KZS2 16:7 - LAWA A BOO SONBORE

⁷ Bɛa waáraa, Lawa a boo gii-dali Anaanii daa Zudaan kii Azaa yaa á pɛ nɛ: «N bɛ n nə́ n foo doa Siiriin kii ganaa, n nə́ n nə n foo doa Dɛnaa Lawa, n Lawa ganaa wa, bɛ lɛ n die toɛ Siiriin kii a sɔraasin nə n si n la.

LAWA A BOO SONBORE 2011

⁷ Bɛa waáraa, Lawa a boo gii-dali Anaanii daa Zudaan kii Azaa yaa á pɛ nɛ: «N bɛ n nə́ n foo doa Siiriin kii ganaa, n nə́ n nə n foo doa Dɛnaa Lawa, n Lawa ganaa wa, bɛ lɛ n die toɛ Siiriin kii a sɔraasin nə n si n la.

KZS2 16:7 ပူးပေါင်းရင်းမြစ်များ

Kiin1 15:19

«Lɛ-kɔ tá masɛ laanka n din Bɛn-Adaadi bii ni, ka lɛ-kɔ goã ma di laanka n di bii lɔn. Wɔrɔ laanka sana á ke ma á bǐɛ̃ biɛ n la nɛ. Woo, n laanka Izirayeli gána a kii Bayesaa a lɛ-kɔ ke, n bɛ ziziɛ̃ màn mɛn bɛ́ toɛ, a baran da ma gialaa ka zia-n wa.»

Kiin1 16:1

Dɛnaa Lawa boo da ka Anaanii a nɛgiĩ Lawa a boo gii-dali Zewu ni. A boo lɛ yɔrɔ na á goã dia-n Bayesaa la:

Kiin1 16:7

Dɛnaa Lawa a boo mɛn lɛ yɔrɔ bɛ́ dia-n Bayesaa laanka a kion minin la, Anaanii a nɛgiĩ Zewu, Lawa a boo gii-dali lɛ na á bɛ pɛ, Bayesaa a sii baraan taman yii, a wɔ Dɛnaa Lawa lon ka ǹ mɛnɛn lɛn nɛ. A sii baraa mɛn zɛnaa ka Zeroboamu goã á zɛnaa lɛlɛ lɔn, a bie á Dɛnaa Lawa foo busu ka bɛ dinsɔɔ̃-n wa, a Zeroboamu a kion minin dɛ kɛ dɔ sii tá a nɛ.

Kiin2 18:5

Ezekiasi nə́ n foo doa Izirayeli a Lawa, Dɛnaa Lawa lɛ ganaa. Kii Ezekiasi kio, Zudaa gána a kiin lɛn tumaa bii, kii yɛ ka a bɛ́ lɔn wa. KIIN mɛnɛn dɔn nə goã ǹ nə́ daa a nyɛɛnɛ, ǹ miã goã bɛn dɔn bii wa.

KZS1 5:20

Bɛa zia lɛ wuu li, ǹ nə́ Lawa nyankɔ mà a n dɔ ǹsɛn lɛ, a giala ǹ foo goã doa nɛ a ganaa. Lawa dɔ nə́ ǹ nyankɔ si, á n dɔ ǹ lɛ. Bɛa yɔrɔ lɛ la, ǹ nə́ boo Agaraa tɔrɔn lɛn la ǹ nə́ ǹ kaa ǹ pàã giulun, ka min mɛnɛn dɔn nə ǹ wɔ kaa kun ka Agaraa tɔrɔn lɛn nɛ.

KZS2 13:18

Bɛa pinaa kɛ lɛ nɛ, ǹ nə́ sìi da Izirayeli minin ganaa. Zudaa minin sɛn nə gɔ̀lɔ̀baa yɛ, a giala, maǹ nə́ ǹ pàã doa Dɛnaa Lawa la, ǹ digolon Lawa.

KZS2 14:11

Ká Dɛnaa Lawa barka nɛ, Azaa laanka Zudaa minin nə́ gɔ̀lɔ̀baa yɛ Etiopii minin la, ǹ nə́ ǹ kaa baa la.

KZS2 16:6

Kii Azaa soo kun ka Zudaa min tumaa nɛ. Bayesaa kɔlɔ laanka gɔn mɛn tumaa sɔkɔn Ramaa kiwi tamaa taman yii, ǹ nə́ bɛ tumaa goa ǹ nə́ woo kungɔnɔn dɔ nɛ, ǹ nə́ Gebaa laanka Mispaa lɛnpɛnɛ nɛ.

KZS2 19:2

Lawa a boo gii-dali, Anaanii a nɛgiĩ Zewu daa n da lɛ á pɛ nɛ: «Ma nə́ n woo n dɔ min baraa lɛ. Bɛ na á saa lɔn? Min mɛnɛn bɛ́ Dɛnaa Lawa nə́ ǹ tii, bɛn man kɔɔ̃nɛ nsɛ ganaa? Bɛ lɛ taman yii, Dɛnaa Lawa foo yoo n li.

KZS2 20:32

Zozafati kɔ ǹ di Azaa a zii lɛ. A n na, á n bɔ a ganaa duduu wa. Sii mɛn bɛ́ siĩn Dɛnaa Lawa yii li, a na á bɛ zɛnaa.

KZS2 20:34

Zozafati a sii zɛnaa kɔsɔn kɛn, a saa a bibinaa ganaa a wo a giala nyɔmiɛ̃ yaa, bɛn tá kiɛ̃ nɛ Anaanii a nɛgiĩ Zewu a siin sɛ́wɔ nɛ. Bɛa sɛ́wɔ kiɛ̃n kɛn lɛn tá Izirayelin kiin sɛ́wɔ nɛ.

KZS2 24:24

Siirii minin lɛn dinin nə goã gigiã wa. Sɛnɛ, Dɛnaa Lawa Zudaa minin sɔraasi damata kɛ wɔ ǹ gɔn a giala, maǹ nə́ n la bɔ a ganaa, ǹ digolon Lawa ke. Bɛa yɔrɔ lɛ la, Siirii minin man Lawa a kiri kuri Zoasi la.

Izayii 31:1

Min mɛnɛn bɛ́ woe giɛ dɔmalɛ li Ezipti gána nɛ, bɛn wɔ n ka koe ne. Ǹ yiri nə ǹ sùin ganaa, ǹ foo n doa nɛ ǹ ziabaa ǹ wotoro damatan kɛn ganaa, ka ǹ sùi dabaa wolen ne a giala maǹ tá kaka. Sɛnɛ, ǹ nə n yɔrɔ bɔyaa ǹ nə́ dia Izirayeli a Lawa sonbore kɛ la wa, ǹ ba giɛ Dɛnaa Lawa li wa!

Izayii 32:2

Didie n die goɛ̃, ka duru ǹ bǎã bɛ́ lɔn piɛ̃ giulun, ka kion bɛ́ lɔn la giulun, ka mu bɛ́ lɔn diə ne, ka gɛ̀fu gole wúlu bɛ́ lɔn, sɛ̀fuu gána nɛ.

Izayii 39:3

Bɛ kio, Lawa a boo gii-dali Izayii daa kii Ezekiasi li, á nɔ̀n da la: «Minin kɛn man nə́ wàa boo da n nɛ? Maǹ boe maa?» Ezekiasi ná a lɛ si: Maǹ boe *Baabilonii, gána sɔsɔɔ nɛ, ǹ nə́ daa n yii kɔ ma ganaa.