KZS1 23:4 - LAWA A BOO SONBORE

⁴ Davida min duu fuəwensii (24 000) bɔ maǹ ga Dɛnaa Lawa a kion lɛ a dí ganaa, duu sɔrɔ (6 000) sɛ́wɔ-kiɛ̃lin lɛa ka kiri-kurulin ni,

LAWA A BOO SONBORE 2011

⁴ Davida min duu fuəwensii (24 000) bɔ maǹ ga Dɛnaa Lawa a kion lɛ a dí ganaa, duu sɔrɔ (6 000) sɛ́wɔ-kiɛ̃lin lɛa ka kiri-kurulin ni,

KZS1 23:4 ပူးပေါင်းရင်းမြစ်များ

KZS1 6:48

Ǹ bɛ́ ǹ nə́ n pã, kiwi dadara fùlupaa na á dɔ Merarii tɔrɔn ganaa ǹ tanlɛ yii li. Bɛa kiwin lɛn man nə́ dɔ ǹ ganaa Urubɛn tɔrɔn bǎã nɛ, Gaadi wɔn nɛ, ka Zabulɔn wɔn nɛ.

KZS2 19:8

Zeruzalɛmu dɔ nɛ, Zozafati *Levii tɔrɔn bɔ á ǹ koa, Lawa a wúlu-bɔlen ne, Izirayeli a kɛdɛnan nɛ, ǹ boo la ǹ kiri kuru Dɛnaa Lawa tɔ nɛ, ǹ siin yɔrɔ bɔ. Maǹ giã-n Zeruzalɛmu.

KZS2 23:18

Bɛ kio, Lawa a wúlu-bɔlen mɛnɛn bɛ́ Levii tɔrɔn lɛa Lawa a kion lɛ lɛduĩ, Zozadaa bɛn kaa Lawa a kion lɛ a dí lɛ la. Davida na á ǹ tatala kuru lɛ yii li maǹ boo la ǹ *wúlu màn lɛpiɛ̃ kɔ Lawa a kion ka á ke kiɛ̃-n Muizu a laanda sɛ́wɔ lɔn. Á pɛ ǹ nɛ mà n bɛa dí lɛ nya ka foo kɔɔ̃nbaa ǹ loen ne a kɔn pɛ ka Davida a gɔn waa-man nɛ.

KZS2 34:13

Maǹ guĩ-gùlin mìi la, ka gɔn dí-nyalin tumaa nɛ. Levii tɔrɔ kɔsɔn kɛn man sɛ́wɔ-kiɛ̃nli lɛa, zaman-lɛduə̃lin lɛa, ǹ nə́ kiɛnlɛn dɔn lɛduĩ.

Nehemii 11:22

Levii tɔrɔn nyɛɛnaandɛnaa goã ka min mɛn nɛ Zeruzalɛmu kiwi, Banii tɔrɔ Uuzi ni. Uuzi lɛ n Hasabia tɔrɔ lɛa, Matania laanka Misee dɔ tɔrɔ nɛ. A n Azaafu tɔrɔn kɛn min goon lɛa. Bɛa Azaafu tɔrɔn lɛn man loe-lɔlin lɛa Lawa a kion.

Nehemii 11:9

Zikiri a nɛgiĩ Zowɛli na á goã ǹ nyɛɛnaandɛnaa lɛa, Ha-Senuwa a nɛgiĩ Yewudaa na á goã koɛ kiwi nyɛɛnaandɛnaa la.

Ezekieli 44:24

Bɛ̀ sii tá minin bii, ǹ dinin lɛn doamaa nɛ, ǹ na a yɔrɔ bɔ. Ǹ doamaa nɛ ǹ na a yɔrɔ bɔ a kɔnpɛ ka maa sii yɔrɔ bɔ ǹ gɔn nɛ. Ma dí-pɛn laanka landa boon mɛnɛn kɔ ǹ la, ǹ maa zɔ́nɔn kɛn tumaa zɛnaa a kɔnpɛ ka bɛn nɛ, ǹ maa susu ǹ piin kɛn tamaa masɛ wɔn lɛa.

Malakii 2:7

Hiĩ, Lawa a wúlu-bɔle a nya ǹ dí n ka Lawa doɛ̃ nɛ, ka a landan tamaa nɛ. Maǹ die nɔ̀n diɛ a din la ka Lawa a dí-pɛn yɔrɔn nɛ. A din ni Dɛnaa Lawa Pàãyiidɛnaa á boo sii á pɛ wole lɛa.

Nya ǹ dín 20:28

Ka ga ka dinin walan, ka Lawa a minin lɛn dɔn nɛ, Yiri Fu bɛ́ á ka bɔ á ka koa ǹ mɛnɛn nyɛɛnɛ. Lawa din na a sɔmɔ mɛn pii ka a din a Nɛgiĩ mà-n ke, ka goã bɛa lɛduə̃lin lɛa.

Timəə dí-pɛn 16:18

Ka die ka sii yɔrɔ-bɔlen laanka zaman-lɛduə̃lin koa kaa tɔrɔn lɛn wɔ lɛa, kiwin lɛn tumaa nɛ, kaa Lawa, Dɛnaa Lawa bɛ́ re kiwin mɛnɛn koe ka la. Bɛn tá re zaman lɛ a sii yɔrɔ boe ka peperebaa nɛ.