KZS2 14:2 - LAWA A BOO SONBORE

² Wúlu bɔ ǹ bǎãn mɛnɛn nə ke lawa soreen wɔ lɛa ka *wúlu bɔ ǹ bǎã kɔsɔn kɛn nɛ, á bɛn ziziɛ̃. Á tìĩ kɛn yɔyɔrɛ, á dì gɔnɔn kɛn kukuru.

LAWA A BOO SONBORE 2011

² Wúlu bɔ ǹ bǎãn mɛnɛn nə ke lawa soreen wɔ lɛa ka *wúlu bɔ ǹ bǎã kɔsɔn kɛn nɛ, á bɛn ziziɛ̃. Á tìĩ kɛn yɔyɔrɛ, á dì gɔnɔn kɛn kukuru.

KZS2 14:2 ပူးပေါင်းရင်းမြစ်များ

Kiin1 15:11

Sii mɛn bɛ́ peperee Dɛnaa Lawa yɔrɔ-a, Azaa na á bɛ zɛnaa ka ǹ digolo Davida zɛnaa lɔn.

Kiin1 15:12

Azaa wo dìn la ǹ kɔrɔbaa-zɛnaalin loo á ǹ bɔ gána lɛ nɛ. Dìn mɛnɛn tumaa bɛ́ Azaa lɛ digolon nə́ ǹ zɛnaa, á bɛn yii papaã.

Kiin1 15:14

A laanɛ Azaa dì wúlu bɔ ǹ bǎãn kɛn papaã wa, a na á goã Dɛnaa Lawa narɛ ka a foo din tumaa nɛ, a yiikoonaabaa tumaa gɔ́ɔ̃ nɛ.

KZS2 14:1

Azaa sii sonbore zɛnaa, sii mɛn nə ke pepere Dɛnaa Lawa yɔrɔ-a.

KZS2 14:3

Á pɛ Zudaa minin manɛ maǹ ga Dɛnaa Lawa li, ǹ digolon Lawa, ǹ kɔ a dí-pɛn lɛ, ka a landan nɛ.

KZS2 15:16

Kii Azaa kiilɔbaa si ǹ dan Maakaa la, a giala mà a na á dì Aseeraa nyín zɛnaa. Azaa nə́ ǹ da dì nyin lɛ a yɔyɔrɛɛ ganaa, ǹ nə́ tɛ da a ganaa Sedrɔn nyankɔrɔ lɛ kɛ nɛ.

KZS2 17:6

Á Dɛnaa Lawa a dín nya ka a foo din tumaa nɛ, yǎa á dì wúlu bɔ ǹ bǎãn laanka tíĩn tumaa sàabaa á ǹ bɔ Zudaa gána nɛ.

KZS2 20:32

Zozafati kɔ ǹ di Azaa a zii lɛ. A n na, á n bɔ a ganaa duduu wa. Sii mɛn bɛ́ siĩn Dɛnaa Lawa yii li, a na á bɛ zɛnaa.

KZS2 21:12

Ǹ kɔn pinaa, Lawa a boo gii-dali Yilii sɛ́wɔ dia Zoraamu la, kɛ n kiɛ̃ nɛ a nɛ: «Dɛnaa Lawa a boo á ke, n digolo Davida a Lawa lɛ. N ba koe n díi Zozafati a sii zɛnaa a kɔnboe lɛ wa, n ba koe n díi gole Zudaan kii Azaa dɔ wɔ lɛ wa.

KZS2 31:1

Zɔ́n lɛ bɛ́ á nya, Izirayeli minin mɛnɛn tumaa goã ǹ tan, ǹ tumaa woo Zudaa kiwin ni. Ǹ nə́ tíĩ zumiin yiyiɛ, dì gɔnɔn kɛn, ǹ nə́ bɛn kukuru ǹ nə́ ǹ dìn tumaa ziziɛ̃ ka ǹ wúlu bɔ ǹ bǎãn nɛ. Ǹ nə́ zɛnaa miɛ̃ dɔn Zudaa laanka Bɛnzamɛn gána nɛ, ka Efrayimu laanka Manaasee gána dɔ nɛ. Ǹ bɛ́ ǹ nə ǹ tumaa ziziɛ̃, bɛ kio Izirayeli minin nə́ n bɔyaa ǹ nə́ woo ǹ kiwin ni, didie woo piɛ.

KZS2 31:20

Ezekiasi sii mɛn zɛnaa Zudaa gána tumaa nɛ, a din ni ka kɛ nɛ. Á bɔlɔgoondɛnaa baa. Sii mɛn bɛ́ siĩni, a n pepere á bɛ zɛnaa Dɛnaa Lawa, a Lawa yɔrɔ-a.

KZS2 34:7

Walan, á wúlu bɔ ǹ bǎãn nyɛnaa á ǹ kaa. Á wúlu bɔ ǹ gɔnɔn yiyiɛ ka dì nyínin ni, á ǹ yɔyɔrɛ, á da yon gìĩ kɔɔ̃n tã ǹ bǎãn ziziɛ̃ Izirayeli gána tumaa nɛ, á tɔn woo Zeruzalɛmu.

Bɔ bɛ̀rɛbaa nɛ 23:24

Sɛnɛ, ka baran n musin koa tán ǹ dìn yɔrɔ-a, ka ǹ guguru kɔ wa. Ka baran ǹ siin lɛn zɔɔ̃ wa. Ka ǹ dìn yɔyɔrɛ, ka ǹ tíĩn kɛn nɛ.

Luku 1:75

mà asɛ á die zii nyɛɛ wɔ nɛ, wɔ tɔ wɔ peperebaa nɛ ka sonborebaa nɛ, wɔ dí nya a din ni wɔa yiikoonaabaa din tumaa gɔ́ɔ̃ nɛ.

Timəə dí-pɛn 12:3

Ka ǹ wúlu bɔ ǹ bǎãn kɛn yu, ka ǹ tíĩn yɔyɔrɛ, ka ǹ dì gɔnɔn kɛn tã. Ǹ màn nyínin mɛnɛn sɛlɛ ǹ nə́ ǹ baa ǹ lawan lɛa, ka bɛn yiyiɛ, ka ǹ tɔ papaã ka bɔ bǎã kɛ lɛ nɛ.