KZS1 9:19 - LAWA A BOO SONBORE

¹⁹ Koree a nɛ Salumu ke Abiazafu a nɔ̀ɔn lɛa, Koree a nɔ̀ɔn fulupaa lɛa, bɛ laanka Koree lɛ a sumu minin gialakunun kɛn nɛ, ǹsɛn man nə́ goã kɔn yɛ ka Lawa nɛ ǹ mɔnaa kion kɛa kiɛnlɛ-lɛduə̃lin lɛa, ka ǹ digolon nə goã zɛnɛɛ lɔn Dɛnaa Lawa a zaman lɛa giã ǹ bǎã nɛ.

LAWA A BOO SONBORE 2011

¹⁹ Koree a nɛ Salumu ke Abiazafu a nɔ̀ɔn lɛa, Koree a nɔ̀ɔn fulupaa lɛa, bɛ laanka Koree lɛ a sumu minin gialakunun kɛn nɛ, ǹsɛn man nə́ goã kɔn yɛ ka Lawa nɛ ǹ mɔnaa kion kɛa kiɛnlɛ-lɛduə̃lin lɛa, ka ǹ digolon nə goã zɛnɛɛ lɔn Dɛnaa Lawa a zaman lɛa giã ǹ bǎã nɛ.

KZS1 9:19 ပူးပေါင်းရင်းမြစ်များ

Kiin2 11:15

Sɔraasi paabiɛ mìilandɛnan mɛnɛn bɛ́ sɔraasin lɛn mìi la, Lawa a wúlu-bɔle Zozadaa lɛ pɛ bɛn manɛ: «Ka Ataalii lɛ kũ ka bɔ bǎã-lɛduə̃lin lɛn bii! Min mɛn bɛ́ re koe a kio lɛ, ǹ dɛnaa tá re gɔya gɛ̀ we!» A giala Lawa a wúlu-bɔle lɛ na á goã á pɛ, mà ǹ doamaa bie ǹ na a nyin bɔ Dɛnaa Lawa a kion lɛ-n wa.

Kiin2 11:9

Lawa a wúlu-bɔle Zozadaa lɛ màn mɛn yii pɛ mà ǹ zɛnaa, sɔraasi paabiɛ mìilandɛnan lɛn nə́ bɛ yii zɛnaa. Ǹ didie ná a minin kũ, a wo dí la susu ǹ pii pinaa wolen ne, a gisĩ dí la susu ǹ pii pinaa wolen ne, ǹ nə́ woo Lawa a wúlu-bɔle Zozadaa li.

Kiin2 12:10

Lawa a wúlu-bɔle Zozadaa tɔ́n ga goo goon li, á yala fɔ̃ a lɛpii ganaa, á da tán *wúlu bɔ ǹ bǎã kɛ genli. Bɛ̀ n tá we Dɛnaa Lawa a kion lɛ nɛ, goo lɛ n tán gusin. Ǹ goã die ka paa mɛn din tumaa nɛ Dɛnaa Lawa a kion lɛ nɛ, Lawa a wúlu-bɔlen mɛnɛn bɛ́ kiɛnlɛ mìi lɛduĩ, bɛn maǹ nə́ goã bɛa paa lɛ yii kiɛ goo lɛ nɛ.

KZS1 9:18

Ǹ dinin lɛn tɔrɔn man ke tɔn dí nyɛɛ kii a kiɛnlɛ kɛ lɛ-a lɛ̀giala gɔn la, a da pelo yaa. Ǹ digolon man nə́ goã Levii tɔrɔn giã ǹ bǎã a kiɛnlɛ-lɛduə̃lin lɛa.

KZS1 9:20

Eleyazaara a nɛ Pinaasi na á goã ǹ nyɛɛnaandɛnaa lɛa lɛlɛ, a giala Dɛnaa Lawa goã kun ni.

Loen 42:1

LOE-saalin goledɛnaa loe mɛn lɔ. Koore a minin doro ǹ loe.

Loen 44:1

Koore a minin doree kɔ ǹ loe. A n boe loe-saalin goledɛnaa a sɛ́wɔ nɛ.

Loen 49:1

LOE-saalin goledɛnaa loe mɛn lɔ. Koore a minin loe.

Loen 84:10

Lawa, n yiri koa kii kɛ li, wɔ tamaali lɛa, n din nə ń bɔ ń koa, ga a walan.

Zeremii 35:4

Á woo ǹ ne Lawa a kion, Idigaliya a nɛgiĩ, Lawa a min Hanan a nɛgiĩn kion nɛ kɛ nɛ. Bɛa kion nɛ lɛ n kiãn kion genli, Salumu a nɛgiĩ Maseya a kion nɛ kɛ lalan, ke Lawa a kion a wɔ ǹ kiɛnlɛ lɛduĩ.

Zeremii 52:24

Kii-lɛduə̃lin goledɛnaa lɛ wúlu-bɔlen goledɛnaa Seraya kũ, a kiodɛnaa Sefania nɛ ka Lawa a wúlu-bɔle sɔɔ nɛ Lawa a kion lɛ a kiɛnlɛ lɛduĩ.