KZS2 10:16 - LAWA A BOO SONBORE

¹⁶ Izirayeli minin lɛn bɛ ǹ nə́ yɛ mà kii lɛ ba n too koe ǹsɛn lon wa, ǹ na a lɛ si ǹ nə́ pɛ: «Wɔa sii kɔn ba Davida wɔ li wa! Wɔa sii kɔn ba kun Zesee a nɛgiĩ kɛ wɔ n wa! Izirayeli minin, ka wɔ n ta piɛ! Nsɛ Davida a nɛgiĩ, ga n gána walan sisia kəni!» Yǎa Izirayeli minin nə kiɛ̃ ǹ wo piɛ.

LAWA A BOO SONBORE 2011

¹⁶ Izirayeli minin lɛn bɛ ǹ nə́ yɛ mà kii lɛ ba n too koe ǹsɛn lon wa, ǹ na a lɛ si ǹ nə́ pɛ: «Wɔa sii kɔn ba Davida wɔ li wa! Wɔa sii kɔn ba kun Zesee a nɛgiĩ kɛ wɔ n wa! Izirayeli minin, ka wɔ n ta piɛ! Nsɛ Davida a nɛgiĩ, ga n gána walan sisia kəni!» Yǎa Izirayeli minin nə kiɛ̃ ǹ wo piɛ.

KZS2 10:16 ပူးပေါင်းရင်းမြစ်များ

Samayeli2 15:13

Bɛ kio, min daa pɛ Davida ni ǹ kɔn pinaa: «Izirayeli minin lɛn taasiɛ nə́ n bɔyaa, á kaa kun ka Abusalɔn nɛ.»

Samayeli2 16:11

Davida pɛ Abisayii laanka a dí-nyalin tumaa nɛ: «Bɛ̀ maa nɛgiĩ, masɛ din a yɛ ǹ nɛ tá giɛ li a ma nyin bɔ, sanparɛ ka Bɛnzamɛn tɔrɔ min kɔsɔ kɛ nɛ? Bɛ̀ Dɛnaa Lawa na á pɛ nɛ, mà a lɛn baraa lɛ bíi, ka toa a bíi.

Samayeli2 20:1

Giĩ gɛsɛ kɔn na á goã walan, a tɔ n Sebaa. Bikrii mɛn bɛ́ Bɛnzamɛn tɔrɔ lɛa, bɛa nɛgiĩ ni. Asɛ lɛ na á bɛn doa a lɛ-a á pɛ kɛnɛn: Wɔa màn kɔn ba kun ka Davida-n wa. Wɔa sii kɔn ba kun ka Izayii a nɛgiĩ kɛ-n wa. Izirayeli minin lɛn, didie wo piɛ!

Kiin1 11:13

Ma ba re kiibaa lɛ sii lenlen wa. Maa dí-nyali Davida lɛ a lɛa, ka Zeruzalɛmu kiwi kɛ nɛ má a yii gɔgɔ́ɔ̃, ma á die tɔrɔ goon toɛ n nɛgiĩ gɔn.»

KZS1 17:14

Ma á re toɛ a yii goã koo maa kion, maa kiibaa gɔ́ɔ̃ nɛ yǎa duduu. Kiibaa ǹ pàã kɛ n die goɛ a kion minin wɔ lɛa lɛawaa yii li.»

KZS2 10:17

Izirayeli minin mɛnɛn bɛ́ giã-n Zudaa gána nɛ, bɛn dininsɔɔ̃nɔn man nə Roboamu dɔ̃ ǹ kii lɛa.

KZS2 10:19

Bɛ lɛ nɛ, Izirayeli minin nə́ n piã ka Davida a kion minin ni a da pelo yaa.

Loen 132:17

Ma á re Davida tɔrɔ koɛ kii lɛa walan, pàã ná a lon. Ma kii mɛn bɔ má koa, ma á re a kio koɛ. Man die biɛ ka bólon bɛ́ lɔn, kuĩ miɛ̃.

Loen 76:10

Bɛ̀ n yoo kiri kurii li, n nə́ die kanaa lɛ a nɔmaa-wɔlen kirisibiɛ, nyɛ́ɛ n tán minin kuĩ, ǹ golee ka kiĩni. Doa

Izayii 11:1

Nɛgiĩ á re yii Zesee tɔrɔ basa nɛ, ka da giala piri zizi bɛ́ lɔn gɔn ten boe. A gòonən tá re gɔn dii boe.

Amɔɔsi 9:11

Dɛnaa Lawa n kɛ pii: "Davida a kiwi" kɛ n ka mɔnaa zìã bɛ́ lɔn, á ziziɛ̃. Sɛnɛ bɛa pinaa kɛ lɛ nɛ, yala bɛ́ a kungɔn kɛa paǹan mɛnɛn ganaa, ma á re bɛn titiɛ̃. A bǎãn mɛnɛn nə kaa, ma á re wusii ma bɛn dɔ. Ma á re goɛ ma koa lon, a goã ka a bɛ́ lɔn lɛlɛ.

Luku 19:14

Sɛnɛ, a kɔɔ̃n a din a gána minin ganaa wa. Ǹ nə́ minin dia a kio mà ǹ pɛ kii gole gole lɛ nɛ, mà ǹsɛn ba li a giã ǹsɛn mìi la wa.

Luku 19:27

Giĩ lɛ mà asɛ a zɔ́ɔn kɛn, min mɛnɛn bɛ́ mà ǹsɛn ba li asɛ giã ǹ mìi la wa, mà ǹ da ǹ nɛ kànaa, ǹ nə ǹ bɔlɔ kuru asɛ yɔrɔ-a.

Zaã a sɛ́wɔ 6:66

A kũ bɛ lɛ ganaa, a kialandɛnaa gigiã nə́ n na ǹ nə́ n bɔ a ganaa, ǹ ná a kɔmalɛ lɛ da.

Zaã a sɛ́wɔ 7:53

Bɛ kio, didie kiɛ̃ á woo piɛ.

Nya ǹ dín 2:30

Sɛnɛ, Davida na á goã Lawa a boo gii-dali lɛa, á dɔ̃ mà Lawa nə́ n liɛ asɛ nɛ ka sonbore tumaa nɛ, mà á re a tɔrɔ min boe a nɛnyaanan bii, a koa a kii dankan la.

Korɛnti1 15:25

A giala, a n kɔnboe Krita goã kii lɛa, yǎa Lawa boe a zɔ́ɔn tumaa la, a ǹ kiɛ a gòãn giulun.

Sii-nyaan 22:16

Ma din Yezu má lon a dia dí-a wole dia máa a da bɛ lɛ tumaa pɛ Lawa a sɔmɔn minin manɛ. Masɛ n Davida tɔrɔ lɛa, ma ń baayɛlɛ a leere tɛ-pɛle lɛa.

Sii yɔrɔ-bɔlen 8:35

Zediɔ̃ lɛ, ǹ nə́ bíi Yerubaali, a bǐɛ̃ mɛn tumaa zɛnaa Izirayeli minin manɛ, bɛn nə sii kɔn din zɛnaa a kion minin manɛ, ǹ nə́ ǹ bǐɛ̃-doɛ̃ nyaa-n wa.

Samayeli1 20:27

Bɛa lɛawaa, mui dii zɔ́n lɛ a lɛawaa paabaa ǹ wɔ pinaa, Davida a giã ǹ bǎã lɛ kooro goã tán doo. Sayulu nɔ̀n da a nɛgiĩ Zonaatan la mà wàa na á baa Zesee a nɛgiĩ lɛ da màn lɛ bii gunun wa, a da bii pelo dɔn wa?

Samayeli1 22:13

Sayulu nɔ̀n da la: «Wàa na á baa n din laanka Zesee a nɛgiĩ lɛ nə́ n bɔyaa masɛ li ka durii ni? Wàa na á baa, ń buuru laanka gɔya sa kɔ la? Wàa na á baa ń nɔ̀n da Lawa la ka a sii ni? Pelo, Davida lɛ nə́ n bɔyaa masɛ li, a n kuu koe ma ganaa, ka durii ni, a n die ma dii.»

Samayeli1 22:7

Sayulu pɛ a dí-nyalin lɛn manɛ golee ne a genli: «Bɛnzamɛn tɔrɔn lɛn, ka n too kɔ doɛ̃! Ka n taasɛ mà Zesee a nɛgiĩ lɛ dɔ tá re wurun laanka *rezɛ̃ dan koe ka tumaa la, a ka baa a sɔraasin nyɛɛnaandɛnan lɛa, kɛn nə giã sɔraasi duu goon mìi la, kɛn nə giã sɔraasi paabiɛ mìi la?

Samayeli1 22:9

Dowɛgi lɛ, Edɔmu min lɛa, Sayulu a dí-nyalin lɛn mìi la, bɛ́ tɔ́n pɛ: «Zesee a nɛgiĩ bɛ́ á daa Ayitubu a nɛgiĩ Akiimelɛki li Nɔɔbu kiwi, má yɛ.