KZS2 14:3 - LAWA A BOO SONBORE

³ Á pɛ Zudaa minin manɛ maǹ ga Dɛnaa Lawa li, ǹ digolon Lawa, ǹ kɔ a dí-pɛn lɛ, ka a landan nɛ.

LAWA A BOO SONBORE 2011

³ Á pɛ Zudaa minin manɛ maǹ ga Dɛnaa Lawa li, ǹ digolon Lawa, ǹ kɔ a dí-pɛn lɛ, ka a landan nɛ.

KZS2 14:3 ပူးပေါင်းရင်းမြစ်များ

Siin Giala 18:19

Man má Abrahamu bɔ, máa a maa dí pɛ a nɛnyaanan laanka a kion minin ni a kio, a pɛ a laa ǹ ganaa, mà ǹ kɔ Dɛnaa a zii lɛ ka peperebaa nɛ, ka sonborebaa nɛ. Bɛ̀ á n baa miɛ̃, Dɛnaa nə n lɛ kɔ Abrahamu la ka sii mɛn nɛ, á re bɛ zɛnɛɛ nɛ.»

Kiin2 18:4

A din lɛ na á wúlu bɔ ǹ bǎãn lɛn papaã, á tíĩn yɔyɔrɛ, á dì Aseeraa nyín na kɔn. Muizu goã á miɛ̃ nyín mɛn zɛnaa ka zan nɛ, á bɛ dɔ nana kɔn, a giala Izirayeli nɛnyaanan lɛn man nə́ goã nyɔɔ gìĩ kɔɔ̃n tiɛ̃ tán bɛa miɛ̃ nyín lɛ nyɛɛnɛ, á daa dɔ bɛa biikoo lɛ ganaa. Maǹ nə́ goã miɛ̃ nyin lɛ bíi "Newusutan".

Kiin2 23:14

Bɛ kio, kii lɛ tiĩn yuyu, á dì Aseeraa nyínin nana kɔn. Ǹ goã bǎãn mɛnɛn nɛ, á bɛn pã ka minbuiin wen ne.

Kiin2 23:6

Á dì Aseeraa nyin kɛ saa Dɛnaa Lawa a kion, á soo á n bɔ nɛ Zeruzalɛmu kiwi, á woo Sedrɔn nyankɔrɔ kɛ nɛ, á tã walan á ton baa, á goa á zũ zaman tumaa bi ǹ yala kɛ nɛ.

KZS2 14:2

Wúlu bɔ ǹ bǎãn mɛnɛn nə ke lawa soreen wɔ lɛa ka *wúlu bɔ ǹ bǎã kɔsɔn kɛn nɛ, á bɛn ziziɛ̃. Á tìĩ kɛn yɔyɔrɛ, á dì gɔnɔn kɛn kukuru.

KZS2 14:4

Azaa wúlu bɔ ǹ bǎãn laanka màn gìĩ kɔɔ̃n tã ǹ bǎãn kɛn tumaa ziziɛ̃ Zudaa kiwin tumaa nɛ. A bɛ́ kii lɛa biikoo mɛn li, gána lɛ goã yii-nyɛɛ la.

KZS2 15:17

Azaa a yiikoonaabaa tumaa gɔ́ɔ̃ nɛ, a foo din tumaa goã Lawa wɔ lɛa. Sɛnɛ, dì wúlu bɔ ǹ bǎã kɛn, bɛn nə papaã Izirayeli gána-n wa.

KZS2 33:16

Á wusoo á wúlu bɔ ǹ bǎã dɔ Dɛnaa Lawa wɔ lɛa. Á barka da Lawa nɛ ǹ wúlu mànan kɔ walan ka Lawa tɔ bɔ ǹ wúlu mànan nɛ, á n pii Zudaa minin manɛ mà ǹ Dɛnaa Lawa, Izirayeli a Lawa guguru kɔ.

KZS2 34:4

Zoziasi nə́ ǹ kaa dì *Baali a wúlu bɔ ǹ bǎãn wurii ganaa kɔnlɛ ka da yon gìĩ kɔɔ̃n tã ǹ bǎãn nɛ ǹ lalan, a din yii ni. Á wúlu bɔ ǹ bǎãn ziziɛ̃, dì gɔnɔn nɛ, dì nyínin tumaa nɛ, fɔlɔ màn yoe lɛa ka gɔn nɛ. Ǹ nə́ ǹ tumaa yɔyɔrɛ mɔnɔmɔnɔ. Min mɛnɛn nə wúlu bɔ dì nyínin ganaa, ǹ nə́ pɛsɛ̃ bɛn yalan la.

Bɔ bɛ̀rɛbaa nɛ 34:13

Sɛnɛ, ka kaa wúlu bɔ ǹ bǎãn dɛ ka ǹ kaa, ka kaa kɔlɔ wɔ tán-an kɛn yɔyɔrɛ, ka kaa dì gɔnɔn kukuru ka ǹ kaa.

Lawa a wúlu-bɔlen 26:30

Bɛ̀ masɛ foo yoo ka li, kaa wúlu bɔ ǹ bǎãn kɛn, ma á re bɛn wurii. Ka tíĩ dadaran mɛnɛn dɔ, ka n wasa guguru koe ne, ma á die bɛn yui. Ma á die ka dininmaan gere kiɛ kɔn la, bɛa dìn kɛn lɛn kɛbɔlɔ lalan. Ka tìĩ á die boe masɛ nyin ni.

Timəə dí-pɛn 7:25

Màn nyínin mɛnɛn bɛ́ ǹ dìn lɛa, ka die ka bɛn tã. Ka nyan toa ka yii bɔ wɔrɔ laanka sana kɛ li ǹ la, ka ka dinin kaa sii-n wa. A giala, sii bɔbɔnɛɛ nɛ, kaa Lawa, Dɛnaa Lawa lɛ yii li.

Timəə dí-pɛn 7:5

Sɛnɛ, ka bɛ́ re sii mɛn zɛnɛɛ bɛa tɔrɔ kɔsɔn lɛn manɛ, bɛ n ka kɛ nɛ: ǹ wúlu bɔ ǹ bǎãn kɛn, ka die ka bɛn wuru, ǹ tíĩn kɛn, ka bɛn wɔwoɛ̃, ka ǹ dì gɔnɔn kɛn kukuru, ǹ dìn kɛn, ka bɛn tã.