KZS2 15:12 - LAWA A BOO SONBORE

¹² Ǹ tumaa lɛ kɔ kɔn la wɔ ka Dɛnaa Lawa nɛ, mà ǹsɛn tá re giɛ ǹ digolon Lawa lɛ li ka ǹ foo tumaa nɛ, ka ǹ yiri tumaa nɛ.

LAWA A BOO SONBORE 2011

¹² Ǹ tumaa lɛ kɔ kɔn la wɔ ka Dɛnaa Lawa nɛ, mà ǹsɛn tá re giɛ ǹ digolon Lawa lɛ li ka ǹ foo tumaa nɛ, ka ǹ yiri tumaa nɛ.

KZS2 15:12 ပူးပေါင်းရင်းမြစ်များ

Kiin1 8:48

ǹ wo ǹ ne bɛ̀rɛbaa nɛ gána mɛn nɛ, bɛ̀ ǹ nə́ n toa walan nɛ, ǹ nə́ wusoo ǹ nə́ daa n ganaa ka ǹ foo din tumaa laanka ǹ telenboeen din tumaa nɛ, ǹ gána mɛn lɛ bɛ́ ń kɔ ǹ digolon la, kiwi mɛn dɔ bɛ́, ń ná a yii gɔgɔ́ɔ̃, kion mɛn bɛ́ masɛ dɔ, n tɔ la, bɛ̀ ǹ nə́ n nyankɔ, ǹ yɔrɔ n dia-n bɛn la,

Kiin2 11:17

Lawa a wúlu-bɔle Zozadaa lɛ zaman lɛ laanka kii kaa lɛ kɔ ganaa Dɛnaa Lawa la, mà ǹ tá re goɛ̃ Dɛnaa Lawa a zaman lɛa. Zozadaa lɛ lɛ-kɔ dɔ da zaman lɛ laanka kii lɛ bii ni.

Kiin2 23:3

Kii lɛ golee lon banbaran la, á lɛ kɔ wɔ Dɛnaa Lawa yɔrɔ-a, mà asɛ á die koe lɛ, asɛ na a gɔn waa ǹ boon tamaa, asɛ na a da ǹ boon laanka a landa boon tamaa, ka a foo din tumaa nɛ, ka a pàã din tumaa nɛ, a kɔnpɛ ka lɛ kɔ kɔn la ǹ boon kɛn nɛ kiɛ̃ nɛ sɛ́wɔ lɛ nɛ. Zaman lɛ tumaa nə́ n gòɛ̃ wɔ bɛa lɛ kɔ lɛ nɛ.

KZS2 11:16

Izirayeli tɔrɔn tumaa bii, minin mɛnɛn bɛ́ giɛ Dɛnaa Lawa, Izirayeli a Lawa li, ka ǹ foo tumaa nɛ, bɛn dɔn nə́ wúlu mànan kɔ Dɛnaa Lawa, ǹ digolon Lawa la Zeruzalɛmu.

KZS2 15:4

Sɛnɛ, ǹ koe lɛ gɔ́ɔ̃ nɛ, ǹ nə́ wusoo ǹ nə́ daa Dɛnaa Lawa Izirayeli a Lawa li, ǹ nə́ ga li, á toa ǹ nə́ yɛ.

KZS2 19:3

Sɛnɛ, a da yaa dɔn n sii sonbore zɛnaa. A giala, ń dì gɔnɔn kɛn tumaa papaã gána lɛ nɛ, ń ga Lawa li ka n foo tumaa nɛ.»

KZS2 23:16

Zozadaa tɔn lɛ-kɔ da zaman lɛ bii n ni, kii lɛ nɛ, ka a dinmaa nɛ. Bɛa lɛ-kɔ lɛ gɔ́ɔ̃ nɛ, ǹ tumaa n die Dɛnaa Lawa a zaman biɛ.

KZS2 29:10

Kanna kəni, man die lɛ kɔ kɔn la we ka Dɛnaa Lawa, Izirayeli a Lawa nɛ, màn mɛn bɛ́ toɛ a foo-yoo baraa kɛ nə n lɛ goa wɔ nɛ.

Nehemii 10:29

Zaman gialakun lɛ nɛ, Lawa a wúlu-bɔlen ne, Levii tɔrɔn nɛ, kiɛnlɛ-lɛduə̃lin ni, loe-lɔlin ni, Lawa a kion dí-nyalin ni, ka min mɛnɛn tumaa nə n na ǹ nə́ n bɔ gána lɛ a tɔrɔ kɔsɔn kɛn ganaa, ǹ nə́ kɔ Lawa a dí-pɛ lɛ lɛ, bɛn lɔn nɛ, ǹ nɛgiĩn ni, ǹ nɛlɔn nɛ, ka min mɛnɛn tumaa bɛ́ boe la ǹ tá sii a woo ǹ bǎã doɛ̃,

Zeremii 50:5

Zii mɛn bɛ́ woe *Siɔn, ǹ tá re nɔ̀n diɛ bɛ li, ǹ nə n yɔrɔ bɔyaa ǹ dia kiwi lɛ la. Ǹ tá re die, ǹ lɛ kɔ kɔn la wɔ ka masɛ nɛ, yǎa duduu, ǹ yiri ná a boe-n duduu dɔn wa.

Nya ǹ dín 24:14

Sɛnɛ, ma bɛ́ lɛ koe màn mɛn ganaa, man n die bɛ pii n ni: Masɛ n wɔ digolon Lawa kɛ guguru koe, á kɔnpii ka zii dii kɛ nɛ, ǹ bɛ́ mà Zii mɛn lɛ n soɛ lɛa. Sɛnɛ, màn mɛn tumaa bɛ́ kiɛ̃ nɛ, Muizu a landa sɛ́wɔ laanka Lawa a boo gii-dalin sɛ́wɔn nɛ, má golee bɛ tumaa li.

Korɛnti2 8:5

Ma yiri bɛ́ a goã màn mɛn ganaa wa, bɛ nə́ n zɛnaa. Ǹ nə́ n dinin kɔ Dɛnaa la bɔrɔ, bɛ kio, ǹ nə́ n dinin kɔ masɛ dɔ la, ka Lawa foo sii barka nɛ.

Timəə dí-pɛn 10:12

Sisia kəni Izirayeli minin lɛn, kaa Lawa, Dɛnaa Lawa n giɛ li, mà ka wàa zɛnaa? Bɛ̀ á n bɔ ka nyɛ́ɛ baa nɛ, ka kɔ a foo sii tumaa lɛ, ka narɛ, ka dí nya nɛ ka ka foo tumaa nɛ, ka ka gɔ́ɔ̃ tumaa nɛ.

Timəə dí-pɛn 29:1

Muizu Izirayeli minin lɛn tumaa bíi, á pɛ ǹ nɛ: – Ka bɛ́ Ezipti gána nɛ, Dɛnaa Lawa siin mɛnɛn zɛnaa *Faarahɔn nɛ, a dí-nyalin ni ka a gána tumaa nɛ, ka dininmaan yii bɛ́ tumaa yɛ.

Timəə dí-pɛn 29:11

Kaa Lawa, Dɛnaa Lawa lɛ n lɛ kɔ kɔn la we ka ka nɛ. Bɛ̀ ka á re koe lɛ, ka n liɛ kànaa pelo.

Timəə dí-pɛn 29:12

A n giɛ li, a ka baa a din a minin lɛa pelo, a dinmaa nə n baa kaa Lawa lɛa, ka a bɛ́ á n lɛ kɔ ka la lɔn, ka a bɛ́ á n liɛ ka digolon man lɔn: Abrahamu ni, Izaaki ni ka Zakɔba nɛ.

Timəə dí-pɛn 4:29

Walan kəni, ka á re giɛ kaa Lawa, Dɛnaa Lawa li. Bɛ̀ ká ka dinin kɔ a gamali la, ká ga li ka ka foo tumaa nɛ, ka á re yii.

Timəə dí-pɛn 6:5

N Lawa, Dɛnaa Lawa narɛ ka n foo tumaa nɛ, ka n gɔ́ɔ̃ tumaa nɛ, ka n pàã tumaa nɛ.

Zozoe 24:25

Zozoe lɛ kɔ kɔn la wɔ ka zaman lɛ nɛ bɛa pinaa kɛ lɛ nɛ. Á sii zɛnaa ǹ gɔnɔn laanka landan koa ǹ la Sisɛmu kiwi.