KZS2 13:12 - LAWA A BOO SONBORE

¹² Kanna, Lawa dinmaa n wɔa kiã lɛa. Lawa a wúlu-bɔlen nə́ ke bii-a, ǹ yɔrɔ n boe ne ziabaa ǹ bɛn pɛ a lɛa ka ganaa. Izirayeli minin lɛn, ka nyan zia baa Dɛnaa Lawa, ka digolon Lawa ganaa wa! Kaa wɔ ba a-n ma!»

LAWA A BOO SONBORE 2011

¹² Kanna, Lawa dinmaa n wɔa kiã lɛa. Lawa a wúlu-bɔlen nə́ ke bii-a, ǹ yɔrɔ n boe ne ziabaa ǹ bɛn pɛ a lɛa ka ganaa. Izirayeli minin lɛn, ka nyan zia baa Dɛnaa Lawa, ka digolon Lawa ganaa wa! Kaa wɔ ba a-n ma!»

KZS2 13:12 ပူးပေါင်းရင်းမြစ်များ

KZS2 24:20

Bɛ lɛ nɛ, Lawa Yiri gisĩ Lawa a wúlu-bɔle Zozadaa a nɛgiĩ Zakarii la. Zakarii golee lon zaman lɛ yɔrɔ-a á pɛ ǹ nɛ: – Ka n too kɔ Dɛnaa Lawa a da ǹ boon li: «Wáa na á baa ka a koe maa dí-pɛn kɛn lɛ wa? A là bɛ́ a ba ka-a wa. Ka bɛ́ ka n la bɔ ma ganaa, sisia kəni, ma dɔ n die n la boe ka ganaa.»

KZS2 32:8

A wɔ lɛ-n minbuiin nɛ pàã lɛa kun ni, sɛnɛ Dɛnaa Lawa, wɔa Lawa n kun ka wɔsɛn nɛ, a n die n doe wɔ lɛ, a zia baa kun ka wɔ nɛ.» Bɛa boon kɛn Zudaan kii Ezekiasi da, á zaman lɛ tumaa foo taã.

Zɔbu 40:9

Pàã tá n lon ka masɛ Lawa wɔ bɛ́ lɔn? N lɛn dɔ maa la a paraa kɛ wuu li?

Zɔbu 9:4

Sii-doɛ̃ na á goã Lawa din ni, pàã tumaa na á goã a din ni. Die nə n gòãn dii a ganaa, n wusoo n na a laakalaa?

Loen 20:7

Ma á doɛ̃ dinin gɔrɔ, máa Dɛnaa Lawa din kii mɛn bɔ á koa, á re gɔ̀lɔ̀baa koe bɛ la. A nə n toɛ a din a bǎã sonbore kɛ-n lon a tá a lɛ sii, a ná a lɛ sii ka a din a boo sii la pàã nɛ.

Loen 46:7

Lawa bɛ́ á boo da, gánan nə́ gigini, tɔrɔn nə́ bìn da, tán nə́ yo ka nyɔɔ nɛ, nyɛ́ɛ gɔn.

Izayii 45:9

Min mɛn bɛ́ zia diɛ a zɛnaali ganaa, bɛa dɛnaa wɔ n ka bɔ̀n nɛ. Minbuiin nɛ n ka tii donkolon bɛ́ lɔn ǹ miãn bii. Gì tá boe la a pɛ gì-bɔle ne mà a n wàa zɛnɛɛ? Mà a tàan lɛa siĩn wa?

Izayii 54:17

Ziabaa ǹ màn mɛn tumaa nə n zɛnaa n tɔ ganaa, ǹ kɔn ba re boe la a màn kɔn zɛnaa n ganaa wa. Min woo min yoo n ganaa ka kiri ni, n tá re a siɛ̃n nyɛɛ nɛ. Maa dí-nyalin gii bɛ́ ka màn mɛn nɛ má koa ǹ nɛ, ma bɛ́ peperebaa mɛn koe ǹ la, bɛ n ka kɛ nɛ. Masɛ Dɛnaa Lawa a da ǹ boo ne.

Izayii 8:10

Tɔrɔn lɛn, ka siin yɔrɔ bɔ, sɛnɛ, ǹ ba re yɔrɔ yii wa! Ka n taasɛ siin ganaa, sɛnɛ, ǹ ba re boe wa! A giala, Dɛnaa Lawa n kun ka wɔsɛn nɛ.

Zeremii 2:37

N tá re soe bɛa gána kɛ lɛ dɔ nɛ n gɔnɔn nə́ n mìi ni, sìi ni n ganaa. Sonbore, n foo bɛ́ doa-n min mɛnɛn ganaa, Dɛnaa Lawa á re bɛn lui. N ba re là goon yii ǹ ganaa wa.

Zeremii 50:24

Baabilonii, má kan kɔ n nɛ, á n kũ n bɔ a siére-a wa. N giala mɛ kanaa, ǹ nə́ n kũ. A giala, man nə́ n gòãn dii masɛ Dɛnaa Lawa ganaa.

Ezekieli 17:9

A pɛ mà masɛ Dɛnaa Lawa gole n kɛ pii: Rezɛ̃ da lɛ á re bǐɛ̃ koe sonbore? Giogialatã-a bibinaa lɛ á re a gòonən lɛn woɛ̃, á re toɛ a nɛ bɛbɛnɛ, a laa. A gùrù diin mɛnɛn tumaa nə n woɛ̃, bɛn tá re laɛ. A woɛ̃ din bie sii kaka lɛa wa, a bie min gigiã sii dɔ lɛa wa!

Zakarii 10:5

Maǹ die goɛ̃ ka sɔraasi foo taãnaan bɛ́ lɔn. Min mɛnɛn bɛ́ zia biɛ ǹ ganaa, ǹ tá re bɛn tɔtɔrɛ ka zii la ǹ bɛrɛɛ bɛ́ lɔn. Maǹ die yɔ boe miɛ̃, a giala, Dɛnaa Lawa á re goɛ̃ kunun ǹ ni. Sìi á re n koe zɔ́ɔn sùi da baa-a wolen lɛ.

Minin nimi 14:41

Muizu tɔ́n nɔ̀n da ǹ la: «Ka n woe wàa pii walan? Ka na a gialaa Dɛnaa Lawa bɔlɔ tii. Kɛa bǐɛ̃ koe wa.

Minin nimi 23:21

Dɛnaa Lawa sii baraa yɛ Zakɔba tɔrɔn lɛn ganaa wa. A kɔkɔrɔbaa yɛ Izirayeli minin lɛn ganaa wa. A nə ǹ Lawa Dɛnaa Lawa lɛa, giã nɛ ǹ bii. Ǹ tá n lɛ dii ka a kiibaa nɛ.

Minin nimi 31:6

Muizu nə́ ǹ tumaa dia zia lɛ la, Eleyazaara a nɛgiĩ Pinasi Lawa a wúlu-bɔle kɛ ń kunun ǹ ni. Asɛ na á goã Lawa a dí nya ǹ màn sonboren kɛn guĩ, ka bɛnɛn kɛn nɛ, ǹ nə́ gòon yiɛ minin ganaa ǹ nɛ.

Nya ǹ dín 5:39

Sɛnɛ, bɛ̀ a n boe Lawa li, ka a boe la ka sii kɛ laanka dí kɛ papaã wa. Ka yiri bɔ ka dinin li, ka baran ga zia li Lawa li wa.» Kiri-wɔlen lɛn nə́ lɛ kɔ Gamalieli a doroo lɛ ganaa.

Rɔmu minin 8:31

Wɔ n die pii mà wàa kəni? Bɛ̀ Lawa tá kun wɔ nɛ, die n die boe wɔ la?

Timəə dí-pɛn 20:4

A giala, kaa Lawa, Dɛnaa Lawa din nə die miɛ kun ka nɛ, a n dɔ ka lɛ, a zia baa kaa zɔ́ɔn lɛn ganaa, a gɔ̀lɔ̀baa kɔ ka la.»

Timəə dí-pɛn 28:29

Ka á re n gòã tatalaɛ zii li penleen tiɛɛ̃n ka yii tere-a wɔ bɛ́ lɔn, sɛnɛ, ka a re zii yii wa. Kaa nya ǹ dí kɔn ba re bǐɛ̃ koe wa. Maǹ die goɛ̃ mɛnɛɛ ka la miɛ̃ duduu bɛ̀ ǹ ka gɔn mànan si ka la, min dɔ ná a re yii a n dɔ ka lɛ wa.

Ebrəə 2:10

Sonbore, Lawa din na á màn tumaa zɛnaa, a din dɔ n màn tumaa tamaɛ. A na á goã giɛ li, mà a nɛnyaan gigiã dɔ a din a kiibaa guguru bǎã kɛ nɛ. Bɛ lɛ nɛ á zɛnaa, Yezu mɛn nə ǹ nyɛɛnaan bɔ kirisibaa ǹ zii lɛ la, bɛa sii tumaa lɛ pã fuu gɔ́ɔ̃ nɛ. Bɛ na á kɔnpɛ ka Lawa din sɔ̀n nɛ.