KZS2 11:13 - LAWA A BOO SONBORE

¹³ Lawa a wúlu-bɔlen laanka *Levii tɔrɔn nə́ bɔ Izirayeli gána paǹ tumaa ganaa ǹ nə́ daa n kaa kun ka Roboamu ni.

LAWA A BOO SONBORE 2011

¹³ Lawa a wúlu-bɔlen laanka *Levii tɔrɔn nə́ bɔ Izirayeli gána paǹ tumaa ganaa ǹ nə́ daa n kaa kun ka Roboamu ni.

KZS2 11:13 ပူးပေါင်းရင်းမြစ်များ

Kiin1 12:17

Sɛnɛ Izirayeli minin mɛnɛn nə goã giã-n Zudaa gána nɛ, Roboamu giã bɛn mìi la.

Kiin1 15:17

Izirayeli gána a kii Bayesaa woo kɔ Zudaa gána lɛ ka zia nɛ. Á kungɔn dɔ Ramaa kiwi ganaa, màn mɛn bɛ́ toɛ a zii tã Zudaa gána a kii Azaa ganaa.

Kiin2 4:42

Ǹ kɔn pinaa, giĩ goon bɔ Baalisalisaa kiwi, á daa *ɔrzi buuru mìi fuə kɔ Lawa a boo gii-dali Yiliizee la. A da buuru mɛn lɛ kɔ la, maǹ nə́ da ka ɔrzi dii ni. Á *belee burun dɔ kɔ la boroo ne. Yiliizee nə́ n toa a dí-nyali ganaa mà a gii minin lɛn manɛ ǹ sɔ̃.

KZS2 11:12

Bɛa kiwin kɛn lɛn gogoonmaa nɛ, goóro dadaran tan, ka sɛmiɛ̃n nɛ. Bɛa kiwi kakan kɛn lɛn taman yii, Zudaa laanka Bɛnzamɛn gána goã Roboamu wɔ lɛa.

KZS2 11:14

Levii tɔrɔn nə́ n la bɔ ǹ tánan ganaa kiwin kɛn lɛkoro-a ka ǹ gɔn mànan nɛ, ǹ nə́ daa Zudaa ka Zeruzalɛmu. A giala, Zeroboamu laanka a nɛnyaanan man nə́ ǹ kurəə Dɛnaa Lawa a wúlu-bɔlebaa ǹ dí nyɛɛ ganaa.

KZS2 16:1

Azaa a kiibaa lɛ̀ pɔsɔɔwensɔrɔbaa ǹ wɔ li, Izirayelin kii Bayesaa yoo Zudaa gána gialaa. Á kungɔn dɔ á Ramaa kiwi tamaa nɛ, a n giɛ li mà a Azaa laanka Zudaa minin kurəə bɔ walan ganaa.

KZS2 23:2

Bɛa sɔraasi nyɛɛnaandɛnan kɛn lɛn nə́ woo Zudaa gána din tumaa nɛ. Ǹ nə́ *Levii tɔrɔn sɔkɔn Zudaa kiwin tumaa nɛ ka Izirayeli a kɛdɛnan nɛ. Ǹ nə́ n bɔyaa kunun ǹ ni ǹ nə́ daa Zeruzalɛmu.

KZS2 30:1

Bɛa lɛ̀ kɛ lɛ-a, *kiɛ̃mala ǹ zɔ́n nə n zɛnaa a biikoo li wa. A giala Lawa a wúlu-bɔle gigiã nə n din *yoreen kɔ wa, zaman lɛ dɔ nə n sɔkɔn Zeruzalɛmu wa. Bɛ lɛ nɛ, kii Ezekiasi ni ka zaman nyɛɛnaandɛnan nɛ, Zeruzalɛmu a zaman tumaa nɛ, ǹ nə́ n sɔkɔn ǹ nə́ nyaa mà maǹ die kiɛ̃mala ǹ zɔ́n zɛnɛɛ lɛ̀ a mui a paabaa ǹ wɔ li. Bɛa sii lɛ goã siĩni kii yii li ka zaman lɛ nɛ. Ǹ nə́ golee li maǹ Izirayeli minin tumaa bii wɔ, a saa Bɛɛr-Sebaa ganaa gusin a lɛ̀gɔn la, a wo Dan yaa gɔsɛ a lɛ̀gɔn la, mà ǹ da Dɛnaa Lawa, Izirayeli a Lawa a kiɛ̃mala ǹ zɔ́n kɛ zɛnaa Zeruzalɛmu. Taãnɛ, min mɛnɛn bɛ́ tɔn zɛnɛɛ a zii li, ka a bɛ́ kiɛ-n lɔn, ǹ ba tɛ doo wa. Kii lɛ minin dia Izirayeli laanka Zudaa gána tumaa nɛ. Á sɛ́wɔ kiɛ̃ á dia Efrayimu laanka Manaasee tɔrɔn la, á lɛ dia min tumaa la mà ǹ da kiɛ̃mala ǹ zɔ́n zɛnaa Lawa a kion Zeruzalɛmu.

Zeremii 23:38

Sɛnɛ, bɛ̀ kaa tɔn pii mà Dɛnaa Lawa guĩ da kasɛn mìi ni a da yaa má ka kurəə bɛa pɛ ganaa, bɛa yɔrɔ lɛ la, masɛ Dɛnaa Lawa bɛ́ màn mɛn pii, á ke:

Timəə dí-pɛn 12:19

A ka toa kaa tán la, ka yiri bɔ, ka nyan toa ka yiri bɔ ka Levii tɔrɔn kɛn nɛ wa.

Zozoe 22:19

Bɛ̀ ka n taasɛ mà kaa gána lɛ a Dɛnaa Lawa a giã ǹ bǎã lɛa wa, gána mɛn bɛ́ a din wɔ lɛa, a giã ǹ bǎã sonbore kɛ ná a nɛ, ka wusoo ka da walan, ka giã kun ka wɔsɛn nɛ. Sɛnɛ, Dɛnaa Lawa, wɔa Lawa a wúlu bɔ ǹ bǎã kɛ miã ke ka dɔ, ka nyan toa ka n piã ka Dɛnaa Lawa nɛ, ka n na ka n bɔ wɔsɛn ganaa wa dɛ!