Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




KZS2 15:2 - LAWA A BOO SONBORE

2 Azaria woo kii Azaa li á pɛ nɛ: «Azaa, Zudaa ka Bɛnzamɛn minin, ka tumaa nə n too kɔ ma lon! Dɛnaa Lawa n kun ka nɛ, bɛ̀ ka dɔn tá kun ni. Bɛ̀ ka ga li, á re toɛ ka yɛ. Sɛnɛ, bɛ̀ ka n la bɔ a ganaa, á re n la boe ka-a.

အခန်းကိုကြည့်ပါ။ ကော်ပီ

LAWA A BOO SONBORE 2011

2 Azaria woo kii Azaa li á pɛ nɛ: «Azaa, Zudaa ka Bɛnzamɛn minin, ka tumaa nə n too kɔ ma lon! Dɛnaa Lawa n kun ka nɛ, bɛ̀ ka dɔn tá kun ni. Bɛ̀ ka ga li, á re toɛ ka yɛ. Sɛnɛ, bɛ̀ ka n la bɔ a ganaa, á re n la boe ka-a.

အခန်းကိုကြည့်ပါ။ ကော်ပီ




KZS2 15:2
56 ပူးပေါင်းရင်းမြစ်များ  

Rezɔn na á goã Izirayeli a zɔ́ɔ lɛa miɛ̃ Salomɔn a yiikoonaabaa tumaa gɔ́ɔ̃ nɛ, ka Adaadi dɔ bɛ́ lɔn. Izirayeli sii goon goã Rezɔn ganaa wa, á kiibaa zɛnaa Siirii gána nɛ.


Yilii ná a lɛ si: «Masɛ sii bie wa. N din laanka n kion minin sii ni. A giala, ka Dɛnaa Lawa a gɔn waa ǹ boon toa walan, ka bɛ dɔ nɛ, ń *Baali nyínin guguru kɔ.


Zaman gialakun ke maa wɔ lɛa man die n gɔn boe bɛn ganaa. Man die ǹ we ǹ zɔ́ɔn gɔn. Ǹ tá re ǹ zɔ́ɔn tumaa a dù biɛ, ǹ nə ǹ zia màn dɔ baa.


Bɛa kiwin kɛn lɛn gogoonmaa nɛ, goóro dadaran tan, ka sɛmiɛ̃n nɛ. Bɛa kiwi kakan kɛn lɛn taman yii, Zudaa laanka Bɛnzamɛn gána goã Roboamu wɔ lɛa.


Bɛ lɛ nɛ, Lawa a boo gii-dali Semayia woo Roboamu laanka Zudaa a kiãn li, ǹ mɛnɛn nə n sɔkɔn Zeruzalɛmu, a giala Sisaaki wɔlɔ kunu kɔ. Semayia tɔ́n Dɛnaa Lawa a boo kɛ da ǹ nɛ á pɛ: «Ká n la bɔ ma ganaa, masɛ Dɛnaa Lawa. Á bǐɛ̃ kɔ. Masɛ dɔ nə n la boe ka-a Sisaaki gɔn.»


Kanna, Lawa dinmaa n wɔa kiã lɛa. Lawa a wúlu-bɔlen nə́ ke bii-a, ǹ yɔrɔ n boe ne ziabaa ǹ bɛn pɛ a lɛa ka ganaa. Izirayeli minin lɛn, ka nyan zia baa Dɛnaa Lawa, ka digolon Lawa ganaa wa! Kaa wɔ ba a-n ma!»


Abiya dii Semarayimu kele mìi ni, Efrayimu kele yii kɛ nɛ. Á n toa lon walan, á n lɛ dɛ a n pii: «Ka n too kɔ ma lon, Zeroboamu laanka Izirayeli a zaman tumaa.


Zudaa min tumaa foo kɔɔ̃n kɔ ka bɛa lɛ-kɔ wɔ kɛ nɛ, a giala, maǹ nə́ zɛnaa ka ǹ foo tumaa nɛ, ǹ nə́ ga Dɛnaa Lawa li ka ǹ yiri tumaa nɛ. Dɛnaa Lawa toa ǹ nə́ yɛ, á là nyantoro kɔ ǹ la paǹ tumaa li.


Sɛnɛ, ǹ koe lɛ gɔ́ɔ̃ nɛ, ǹ nə́ wusoo ǹ nə́ daa Dɛnaa Lawa Izirayeli a Lawa li, ǹ nə́ ga li, á toa ǹ nə́ yɛ.


Yahaziyɛli pɛ: – Kasɛn Zeruzalɛmu minin ka Zudaa min kɔsɔn kɛn, sanparɛ nsɛ kii Zozafati, ka n too kɔ sɔnbɔraa nɛ, Dɛnaa Lawa bɛ́ màn mɛn pii ka nɛ, bɛ á ke: «Nyɛ́ɛ nyan ka kũ wa. Ka nyan toa nyɛ́ɛ ka kũ sɔraasi kuru damata kɛ nyɛɛnɛ wa. Zia lɛ bie kasɛn wɔ lɛa wa, sɛnɛ a n masɛ Lawa wɔ lɛa.


Ka laadoo á re goɛ̃ ǹ ziabaa ganaa wa. Ka giã walan, ka golee, ka ga masɛ Dɛnaa Lawa bɛ́ re ka kirisibiɛ lɔn. Zeruzalɛmu laanka Zudaa minin lɛn, ka nyan nyɛ́ɛ baa wa, ka nyan toa nyɛ́ɛ ka kũ wa! Biɛ̃, ka wo n da ǹ lɛ, masɛ Dɛnaa Lawa á re goɛ̃ kun ká ka nɛ!»


Bɛa lɛawaa baayɛlɛ yiisoo, zaman tumaa zii saa ǹ nə́ woe Tekoa diə gole ne. Ǹ woo waáraa, Zozafati nə́ n doa ǹ nyɛɛnɛ á pɛ ǹ nɛ: «Zeruzalɛmu laanka Zudaa minin lɛn, ka n too kɔ ma lon! Ka n foo tumaa doa Dɛnaa Lawa, kaa Lawa ganaa, ka á re pàã yii. Ka n foo tumaa doa a boo gii-dalin kɛn ganaa, gɔ̀lɔ̀baa n die goɛ̃ kaa wɔ lɛa!»


Bɛ lɛ nɛ, Lawa Yiri gisĩ Lawa a wúlu-bɔle Zozadaa a nɛgiĩ Zakarii la. Zakarii golee lon zaman lɛ yɔrɔ-a á pɛ ǹ nɛ: – Ka n too kɔ Dɛnaa Lawa a da ǹ boon li: «Wáa na á baa ka a koe maa dí-pɛn kɛn lɛ wa? A là bɛ́ a ba ka-a wa. Ka bɛ́ ka n la bɔ ma ganaa, sisia kəni, ma dɔ n die n la boe ka ganaa.»


Oziasi ga Lawa li Zakarii a yiikoonaabaa tumaa waáraa, asɛ mɛn bɛ́ Lawa a sii-yɛn doɛ̃. A goã giɛ li biikoo mɛn tumaa li, Lawa toa a siin ni yɔrɔ yɛ.


A wɔ lɛ-n minbuiin nɛ pàã lɛa kun ni, sɛnɛ Dɛnaa Lawa, wɔa Lawa n kun ka wɔsɛn nɛ, a n die n doe wɔ lɛ, a zia baa kun ka wɔ nɛ.» Bɛa boon kɛn Zudaan kii Ezekiasi da, á zaman lɛ tumaa foo taã.


Bɛ lɛ nɛ, Dɛnaa Lawa Asiiriin kii a zia-baalin nyɛɛnaandɛnan dia ǹ gialaa. Ǹ nə́ Manaasee kũ, ǹ nə́ koɛ̀ɛ̃nən kaa a ganaa, ǹ nə́ yii ka zan zɔrɔkan nɛ ǹ nə́ woo ne *Baabilonii.


A koe lɛ gɔ́ɔ̃ nɛ, Manaasee Dɛnaa Lawa, a Lawa nyankɔ. Á n din boɛɛn kɔ ǹ digolon Lawa yɔrɔ-a parsiini,


Zoziasi a kiibaa a lɛ̀ kiwisibaa ǹ wɔ li, bɛ̀ á n tɔn nɛ ten lɛa. Á ga li mà a ǹ digolo Davida a Lawa foo sii dɔ̃. A kiibaa lɛ̀ fulupaabaa ǹ wɔ li, á bɔ á mɛ Zeruzalɛmu *yoreen kɔ la, ka Zudaa gána nɛ. Á wúlu bɔ ǹ bǎãn ziziɛ̃, dì gɔnɔn nɛ, dì nyínin tumaa nɛ, fɔlɔ màn yoe lɛa ka gɔn nɛ.


A giala sìi na á goã ma ganaa, ma kii lɛ nyankɔ máa a sùidɛnaa zia-baalin kɔ, ǹ wɔ tamaa zii la wɔa zɔ́ɔn ganaa. A giala, wɔ n wɔ́ goã wɔ́ pɛ kii lɛ nɛ kɛnɛn: «Min mɛnɛn bɛ́ giɛ wɔa Lawa lɛ li, a n kun ka bɛn nɛ. Sɛnɛ, min mɛnɛn bɛ́ n piɛ̃ nɛ, a foo n yoo-n bɛn li taãn-taãnɛ.»


Ka n lɛ kaa kun ma nɛ ka Dɛnaa Lawa guguru kɔ, ka daa wɔ a tɔ saa lon kun.


Min mɛnɛn bɛ́ pii ǹ dinin gɔ́ɔ̃ nɛ: mà Lawa din banban, baãnaan manɛ. Ǹ nə́ n dinin ziziɛ̃, ǹ giã ǹ gɔn bɔnɛɛ kɔ, ǹ kɔn din banban, bɛ́ n sii bǐɛ̃ zɛnɛɛ wa.


Ma boo durii da wɔlɔ tì li tán paǹ kɔn ganaa wa. Ma pɛ Zakɔba tɔrɔn manɛ máa ǹ ga ma li ǹ dinin mìi gialaa wa. Boo mɛn bɛ́ pepere, masɛ Dɛnaa Lawa n bɛ pii, màn mɛn bɛ́ sonbore lɛa, man bɛ boo diɛ.


Dɛnaa Lawa n kɛ pii: Ka n too kɔ ma lon, kasɛn mɛnɛn bɛ́ giɛ peperebaa li, ka n li mà ka Dɛnaa Lawa dɔ̃. Ka ga gɛ̀fu kɛ ganaa ǹ nə́ ka sɛlɛ a nɛ, ká yala kɛ nɛ ǹ nə́ ka bɔ a nɛ.


Izayii tɔ́n pɛ kəni: «Davida tɔrɔn lɛn, ka bǐɛ̃ kɔ ka n too kɔ! Ka n kaa zaman nɔmɛɛ, bɛa doe ka yii li wa ka n zoɛ̃ li ka maa Lawa dɔ nɔmaa?


Bɛ bie n din sii lɛa wa, Izirayeli? Masɛ Dɛnaa Lawa nə n nyɛɛnaan boe, sɛnɛ, n nə́ n la bɔ ma-a.


Ka sii bǐɛ̃ zɛnaa, ka a baraa kaa, màn mɛn bɛ́ toɛ ka yii tɔn goã koo. Bɛ̀ ká zɛnaa miɛ̃, pàã tumaa a Dɛnaa Lawa á re goɛ̃ kun ka nɛ, ká ka bɛ́ nɛn bɛ̀ ka pɛ lɔn.


Ka baran wo wa, a giala Dɛnaa Lawa ba kun ka n wa. Ka baran wo ka dinin kɔ kaa zɔ́ɔn la, bɛn nə ka dɛ wa.


Amalɛki tɔrɔn laanka Kanaan minin tá walan ka nyɛɛnɛ, zia tá re ka bii bɛn gɔn. A giala, ka n paǹ kɔ Dɛnaa Lawa nɛ. Dɛnaa Lawa ba re goɛ̃ kun ka-n wa.»


Yezu tɔ́n kɛ pɛ, á ti a ganaa: «Toon bɛ́ ka lon, ka n too kɔ koe.»


Bɛ̀ ká soo ká woo zia baa kaa zɔ́ɔn ganaa, bɛ̀ ká sùin laanka wotoron yɛ, ka zaman nɛ mɔnaa nɛ ǹ nə́ la ka nɛ, ka baran nyɛ́ɛ baa wa. A giala, kaa Lawa, Dɛnaa Lawa lɛ tá kun ka nɛ. A din lɛ na á ka waa á ka bɔ Ezipti gána nɛ.


Bɛa pinaa kəni, ma foo á re yui ǹ li. Ma á re ǹ toɛ walan, man yɔrɔ bɔyaa ma bɔ ǹ la. Bɛa biikoo li, tɔrɔ kɔsɔn tá re ǹ dii. Bɔ̀n gigiã laanka nɔmaa dadaran tá re doe ǹ ganaa. Ǹ tá re pii bɛa pinaa kɛ lɛ nɛ: «Bɛ̀ ń bɛa bɔ̀n gigiã kɛ yaa wɔ yii, wɔa Lawa lɛ na a ba kun ka wɔ-n doo wa.»


Walan kəni, ka á re giɛ kaa Lawa, Dɛnaa Lawa li. Bɛ̀ ká ka dinin kɔ a gamali la, ká ga li ka ka foo tumaa nɛ, ka á re yii.


Sɛnɛ, maa min mɛn bɛ́, ma din Lawa foo sii zɛnɛɛ ka goleemali ni, bɛ tá re nyin nyabaã yii. Sɛnɛ, bɛ̀ á kanaa á zii da, a sii a re kɔɔ̃n koe ma ganaa doo wa.»


Ka n yiri kɔ ka dinin li, ka baran n piã mà ka a n too koe Lawa kɛ lon, boo diɛ ka-n wa. A giala, Izirayeli minin lɛn bɛ́ Sinayii kele li, ǹ nə n too kɔ ǹ gɔn waaman wole lɛ lon wa. Ǹ kirisibaa dɔlɔ lɛ ganaa wa. Sanparɛ ka wɔsɛn nɛ, bɛ̀ wɔ́ n piã wɔ n too kɔ lon a Lawa kɛ lon boo diɛ wɔ-n wa, wɔ dɔn ba kirisibiɛ dɔlɔ lɛ ganaa wa,


Ka n mɔrɔ Lawa ganaa, a dɔ á die n mɔrɛ ka dɔn ganaa. Sii baraa-zɛnaalin lɛn, ka n gɔn pii ka bɔ sii baraa nɛ. Gɔ́ɔ̃ paa dɛnan lɛn, ka n gɔ́ɔ̃ kaa dɛ!


Lawa a wúlu-bɔle Eleyazaara a nɛgiĩ Pineyasi tɔ́n pɛ ǹ nɛ: «Wɔ dɔ̃ pelo, wɔ́ Dɛnaa Lawa tá kun ka wɔ nɛ. Wɔsɛn dɔn nə goã nyɛ́ɛ biɛ sii babaraa mɛn nɛ, ka bɛ la Dɛnaa Lawa la wa. A zɛnaa kɛnɛn ke, ka n ka Izirayeli minin tumaa kanbaa Dɛnaa Lawa a dɔlɔ ganaa.»


A giala, bɛ̀ ka Dɛnaa Lawa toa walan, ká tɔrɔ kɔsɔn dìn guguru kɔ, a laanɛ á bǐɛ̃ zɛnaa ka nɛ, a n die n bɔyɛɛ ka li bɛ kio, a baraa zɛnaa ka nɛ, a ka dɛ a ka nya.»


«Too bɛ́ min mɛn lon, Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma! «Min mɛn bɛ́ re gɔ̀lɔ̀ biɛ, gɛ̀ paabaa ǹ wɔ a re doe bɛ ganaa wa.»


«Too bɛ́ min mɛn lon, Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma! «Min mɛn bɛ́ re gɔ̀lɔ̀ biɛ, *maánə mɛn bɛ́ durii-n pelo, ma á re bɛ koe bɛ la. Ma á re kɔlɔ fu koe la, a tɔ soree n kiɛ̃ nɛ a ganaa, min kɔ́n ná a doɛ̃ wa, yǎa a din.»


«Too bɛ́ min mɛn lɔn, Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma!»


«Too bɛ́ min mɛn lon, Lawa a Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma! «Min mɛn bɛ́ re gɔ̀lɔ̀ biɛ, ma á re lɛ koe la, yiikoonaabaa ǹ da mɛn bɛ́ Lawa a piɛ, a bɛa nɛ bii.»


«Too bɛ́ min mɛn lon, Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma!»


«Too bɛ́ min mɛn lon, Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma!»


«Too bɛ́ min mɛn lon, Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma!»


Sɛnɛ, ka bɛ́ ka masɛ toa walan, ka dí nya lawa kɔsɔn manɛ, bɛ lɛ na á toa, ma a re wusii ma ka kirisibaa doo wa.


Minin ná a boo da Zoatamu ni. Bɛ́ yoo á woo dii Garizimu kele la. Á golee walan, á n lɛ dɛ á pɛ ǹ nɛ: – Sisɛmu kiwidɛnan lɛn, ka n too kɔ masɛ lon, màn mɛn bɛ́ toɛ Lawa nə n too kɔ ka dɔn lon.


Bɛ̀ ka tá nyɛ́ɛ biɛ Dɛnaa Lawa yii ni, ka tá a guguru koe, ka tá n too koe a lon, ka n ka a n piɛ̃ ka a boo-n wa, bɛ n die toɛ, ka dinin ni, ka kii mɛn bɛ́ ka mìi la, ka kɔn wɔ ma ka kaa Lawa, Dɛnaa Lawa lɛ nɛ.


Sɛnɛ, bɛ̀ ka n too kɔ Dɛnaa Lawa lon wa, bɛ̀ ka n piã ka Dɛnaa Lawa a boon ne, ka á re nɔmiɛ̃ Dɛnaa Lawa gɔn ka ka din wɔ bɛ́ lɔn.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ