KZS1 5:25 - LAWA A BOO SONBORE

^25-26 Urubɛn tɔrɔn laanka Gaadi tɔrɔn nɛ, ka Manaasee tɔrɔn talɛɛ nɛ, ǹ nə́ n baa bɔlɔgoonbaãdɛnan lɛa, ǹ digolon Lawa nɛ. Lawa goã á tɔrɔn mɛnɛn bɔ̀n baa ǹ dɔ lɛ a biikoo li, maǹ nə́ Lawa lɛ din toa walan ǹ nə́ bɛn dìn guguru koe. Bɛ lɛ nɛ, Lawa tɔ́n Asiirii gána a kii min paa gòãn sɔmɔ, Puli laanka Teglati-Falasaara nɛ, bɛn nə́ ǹ goa ǹ nə́ kiɛ̃ ǹ nɛ Halaa, Abɔɔrɔ nɛ, Aara nɛ, ka Goozan tà lɛ-a nɛ, yǎa á daa dɔ pelo ganaa.

LAWA A BOO SONBORE 2011

^25-26 Urubɛn tɔrɔn laanka Gaadi tɔrɔn nɛ, ka Manaasee tɔrɔn talɛɛ nɛ, ǹ nə́ n baa bɔlɔgoonbaãdɛnan lɛa, ǹ digolon Lawa nɛ. Lawa goã á tɔrɔn mɛnɛn bɔ̀n baa ǹ dɔ lɛ a biikoo li, maǹ nə́ Lawa lɛ din toa walan ǹ nə́ bɛn dìn guguru koe. Bɛ lɛ nɛ, Lawa tɔ́n Asiirii gána a kii min paa gòãn sɔmɔ, Puli laanka Teglati-Falasaara nɛ, bɛn nə́ ǹ goa ǹ nə́ kiɛ̃ ǹ nɛ Halaa, Abɔɔrɔ nɛ, Aara nɛ, ka Goozan tà lɛ-a nɛ, yǎa á daa dɔ pelo ganaa.

KZS1 5:25 ပူးပေါင်းရင်းမြစ်များ

Kiin2 15:19

Asiirii gána a kii Puli daa gána lɛ si á n kɔ lɛ, sɛnɛ Menaahɛmu wɔrɔ kilo duu pɔsɔɔwensii (34 000) kɔ Puli lɛ la, màn mɛn bɛ́ toɛ a n dɔ lɛ pàã lɛ gòãn nə boo la ǹ wɔ tán a gɔn.

KZS1 5:24

Ǹ kɛdɛnan tɔn man ka kɛn nɛ: Efɛɛrɛ nɛ, Iseyii ni, Eliyeli ni, Azireyeli ni, Zeremii ni, Obavia nɛ, ka Yadiyeli ni. Ǹ tumaa na á goã kɛdɛnan lɛa, zia-baali sonboren lɛa, min tɔdɛnan lɛa.

KZS1 9:1

Ǹ nə́ Izirayeli minin tumaa nimi, ǹ nə́ ǹ tɔn kiɛ̃ Izirayeli gána a kiin sɛ́wɔ kɛ nɛ. Maǹ nə́ goã ǹ nə́ Zudaa minin goa ǹ nə́ woo ǹ ne *Baabilonii gána nɛ, ǹ bɔlɔgoonbaãdɛnaabaa taman yii Lawa wɔ paǹ li.

Bɔ bɛ̀rɛbaa nɛ 34:15

Ka baran toa ka wo lɛ kɔ wɔ ka bɛa gána kɛ lɛ a minin ni wa. Bɛ bie wa, bɛ̀ ǹ tá ǹ dìn guguru koe, ǹ nə́ ǹ wúlun boe, ǹ tɔn kiɛ̃ ǹ ka bíi, ka wo ǹ wúlu siĩn sɔ̃ kooro.

Ozee 1:2

Dɛnaa Lawa boo mɛn pɛ Ozee ne mà a pɛ a zaman nɛ, bɛa giala kɔ n ka kɛ nɛ. A na á kɛ pɛ Ozee lɛ nɛ: «Lɔ mɛn bɛ́ á n din kɔ kɔrɔbaa la, woo, n bɛ saa n lɔ lɛa, n tá re nɛnyaanan yii a ganaa bɛa kɔrɔbaa lɛ gɔ́ɔ̃ nɛ. A giala, gána lɛ a minin man nə n dinin baa ka lɔ kɔrɔn bɛ́ lɔn, ǹ nə́ n dɔ̀ɔ̃ wɔ masɛ Dɛnaa Lawa nɛ.»

Ozee 9:1

Izirayeli minin lɛn, ka nyan toa kaa foo kɔɔ̃nbaa la yii-n, ka tɔrɔ kɔsɔn kɛn wɔ bɛ́ lɔn wa, a giala, ká kɔrɔbaa zɛnaa, ká n na ka n bɔ kaa Lawa ganaa, a giala ǹ bɛ́ *belee duwii bǎã mɛn tumaa nɛ, kaa kɔrɔbaa lɛa saraa nɛ, ka tá a kio walan.

Sii-nyaan 17:5

Ǹ nə́ tɔ giməə kiɛ̃ a nyanlɛ-a. Bɛa tɔ giməə lɛ giala mà "*Baabilonii gole mɛn bɛ́ naarɛbaa laanka sii gɔgɔrɛ tumaa a náa lɛa kanaa gɔ́ɔ̃ nɛ".

Sii yɔrɔ-bɔlen 2:12

Ǹ nə́ Dɛnaa Lawa toa walan, ǹ digolon Lawa lɛ, asɛ mɛn bɛ́ á ǹ waa Ezipti gána nɛ á soo ǹ ne. Ǹ nə́ dìn guguru kɔ, tɔrɔn kɛn lɛn wɔn bii, tɔrɔn mɛnɛn lɛn nə goã ǹ lɛnpɛnɛ. Ǹ nə́ kaa tán bɛn yɔrɔ-a ǹ nə́ ǹ guguru kɔ, ǹ nə́ wɔ Dɛnaa Lawa lon.

Sii yɔrɔ-bɔlen 2:17

Sɛnɛ, ǹ goã n too koe ǹ sii yɔrɔ-bɔlen lɛn dɔn dinin lon wa. Maǹ nə́ goã dí nyɛɛ dìn manɛ, bɛ̀ ǹ kaa tán bɛn yɔrɔ-a, bɛ̀ ǹ nə ǹ guguru kɔ. Ǹ digolon mɛnɛn nə n too kɔ Dɛnaa Lawa a dí-pɛn kɛn li, bɛn nə zii mɛn saa, ǹsɛn nə́ kanaa fufuu ǹ nə́ n bɔ bɛ la. Ǹ zɛnaa ka ǹ digolon lɛn wɔ bɛ́ lɔn wa.

Sii yɔrɔ-bɔlen 8:33

Zediɔ̃ a gɛ̀ kio, Izirayeli minin lɛn nə́ wusoo ǹ ná a giala kɔ ǹ nə́ kɔrɔbaa zɛnaa kun ka *Baali dìn kɛn nɛ. Dì lɛ a mɛn bɛ́ ǹ tá bíi Baali-Beriti ǹ nə́ bɛ saa, ǹ nə́ baa ǹ lawa lɛa.