnaa.» Yii mu gigiã soo Ezekiasi yɔrɔ nɛ.

KZS1 21:8

Davida tɔ́n pɛ Lawa nɛ: «Sii baraa gole n ke ma zɛnaa. Kanna kəni biɛ̃kɔ n kiɛ̃ ń dí-nyali a siɛ̃ la, a giala maa zɛnaa ǹ sii n ka gàãnaa wɔ bɛ́ lɔn.»

KZS2 15:17

Azaa a yiikoonaabaa tumaa gɔ́ɔ̃ nɛ, a foo din tumaa goã Lawa wɔ lɛa. Sɛnɛ, dì wúlu bɔ ǹ bǎã kɛn, bɛn nə papaã Izirayeli gána-n wa.

KZS2 15:19

Azaa lɛ̀ pɔsɔɔ ka sooro bibinaa mɛn zɛnaa pàã la, zia yɛ wa.

KZS2 16:10

Azaa foo yoo Lawa a boo gii-dali Anaanii li, á kũ á da kòso-n. A foo yoo Anaanii a boon kɛn li Parsiini. Bɛa waáraa kɛ lɛ nɛ, Azaa nə n bɔyaa á kakaarɛ kɔ zaman lɛ a min tɛn ganaa.

KZS2 19:9

A dí-pɛ mɛn pɛ ǹ nɛ, bɛ á ke: «Ka n die sii zɛnɛɛ ka nyɛ́ɛ baa Dɛnaa Lawa yii-n ni, peperebaa nɛ ka foo goon toto ne.

KZS2 6:20

N yii die a goã kɛa kion kɛ lɛ la penleen laanka tèlò ne, bǎã mɛn lɛ á ke ń bɔ n nə́ n tɔ da la. Kanna kəni, n too kɔ maa nyankɔ li kion kɛ nɛ.

Ɛsidrasi 5:5

Sɛnɛ Lawa goã giɛ Zuifun min golen lɛn walan. Pɛrsi gána minin lɛn nə ǹ kurəə dí lɛ a nyɛɛ ganaa wa, yǎa sii lɛ a boo woo dɔ Dariusu li, a binyəə dɔ wusoo á n bɔyaa á daa.

Zɔbu 28:24

A giala, a yii n wɔlɔ yii yǎa kanaa lɛ doa ǹ bǎã ganaa. Màn mɛn tumaa bɛ́ lon kɛ giulun, a na a tumaa yii.

Zɔbu 31:4

Sɛnɛ, Lawa lɛ din yii ba masɛ a tɔ wɔ ǹ gɔn ganaa wa? A yii ba maa gòã saa ǹ gɔn tumaa ganaa wa?

Zɔbu 34:21

A giala, Lawa n giɛ minbuiin nɛ a tɔ wɔ ǹ gɔn ganaa, a gòã saa gogoonmaa yii, Lawa nə n yiri koɛ li.

Loen 113:6

A nə n kanɛɛ, á giɛ lon laanka tán ganaa.

Loen 33:14

A nə n toɛ a giã ǹ bǎã nɛ, á n giɛ kanaa minbuiin tumaa ganaa.

Loen 33:15

A din na á ǹ gogoonmaa foo zɛnaa, a ba foɛ̃ ǹ zɛnaa ǹ sii kɔn ganaa wa.

Loen 33:18

Sɛnɛ, min mɛnɛn bɛ́ nyɛ́ɛ biɛ Dɛnaa Lawa nɛ, ǹ nə́ n foo doɛ a kɔn-narɛɛ gole kɛ ganaa, Dɛnaa Lawa n giɛ bɛn walan.

Loen 34:15

A n bɔ sii baraa zɛnaa wɔlɔ li, a sii bǐɛ̃ zɛnaa. A ga là nyantoro li, a baa si a kio.

Loen 37:37

Min mɛn gɔ́ɔ̃ bɛ́ fu, a n min pepere lɛa, min mɛn bɛ́ giɛ là nyantoro li, bɛa dɛnaa tɔrɔn tá re goɛ̃.

Suusun 15:3

Dɛnaa Lawa yii n bǎã tumaa nɛ, a yii n min baraan ganaa ka min sonboren ne.

Suusun 5:21

Dɛnaa Lawa yii-n minbuiin nɛ tumaa a zɛnaa ǹ siin ganaa, a tá ǹ ziin tumaa doɛ̃.

Izayii 31:1

Min mɛnɛn bɛ́ woe giɛ dɔmalɛ li Ezipti gána nɛ, bɛn wɔ n ka koe ne. Ǹ yiri nə ǹ sùin ganaa, ǹ foo n doa nɛ ǹ ziabaa ǹ wotoro damatan kɛn ganaa, ka ǹ sùi dabaa wolen ne a giala maǹ tá kaka. Sɛnɛ, ǹ nə n yɔrɔ bɔyaa ǹ nə́ dia Izirayeli a Lawa sonbore kɛ la wa, ǹ ba giɛ Dɛnaa Lawa li wa!

Zeremii 16:17

Ǹ bɛ́ sii mɛn yii zɛnɛɛ, ma yii tá a ganaa. Ǹ kɔn ba durii-n ma ganaa wa. Ma yii tá ǹ siɛ̃n ganaa.

Zeremii 32:19

Ma n sii dadaran lɛ boe, maǹ yɔrɔ yii ka pàã gole ne. Minbuiin nɛn zɛnaa ǹ siin tumaa nə n yɔrɔ-a. «Ma n didie sarɛɛ a kɔnpɛ ka a giã ǹ gɔn laanka a zɛnaa ǹ siin ni.

Zeremii 5:1

Ka wo bǎã tumaa nɛ, Zeruzalɛmu a ziin la, ka ga sɔnbɔraa nɛ, ka nɔ̀n da, Ka ga a bǎã dadaran nɛ, Bɛ̀ ka min goon yɛ, pepere, bɔlɔgoondɛnaa lɛa, ma á re makara boe Zeruzalɛmu ganaa kəni.

Zeremii 5:21

Ka n too kɔ kəni, tɔrɔ yiriwɛɛnaan kɛn, baãnaan lɛa. Ka yiin tan sɛnɛ ǹ ba wɔlɔ yii wa, ka toon tan sɛnɛ ǹ ba boo miɛ wa.

Zeremii 5:3

Dɛnaa Lawa, n bie giɛ sonbore taãn li wa? Ń nə́ ǹ dɛ, sɛnɛ a wɔ ǹ ganaa wa. Ń bɔ̀n da ǹ ganaa, sɛnɛ, ǹ nə́ n piã ka n doroon ne. Ǹ nə́ n mìi laa ka kɔlɔ bɛ́ lɔn, ǹ nə́ n piã mà ǹ ba die n li wa.

Zakarii 4:10

Doa boɛɛn mɛn nə n wɔ sii giala kɔ waáraa, ka nyan zín bɔ bɛ-n wa. Zorobabeli bɛ́ re Lawa a kion lɛ a doe giala koe, ka doamaa-n ka n nyanyaa. «Bolon sɔbaa kɛ n goon ka Dɛnaa Lawa yiin ni. Maǹ giɛ tán tumaa walan.»

Matiə 5:22

Sɛnɛ, masɛ n pii ka nɛ, bɛ̀ min mɛn foo yoo ǹ miã li, ka doamaa nɛ ka dɔlɔ bɔ bɛa dɛnaa ganaa. Bɛ̀ min mɛn nə́ pɛ ǹ miã nɛ: «N là banban,» ka doamaa nɛ ka dɔlɔ gole bɔ bɛa dɛnaa ganaa. Bɛ̀ min mɛn nə́ pɛ ǹ miã nɛ: «Gàãnaa nə n nɛ!» ka doamaa nɛ ka bɛa dɛnaa da bɔ̀nbaa ǹ tɛ gole ne.

Luku 12:20

Sɛnɛ, Lawa pɛ nɛ: «Nsɛ baãnaa ke! Pelo tèlò kɛ lɛ din ni, Lawa á die n nyin sii n la. N bɛ́ n màn mɛn lɛ sɔkɔn bɛ n die die wɔ biɛ?»

Korɛnti1 15:36

Nsɛ baãnaa nɛ! Bɛ̀ n màn we da, á boe la a bɔ a da baa, bɛ̀ a ná a bɔɔ̃ á tɔn gii wa?

Galaasi minin 3:1

Galaasi yiriwɛɛnaan lɛn! Die na á kɔnkoãbaa zɛnaa ka nɛ? A da yaa, ǹ nə́ Yezu *Krita a dere gɔn ganaa boo kɛ da ka yii-n foaãnɛ.

Ebrəə 4:13

Màn kɔ́n din ba durii-n Lawa la wa. Màn din tumaa na a yɔrɔ-a panparaanɛ, a yii nə́ ǹ ganaa. Wɔ tumaa n die n bɔlɔ pii a din yɔrɔ-a.

Piɛrɛ1 3:12

A giala, Dɛnaa n giɛ sii pepere-zɛnaalin walan, a too n koo ǹ nyankɔ li, sɛnɛ, Dɛnaa nə n piɛ̃ ka baraa-zɛnaalin ni.»

Samayeli1 13:13

Samayeli pɛ Sayulu ni: «Gaãnaa baa ǹ dí n ke ń nya. Dɛnaa Lawa lɛ, kaa Lawa lɛa, bɛ dí mɛn kɔ n la, ń nə n piã ka bɛ nɛ. A na á goã bɛ̀ Dɛnaa Lawa n die toɛ kii lɛa miɛ̃ duduu Izirayeli mìi la.