KZS2 13:11 - LAWA A BOO SONBORE

¹¹ Baayɛlɛ ka wasamiɛ̃nɛ, wɔ n wúlu mànan tiɛ̃ koe Dɛnaa Lawa la kɔn lɛ ka da yon gìĩ kɔɔ̃n nɛ. Buurun mɛnɛn bɛ́ n koe Lawa la, wɔ n bɛn kiɛ tabala sonbore kɛ la. Wasamiɛ̃nɛ, wɔ n tɛ diɛ bolonən kɛn ganaa bolon koa ǹ bǎãn kɛn nɛ sana lɛa. Wɔsɛn, wɔ n koe Dɛnaa Lawa a landa boon kɛn lɛ. Sɛnɛ, kasɛn, ka n la bɔ ǹ ganaa.

LAWA A BOO SONBORE 2011

¹¹ Baayɛlɛ ka wasamiɛ̃nɛ, wɔ n wúlu mànan tiɛ̃ koe Dɛnaa Lawa la kɔn lɛ ka da yon gìĩ kɔɔ̃n nɛ. Buurun mɛnɛn bɛ́ n koe Lawa la, wɔ n bɛn kiɛ tabala sonbore kɛ la. Wasamiɛ̃nɛ, wɔ n tɛ diɛ bolonən kɛn ganaa bolon koa ǹ bǎãn kɛn nɛ sana lɛa. Wɔsɛn, wɔ n koe Dɛnaa Lawa a landa boon kɛn lɛ. Sɛnɛ, kasɛn, ka n la bɔ ǹ ganaa.

KZS2 13:11 ပူးပေါင်းရင်းမြစ်များ

Siin Giala 26:5

A giala, Abrahamu masɛ bɔlɔ si, á kɔ maa boo lɛ, á maa dí-pɛn tamaa, a kiɛ̃ maa boo la wa.

KZS2 13:10

Sɛnɛ, Dɛnaa Lawa n wɔsɛn Lawa lɛa, wɔ n la bɔ a ganaa wa. Lawa a wúlu-bɔlen mɛnɛn bɛ́ Dɛnaa Lawa a dí nyɛɛ, Aarɔn tɔrɔn manɛ, Levii tɔrɔn dɔn nɛ, ǹ nya ǹ dí nyɛɛ.

KZS2 2:3

Taãn nɛ, man zoɛ̃ li máa ma kion dɔ, Dɛnaa Lawa, maa Lawa tɔ bɔ ǹ wɔ lɛa. Izirayeli minin man die bɛa kion kɛ lɛ koe a din la. Ǹ tá re *wúlu màn gìĩ kɔɔ̃n tiɛ̃ a wɔ lɛa walan, ǹ buuru sonbore kɔ la biikoo tumaa li, ǹ wúlu màn tiɛ̃ kɔ la walan babaraa, baayɛlɛ ka wɔsamiɛ̃nɛ, *susu ǹ pii pinaa nɛ ka mui dii a bɔ pinaa nɛ ka Dɛnaa Lawa, wɔa Lawa a zɔ́n pinaan nɛ. Landan manɛ, Izirayeli minin doamaa nɛ ǹ kɔ lɛ yǎa duduu.

KZS2 2:4

Lawa a kion ke ma á re doe, á kɔnbɔ a goã gole, a giala wɔa Lawa lɛ á gole á la lawan kɔsɔn tumaa nɛ.

Bɔ bɛ̀rɛbaa nɛ 29:38

«Ǹ bɛ́ re màn mɛn zɛnɛɛ wúlu bɔ ǹ bǎã lɛ la doo, bɛ dɔ á ke: Ǹ lɛ̀ goon sère nɛ màn paa dɛ baraabaraa yǎa duduu.

Ezekieli 44:15

«Lawa a wúlu-bɔle Levii tɔrɔn kɛn sɛn Sadɔki tɔrɔn lɛa, a laanɛ Izirayeli minin gialakunun kɛn nə́ wusoo ǹ nə́ n bɔ ma kio, bɛn nə́ maa kion lɛ a dí nya sɔnbɔraanɛ. Bɛn dininsɔɔ̃nɔn man die boe la ǹ nə n mɔrɔ ma ganaa, ǹ dí nya ma nɛ, ǹ wúlu mànan kɛn nyɔɔ laanka ǹ mà kɔ ma la. Ma din Dɛnaa Lawa a da ǹ boo ne.

Ezekieli 44:8

Ka doamaa bɛ́ nɛ ka dí mɛn nya maa màn sonboren kɛn wɔ lɛa, ka bɛ nya wa. Sɛnɛ, ka ǹ ká tɔrɔ kɔsɔn bɔ, ká ǹ kaa bɛa dí lɛ a nyɛɛ ganaa ka bǎã nɛ.»

Ezekieli 48:11

Ǹ Sadɔki tɔrɔn mɛnɛn koa Lawa a wúlu-bɔlen lɛa, bɛa bǎã lɛ n die doe bɛn ganaa. Ǹsɛn nə́ Dɛnaa Lawa a dí nya ka bɔlɔgoondɛnaabaa nɛ. Ǹ Lawa toa walan ka *Levii tɔrɔn kɛn nə́ ke ǹ nə́ zɛnaa lɔn, Izirayeli tɔrɔn Lawa bɔlɔ tii kɛa biikoo li wa.

Minin nimi 1:53

Sɛnɛ, Levii tɔrɔn kɛn, bɛn die ǹ nə ǹ giã ǹ bǎãn dɔdoa, ǹ lɛ kɔ kɔn la ǹ boon koa ǹ mɔnaa zìã lɛ da bii ni, màn mɛn bɛ́ toɛ masɛ foo baran yoo Izirayeli zaman lɛ li wa. Levii tɔrɔn man die lɛ kɔ kɔn la ǹ boon koa ǹ mɔnaa zìã lɛ a dí nyɛɛ.»

Minin nimi 16:6

Koree laanka a kiodɛnan lɛn, ka die ka sii lɛ a kɛ zɛnaa: ka da yon gìĩ kɔɔ̃n kaa ǹ mànan goa,

Minin nimi 9:19

Bɛ̀ tɛmaa bara lɛ goã kion lɛ la, á belebɔ, Izirayeli minin lɛn man Dɛnaa Lawa bɔlɔ sii bɛa biikoo lɛ gɔ́ɔ̃ nɛ, ǹ nə́ ǹ ba yui wa.

Luku 1:9

A kɔnpɛ wúlu-bɔlen lɛn sii zɛnaa nɛ, maǹ nə́ goã n piɛ̃ dí lɛ ganaa, bɛ̀ ǹ tatala kɔn. Bɛa pinaa kɛ lɛ nɛ, pã lɛ na á Zakarii kũ, nyɔɔ gìĩ kɔɔ̃n tiɛ̃ na á dɔ asɛ ganaa. Bɛ lɛ na á toa, á wɔ Lawa a kion nyɛɛnaan sonbore kɛ nɛ.