KZS1 9:11 - LAWA A BOO SONBORE

¹¹ Azaria dɔ goã a tan. Asɛ digolon man ka Ilkia nɛ, Mesulaamu ni, Sadɔki ni, Merayɔti ni ka Lawa a kion mìilandɛnaa Ayituubu ni.

LAWA A BOO SONBORE 2011

¹¹ Azaria dɔ goã a tan. Asɛ digolon man ka Ilkia nɛ, Mesulaamu ni, Sadɔki ni, Merayɔti ni ka Lawa a kion mìilandɛnaa Ayituubu ni.

KZS1 9:11 ပူးပေါင်းရင်းမြစ်များ

Samayeli2 8:17

Ayitubu a nɛgiĩ Sadɔki laanka Abiataara a nɛgiĩ Akiimelɛki ni, bɛn man nə́ goã Lawa a wúlu-bɔlen lɛa. Serazaa na á goã sɛ́wɔ-kiɛ̃li lɛa.

Kiin2 18:18

Ǹ nə́ nɔ̀n da kii lɛ li. Kii a sumu mìilandɛnaa Eliakimu ke Ilkia a nɛgiĩ lɛa, bɛ nɛ, ka sɛ́wɔ-kiɛ̃li Sebunaa nɛ, ka Asaafu a nɛgiĩ Zoa kɛ nɛ, sɛ́wɔn tamaali lɛa, bɛn nə́ soo ǹ nə́ daa ǹ li.

Kiin2 23:4

Bɛ kio, kii lɛ tɔ́n pɛ Lawa a wúlu-bɔlen kiã Ilkia nɛ, ka Lawa a wúlu-bɔlen kɛn nɛ koɛ la, ka kiɛnlɛ-lɛduə̃lin ni mà mànan kɛn ǹ nə́ ǹ zɛnaa dì baali wɔ lɛa, ka dì Aseeraa laanka lon gɔ̀nɔn ganaa ǹ mànan kɛn tumaa wɔ lɛa, mà ǹ bɛn tumaa goa, ǹ nə ǹ bɔ Lawa a kion lɛ nɛ. Kii lɛ bɛa mànan kɛn lɛn tã, Zeruzalɛmu kiwi kio, Sedrɔn wurun kɛn gɔ́ɔ̃ nɛ. Á ǹ ton goa, á daa-n Betɛli.

Kiin2 25:18

Bɛ kio, minin-lɛduə̃lin mìilandɛnaa Nebuzaradan lɛ Lawa a wúlu-bɔlen kiã Seraya kũ, ka a koamala wole Sefania laanka kiɛnlɛ-lɛduə̃li min sɔɔ kɛ nɛ.

KZS1 24:5

Maǹ nə́ n pã ǹ nə́ bɛa kurun lɛn koa. A giala, Eleyazaara laanka Itamaara tɔrɔn lɛn bii, Lawa a kion sonbore a dí-nyalin kiãn tan ka Lawa a dí-nyalin kiãn nɛ.

KZS1 9:12

Adayaa dɔ goã a tan. Asɛ digolon man ka Yerohamu ni, Pasewuru ni, ka Malkiya nɛ. Masayii dɔ goã a tan: Asɛ digolon man ka Adiyeli ni, Zekaria nɛ, Mesulaamu ni, ka Misilemiti laanka Imɛɛrɛ nɛ.

KZS2 31:13

Kii Ezekiasi laanka Azaria mɛn bɛ́ Lawa a kion lɛ mìi la, bɛn man nə́ Konania laanka Simeyii da màn-lɛduə̃lin kɛn mìi la: Yeyieli ni, Azaria nɛ, Nahati ni, Azayeli ni, Yerimɔti ni, Zozabaadi ni, Eliyeli ni, Ismakia nɛ, Mahati ni, ka Benaazaa nɛ.

Nehemii 10:2

Min mɛnɛn nə n gɔn bǎã da sɛ́wɔ lɛ nɛ, bɛn tɔn nə́ ke: Hakalia a nɛgiĩ Nehemii, ke pàãdɛnaa lɛa, Sedekiasi,

Nehemii 11:11

Hilkiya tɔrɔ Seraya ke, Mesulaamu tɔrɔ lɛa, Sadɔki tɔrɔ lɛa, Merayɔti tɔrɔ lɛa, Ayitubu tɔrɔ lɛa, Lawa guguru kɔ ǹ kion kɛ a nyɛɛnaandɛnaa gole lɛa, bɛ nɛ,

Zeremii 20:1

Imɛɛrɛ a nɛgiĩ Pasewuru ke Lawa a wúlu-bɔle lɛa, bɛ na á goã goledɛnaa lɛa Lawa a kion. Á Zeremii lɛ ma bɛa boon lɛn diɛ ka Dɛnaa Lawa tɔ nɛ.

Minin nimi 4:28

Gɛrsɔn tɔrɔn lɛn dí n ka bɛ lɛ nɛ kɔn yɛ ka Lawa nɛ ǹ kion lɛ nɛ. Bɛ lɛ nə ǹ dí lɛa, ǹ nə́ nyɛɛ Lawa a wúlu bole Aarɔn a nɛgiĩ Itamaara giulun.

Minin nimi 4:33

Merarii tɔrɔn tanlɛn minin lɛn dí n ka bɛ nɛ. Ǹ dí din tumaa n ka bɛ lɛ nɛ kɔn yɛ ka Lawa nɛ ǹ kion kɛ nɛ, ǹ nə́ nyɛɛ Lawa a wúlu-bɔle Aarɔn a nɛgiĩ Itamaara giulun.

Luku 22:4

Á kiɛ̃ á woo kɔn yɛ ka wúlu-bɔlen goledɛnan nɛ, ka Lawa a kion a garadin goledɛnan nɛ Yezu kũ ǹ gɔn boo ganaa.

Nya ǹ dín 5:24

Ǹ bɛ́ ǹ nə́ boon kɛn ma, Lawa a Kion-lɛduə̃lin goledɛnaa laanka wúlu-bɔlen goledɛnan yiri nə́ n lɔlɔkɔn, ǹ ba doɛ̃ ǹ bɛ́ re màn mɛn taasɛ dia dí-a wolen kɛn papaã wɔ gɔn la doo wa.

Nya ǹ dín 5:26

Lawa a Kion-lɛduə̃lin goledɛnaa lɛ sɛ yoo gɔrɔ, á woo kun ka dí-nyalin ni, ǹ nə́ dia dí-a wolen lɛn kũ, ǹ nə́ daa ǹ nɛ. Sɛnɛ, ǹ nə ǹ nɔmaa wa, a giala, maǹ nə́ goã nyɛ́ɛ biɛ, mà zaman lɛ á die ǹsɛn dii ka kɔlɔ nɛ.