KZS2 13:7 - LAWA A BOO SONBORE

⁷ Fɔ̃ ma din li wolen man nə́ goã kun ni. Min babaraan manɛ, ǹ nə́ kaka kɔ ǹ nə́ la Salomɔn a nɛgiĩ Roboamu ni, nɛ ten ke-a ná a tɔn sii dɔ̃ bɔrɔ wa. A boo la á gòã doa ǹ bǎã yɛ ǹ li wa.

LAWA A BOO SONBORE 2011

⁷ Fɔ̃ ma din li wolen man nə́ goã kun ni. Min babaraan manɛ, ǹ nə́ kaka kɔ ǹ nə́ la Salomɔn a nɛgiĩ Roboamu ni, nɛ ten ke-a ná a tɔn sii dɔ̃ bɔrɔ wa. A boo la á gòã doa ǹ bǎã yɛ ǹ li wa.

KZS2 13:7 ပူးပေါင်းရင်းမြစ်များ

Samayeli2 3:39

A laanɛ ká masɛ bɔ ká ma koa kii lɛa, ma pàã á tɔn kiɛɛrɛ. Minin kɛn, Seruzaa a nɛgiĩn kɛn lɛn, ǹ pàã á gole á la maa wɔ nɛ. Dɛnaa Lawa die a min baraa saraa a kɔnpɛ ka a baraabaa nɛ.»

Kiin1 21:10

Ka min paa kaa tán a yɔrɔ-a, min mɛnɛn nə́ ke min kɔrɔn lɛa. Bɛa min kɔrɔn kɛn lɛn die ǹ nə n koa nɛ, ǹ pɛ mà a na á Lawa laanka kii piɛ̃ bɔ. Bɛ kio, ka kũ ka soo ne, ka dɛdɛ ka kɔlɔn nɛ, a gã.»

Kiin1 21:13

Min paa kɔn daa giã tán Naabɔti yɔrɔ-a, min kɔrɔn manɛ. Bɛa min kɔrɔ paa lɛ yoo, ǹ tá n koɛ ka Naabɔti ni zaman lɛ yɔrɔ-a, ǹ nə́ pii: «Naabɔti na á Lawa laanka kii piɛ̃ bɔ.» Bɛ kio, ǹ nə́ tɔ́n Naabɔti kũ, ǹ nə́ soo-n kiwi lɛ nɛ, ǹ nə́ dɛdɛ ka kɔlɔn nɛ, á gã.

KZS2 10:16

Izirayeli minin lɛn bɛ ǹ nə́ yɛ mà kii lɛ ba n too koe ǹsɛn lon wa, ǹ na a lɛ si ǹ nə́ pɛ: «Wɔa sii kɔn ba Davida wɔ li wa! Wɔa sii kɔn ba kun Zesee a nɛgiĩ kɛ wɔ n wa! Izirayeli minin, ka wɔ n ta piɛ! Nsɛ Davida a nɛgiĩ, ga n gána walan sisia kəni!» Yǎa Izirayeli minin nə kiɛ̃ ǹ wo piɛ.

KZS2 12:13

Roboamu a pàã gòã wɔ tán Zeruzalɛmu. Roboamu bɛ́ kii biɛ, bɛ̀ a lɛ̀ pusi ka goon ne. Á pàã yɛ parsiini. A lɛ̀ fulusɔbaa n kiibaa la Zeruzalɛmu, Dɛnaa Lawa kiwi mɛn lɛ bɔ Izirayeli tɔrɔn tumaa bii á ná a din tɔ da la. Ǹ dan nɛ ka Naama nɛ, Amɔn tɔrɔ nɛ.

Zɔbu 30:8

Fɔ̃madinbaalɛ wole kooron manɛ, ǹ nə́ ǹ loo ǹ nə́ ǹ bɔ gána lɛ nɛ.

Loen 26:4

Ma a re giɛ̃ tán kun ka min baraan nɛ wa, ma a re koe gɔ́ɔ̃ tì-an lɛ wa.

Suusun 12:11

Min mɛnɛn bɛ́ ǹ wuru kɔsɛ, màn-bii a nyaabiɛ ǹ ganaa wa. Sɛnɛ, min mɛnɛn bɛ́ baa sii màn kooro kio, yiriwɛɛnaan manɛ.

Suusun 28:19

Min mɛn bɛ́ a wuru kɔsɛ, màn-bii a re nyaabiɛ a ganaa wa. Sɛnɛ, màn mɛn bɛ́ là ba a ganaa wa, min mɛn bɛ́ n parɛɛ bɛ-a, á re goɛ̃ doobaa lɛa duduu.

Boo-laakalaali 10:16

N wɔ n ka bɔ̀n nɛ, nsɛ gána ke, n kii n nɛginin ten lɛa, n kii kiodɛnan nə́ siɛ baayɛlɛ ganaa gɔrɔ, ǹ nə́ màn bii.

Izayii 3:4

Dɛnaa Lawa n pii: «Man die nɛnyaanan koɛ ǹ mìilandɛnan lɛa, ǹ nə ǹ nyɛɛnaan bɔ, a kɔnpɛ ka ǹ dinin giã ǹ gɔn nɛ.»

Nya ǹ dín 17:5

Sɛnɛ, busii wɔ Zuifun lɛn sɛn foo ne, ǹ nə́ bibiə̃ bii-a wole kɔrɔn kɔnɔn bɔ kiwi lɛ gɔ́ɔ̃ nɛ, bɛn nə́ zaman lɛ sɔsɔmɔ ǹ nə́ kiwi lɛ lɔlɔkɔn. Ǹ nə́ tɔ́n woo Zaazɔn a kion lɛnpɛnɛ, mà maǹ giɛ Pooli laanka Silaasi li, ǹ nə́ die kiri kuri ǹ la zaman yɔrɔ-a.

Korɛnti1 14:20

Ma dɔɔ̃nɔn lɛn, sii-doɛ̃ wɔ paǹ li, ka baran n dinin baa nɛnyaanan lɛa wa. Ka goã nɛnyaanan lɛa sii bɔnɛɛ wɔ paǹ li, sɛnɛ, sii-doɛ̃ wɔ paǹ li, ka toa ka goã min golen lɛa.

Timəə dí-pɛn 13:13

Kaa Lawa, Dɛnaa Lawa kiwin mɛnɛn lɛn kɔ ka la mà ka giã ǹ nɛ, kɔntan ka á re miɛ ǹ kɔn pinaa,

Tiitii 1:10

Sonbore, min mɛnɛn bɛ́ ǹ ba bɔlɔ sii wa, ǹ nə́ boo kooro-dalin lɛa, ka minin yiri-sãlin ni, bɛn tá mɔnaa nɛ, sanparɛ Zuifun dinin bii kəni.

Ebrəə 5:12

Bɛ̀ ka doamaa-n kanna ka minin-daraalin baa, sɛnɛ, ka laadoo n tɔ́n na a ganaa, ǹ Lawa a boo lɛ a daraa giala kɔ ǹ bǎã siin nyaa ka nɛ. A dɔ bǎã mɛn nɛ, ka doamaa-n ka màn-bii ni, sɛnɛ ka laadoo-n tɔn nyɔ ganaa.

Sii yɔrɔ-bɔlen 11:3

Zɛftee nɔmaa á baa si, á n wɔlɔ lui ǹ dɔɔ̃nɔn lɛn ganaa, á woo giã Tɔbu gána nɛ. Min kooron kɔnɔn nə́ woo kaa kun ka Zɛftee ne. Bɛ̀ á soe woe bǎã nɛ, bɛn lɛn man nə́ goã soe kun ni.

Sii yɔrɔ-bɔlen 9:4

Ǹ dì ke ǹ nə́ bíi Baali-Beriti, ǹ nə́ bɛa kion a wɔrɔ pɔsɔbaa kɔ la. A dɔ́ min kooron laanka sii lɔlɔkɔn wolen kɔnɔn pii ka bɛ nɛ, ǹ nə́ kɔ a kio lɛ.

Samayeli1 22:2

Min mɛnɛn tumaa goã foo ziziɛ̃ gɔ́ɔ̃ nɛ, giɔ̀mɔ goã min mɛnɛn tumaa ganaa, min mɛnɛn tumaa yɔrɔ goã kɔsiɛ nɛ, ǹ nə́ woo kaa kun ka Davida nɛ, á n baa ǹ goledɛnaa lɛa. Ǹ nə́ dɔ min biɛsii (400) kɛ miã kun ni.