KZS1 5:20 - LAWA A BOO SONBORE

²⁰ Bɛa zia lɛ wuu li, ǹ nə́ Lawa nyankɔ mà a n dɔ ǹsɛn lɛ, a giala ǹ foo goã doa nɛ a ganaa. Lawa dɔ nə́ ǹ nyankɔ si, á n dɔ ǹ lɛ. Bɛa yɔrɔ lɛ la, ǹ nə́ boo Agaraa tɔrɔn lɛn la ǹ nə́ ǹ kaa ǹ pàã giulun, ka min mɛnɛn dɔn nə ǹ wɔ kaa kun ka Agaraa tɔrɔn lɛn nɛ.

LAWA A BOO SONBORE 2011

²⁰ Bɛa zia lɛ wuu li, ǹ nə́ Lawa nyankɔ mà a n dɔ ǹsɛn lɛ, a giala ǹ foo goã doa nɛ a ganaa. Lawa dɔ nə́ ǹ nyankɔ si, á n dɔ ǹ lɛ. Bɛa yɔrɔ lɛ la, ǹ nə́ boo Agaraa tɔrɔn lɛn la ǹ nə́ ǹ kaa ǹ pàã giulun, ka min mɛnɛn dɔn nə ǹ wɔ kaa kun ka Agaraa tɔrɔn lɛn nɛ.

KZS1 5:20 ပူးပေါင်းရင်းမြစ်များ

Siin Giala 25:21

Rebeka goã nɛ yii wa, Izaaki Dɛnaa nyankɔ a lɛa. Dɛnaa makara bɔ Izaaki ganaa, a lɔ Rebeka lɛ daa á nɔ̀ si bɛlɛmanan lɛa a gɔ́ɔ̃ nɛ.

Siin Giala 49:19

Nsɛ Gaadi, zia nɛn tá re die koe n lɛ. Sɛnɛ, n tá re n tiɛ̃ n kɔ ǹ lɛ, n nə ǹ loo.

Kiin1 22:32

Ziabaa ǹ wotoro mìilandɛnan lɛn bɛ́ ǹ nə́ Zozafati yɛ, ǹ nə́ taasɛ mà Izirayeli gána a kii lɛ n ka a din ni. Ǹ nə́ yoo ǹ nə́ tele a ganaa ǹ nə́ die zia biɛ a ganaa, yǎa Zozafati bɔ á mɛ la a tá n lɛ dii.

KZS1 5:21

Ka bɛ dɔ nɛ, ǹ nə́ ǹ tɔɔn kũ: nyɔɔmaa duu posooro (50 000), tɔɔ bisin duu biɛpaa ka posooro (250 000), dundun duu paa (2 000). Maǹ nə́ min duu paabiɛ (100 000) kũ kòso nɛ lɛa.

KZS1 5:22

Ǹ nə́ goã ǹ nə́ zɔ́ɔn lɛn min didi dɔ dɛ. Bɛ na á goã á n zɛnaa, a giala bɛa zia lɛ na á goã boe Lawa li. Bɛ kio, ǹ nə́ giã Agaara tɔrɔn lɛn bǎã nɛ, ǹ nə́ goã walan yǎa wo bɛ̀rɛbaa ǹ bǎã-n kɛa biikoo li.

KZS2 13:18

Bɛa pinaa kɛ lɛ nɛ, ǹ nə́ sìi da Izirayeli minin ganaa. Zudaa minin sɛn nə gɔ̀lɔ̀baa yɛ, a giala, maǹ nə́ ǹ pàã doa Dɛnaa Lawa la, ǹ digolon Lawa.

KZS2 18:31

Ziabaa ǹ wotoro nyɛɛnaandɛnan lɛn bɛ́ ǹ nə́ Zozafati yɛ, ǹ nə́ pɛ: «Izirayelin kii lɛ n ka kɛ nɛ.» Ǹ nə́ tele a ganaa ka zia nɛ, sɛnɛ, Zozafati nə́ n lɛ dɛ. Dɛnaa Lawa daa a gu ganaa, á ǹ lɛ goa á ǹ bɔ li.

KZS2 20:12

Wɔa Lawa, n din ba re bɛa kiri kuri wɔa lɛa wa? Wɔ pàã á kiɛɛrɛ sɔraasi kuru damata kɛ ganaa die wɔ gialaa ka zia nɛ. Wɔ bɛ́ re n biɛ lɔn, wɔ a doɛ̃ wa. Bɛ lɛ nɛ, wɔ yii n doa nɛ n din la.

KZS2 26:7

Lawa daa a gu ganaa bɛ̀ a bɛ́ zia biɛ Filisiti minin ganaa ka Larabun ni, giã-n Guuru-Baali ka Mehuniti tɔrɔn nɛ.

KZS2 33:13

á gòa-kũ da a ganaa. Lawa toa a lɛ-dɛ dɔ a li, á n too kɔ a nyankɔ ganaa. Á wusoo á daa nɛ Zeruzalɛmu, a ná a kiibaa ǹ pàã kɔ la. Bɛ lɛ na á toa Manaasee dɔ̃, mà Dɛnaa Lawa lɛ din ni Lawa lɛa.

Ɛsidrasi 8:23

Bɛ lɛ n ke, wɔ́ n lɛ sɔɔ, wɔ́ bɛ lɛ nyankɔ wɔa Lawa lɛ lon, á wɔ lɛ si.

Loen 37:39

Dɛnaa Lawa n min sonboren kirisibiɛ. A din nə ǹ tamaɛ fuu-yɛ biikoo li.

Loen 37:40

Dɛnaa Lawa nə n doe ǹ lɛ, a tá ǹ sii ǹ kiɛ. A nə ǹ kanbiɛ min baraan ganaa, a tá ǹ kirisibiɛ. A giala, maǹ nə́ kaa a din yele.

Loen 46:1

LOE-saalin goledɛnaa loe mɛn lɔ. Koore a nɛnyaanan loe, manə n lɛn siɛ lon a lɔ li.

Loen 9:10

Dɛnaa Lawa, n din die n fuu-yɛle a duru ǹ bǎã baa. Nɔmaa biikoo li, a n duru n din li.

Bɔ bɛ̀rɛbaa nɛ 17:11

Haya! Bɛ̀ Muizu nə n gɔn saa lon, Izirayeli minin man boe Amalɛki minin la, bɛ̀ a n gɔn gisĩ, Amalɛki n boe Izirayeli la.

Suusun 29:25

Nyɛ́ɛ n kan lɛa min kuĩ. Sɛnɛ, min mɛn bɛ́ n din sii we Dɛnaa Lawa gɔn, bɛa dɛnaa tamaamaa nɛ.

Zeremii 39:18

Sonbore, sàabaa ba la wa, ma á re n kirisibiɛ. N ba re gɔya sa gɛ̀ we wa, n yii á re goɛ̃ koo. N là á re goɛ̃ ka bɛ sɛ kɔn nɛ, a giala, n nə́ n foo doa masɛ ganaa. Dɛnaa Lawa a da ǹ boo ne.»

Nahumu 1:7

Dɛnaa Lawa á siĩni. A n mìi duru ǹ bǎã lɛa koe pinaa. Min mɛnɛn bɛ́ n dinin koe la, a n giɛ bɛn walan.

Efɛɛzi minin 1:12

mà wɔ asɛ a gugurubaa kɛ laakalaa, wɔsɛn Zuifun mɛnɛn bɛ́ wɔ n foo doa Krita ganaa bibinaanɛ.

Zozoe 10:14

Dɛnaa Lawa minbuiin nɛ lɛ si bɛa pinaa lɛ nɛ. Bɛa lɛawaa lɛ miã tɔn yɛ wa. A yɛ lɛlɛ wa, a re yii a kio dɔ-n wa. A giala, Dɛnaa Lawa na á goã zia biɛ Izirayeli minin lɛn lɛa.

Zozoe 10:42

Zozoe na á bɛa kiin lɛn tumaa laanka ǹ gánan kũ zia goon toto gòã wuu li. A giala, Dɛnaa Lawa, Izirayeli minin Lawa lɛ na á goã zia diɛ Izirayeli minin lɛn lɛa.

Zozoe 23:10

Kaa min goon na á goã baa diɛ kaa zɔ́ɔn lɛn min duu goon gòã li. A giala, Dɛnaa Lawa lɛ, kaa Lawa lɛa, bɛ na á goã zia diɛ kaa lɛa, ka a bɛ́ á pɛ ka-n lɔn.

Samayeli1 19:15

Sayulu wusoo á n dia, mà ǹ woo ǹ yii Davida yɛ. Á pɛ ǹ nɛ mà ǹ saa a piì la, ǹ da nɛ asɛ li asɛ dɛ a gã.

Samayeli1 7:12

Samayeli kɔlɔ saa á da tán Misipaa laanka Sɛni kiwi bii ni á ná a tɔ kɔ mà Ebɛn-Ezɛrɛ bɛ̀ á n pii: «Lawa nə́ ǹ dɔ wɔsɛn lɛ yǎa kànaa.»