KZS2 13:19 - LAWA A BOO SONBORE

¹⁹ Abiya Zeroboamu kio loo, á Betɛli kiwi kũ, Yekanaa laanka Efrɔn nɛ ka ǹ lɛkoro-a kiwin ni.

LAWA A BOO SONBORE 2011

¹⁹ Abiya Zeroboamu kio loo, á Betɛli kiwi kũ, Yekanaa laanka Efrɔn nɛ ka ǹ lɛkoro-a kiwin ni.

KZS2 13:19 ပူးပေါင်းရင်းမြစ်များ

Siin Giala 28:19

Á bɛa bǎã lɛ bíi Betɛli, bɛ giala mà "Lawa a Kion". Sɛnɛ lɛlɛ, kiwi lɛ tɔ na á goã Luuzu.

KZS2 13:18

Bɛa pinaa kɛ lɛ nɛ, ǹ nə́ sìi da Izirayeli minin ganaa. Zudaa minin sɛn nə gɔ̀lɔ̀baa yɛ, a giala, maǹ nə́ ǹ pàã doa Dɛnaa Lawa la, ǹ digolon Lawa.

KZS2 13:20

Abiya a kiibaa biikoo li, Zeroboamu nə n din yɛ doo wa. Dɛnaa Lawa dɛ, á gã.

KZS2 15:8

Kii Azaa bɛ́ á Lawa a dia dí-a wɔle Obɛdi a nɛgiĩ Azaria a boon kɛn ma, a foo wusoo á taã. Dìn mɛnɛn bɛ́ ǹ tan Zudaa laanka Bɛnzamɛn gána nɛ, á bɛn papaã. A kiwin mɛnɛn dɔn kũ Efrayimu a kele yii kɛ nɛ, á zɛnaa miɛ̃ bɛn dɔn manɛ. Bɛ kio, á tɔn Dɛnaa Lawa a *wúlu bɔ ǹ bǎã kɛ zɛnaa Lawa a kion kɛa daã kiɛnlɛ-a.

KZS2 17:2

Zudaa kiwi mɛn tumaa bɛ́ tamaa nɛ parsiini, á sɔraasi kurun kaa bɛn nɛ. Á sɔraasin giã ǹ bǎãn koa Zudaa gána nɛ ka Efrayimu kiwin kɛn dɔn nɛ ǹ di Azaa nə́ ǹ kũ.

Zaã a sɛ́wɔ 11:54

A kũ bɛ lɛ ganaa, Yezu ná a lɛ da a ba n din nyɛɛ Zuifun yɔrɔ-a miɛ̃ doo wa. Á soo á n bɔ walan, á woo don, lɛkoro-a ǹ kiwi kɔ́n nɛ, a tɔ mà Efrayimu, a laanka a kialandɛnan nə́ giã walan bɔrɔ.

Zozoe 10:19

Sɛnɛ, kasɛn kɛn baran golee wa. Ka kaa zɔ́ɔn lɛn loo, ka saa ǹ kiodɛnan ganaa ka ǹ dɛ. Ka baran toa kaa zɔ́ɔn lɛn nə dɔ ǹ kiwin ni wa. A giala, Dɛnaa Lawa, kaa Lawa lɛ, bɛ́ kaa zɔ́ɔn lɛn wɔ ka gɔn.»

Zozoe 10:39

Zozoe kiwi lɛ kũ, á ná a kii kũ, ka a lɛkoro-a ǹ kiwin tumaa nɛ. Min mɛn tumaa goã bɛa kiwin lɛn nɛ, ǹ nə́ bɛn dɛ, ǹ nə́ ǹ tumaa ziziɛ̃ lenlen. Zozoe min goon yii toa koo wa. A goã á sii mɛn zɛnaa Ebrɔn kiwi ni, a ǹ mɛn dɔ zɛnaa Libnaa kiwi laanka a kii ni, a na á bɛ lɛ miã zɛnaa Debiiri kiwi dɔ laanka a kii ni.

Zozoe 11:12

Zozoe bɛa kiin lɛn tumaa a kiwin kũ kɔnlɛ ka ǹ dininmaan nɛ. Á kiin lɛn laanka kiwi minin lɛn dɛ lenlen, ka Dɛnaa Lawa a dí-nyali Muizu goã á pɛ mà ǹ zɛnaa lɔn.

Zozoe 15:9

Gèlè lɛ nə n toɛ kele lɛ mìi ni, a n pusu a da yǎa Nɛftoa tà kɛa mu pìã lɛ-a, a da bɔ Efrɔn kele kɛ a kiwin ni, a n pusu a da Baalaa kiwi ganaa, bɛ n ka Kiriyati-Yarimu ni.

Samayeli1 31:7

Izirayeli minin mɛnɛn nə goã giã-n Zizereyɛli a nyankɔrɔ lɛ a wàã kɔsɔ-a, ka ǹ mɛnɛn nə goã Zurdɛ̃ tà a lɛ̀giala gɔn la, ǹ bɛ́ ǹ nə́ yɛ mà Filisiti minin nə́ boo Izirayeli minin la, ǹ nə́ Sayulu laanka a nɛgiĩ sɔɔ dɛ, bɛn nə́ baa si ǹ nə́ ǹ kiwin toa walan. Bɛ kio, Filisiti minin lɛn nə́ dɔ, ǹ nə́ giã bɛa kiwin lɛn nɛ.