KZS1 23:13 - LAWA A BOO SONBORE

¹³ Amuramu a nɛn: Aarɔn nɛ ka Muizu ni. Ǹ nə́ Aarɔn bɔ a kion minin bii ǹ nə́ da a gɔrɔn, màn mɛn bɛ́ toɛ a goã bǎã sonbore sonbore kɛ a dí-nyali lɛa, a din laanka a nɛnyaanan nɛ yǎa duduu, ǹ da yon gìĩ kɔɔ̃n kɔ Dɛnaa Lawa la, ǹ dí nya nɛ, ǹ barka da a zaman ganaa yǎa duduu.

LAWA A BOO SONBORE 2011

¹³ Amuramu a nɛn: Aarɔn nɛ ka Muizu ni. Ǹ nə́ Aarɔn bɔ a kion minin bii ǹ nə́ da a gɔrɔn, màn mɛn bɛ́ toɛ a goã bǎã sonbore sonbore kɛ a dí-nyali lɛa, a din laanka a nɛnyaanan nɛ yǎa duduu, ǹ da yon gìĩ kɔɔ̃n kɔ Dɛnaa Lawa la, ǹ dí nya nɛ, ǹ barka da a zaman ganaa yǎa duduu.

KZS1 23:13 ပူးပေါင်းရင်းမြစ်များ

KZS1 23:12

Keyati na á nɛ sii yɛ. Amuramu ni, Isaara nɛ, Ebrɔn nɛ ka Uziili ni.

KZS1 6:3

Keyati a nɛnyaanan man ka kɛn nɛ: Amuramu ni, Isaara nɛ, Ebrɔn nɛ ka Uziili ni.

KZS1 6:34

Aarɔn laanka a tɔrɔn sɛn man nə́ goã wúlu boe *wúlu màn tã ǹ bǎã la, ka da yon gìĩ kɔɔ̃n tã ǹ bǎã nɛ. Bǎã sonbore sonbore kɛ dɔ a sii tumaa na á goã ǹ dinin gɔn. Ka bɛ dɔ nɛ, maǹ nə́ goã sii baraa sawaa ǹ sii zɛnɛɛ Izirayeli minin wɔ paǹ li, á n kɔnpii ka gɔn waa ǹ boon kɛn tumaa nɛ, Lawa a dí-nyali Muizu nə́ ǹ kɔ.

Loen 106:16

Ǹ giã ǹ bǎã lɛ nɛ, ǹ nə́ n zɔɔ̃ kɔn ka Muizu ni, ka Aarɔn dɔ nɛ, Dɛnaa Lawa din a min boe kɛ lɛ.

Loen 99:6

Muizu laanka Aarɔn nə kun a wúlu-bɔlen ne. Samayeli sɛ n kun a tɔ-bíilin ni. Bɛn man nə́ goã Dɛnaa Lawa lɛ tɔ bíi, á goã ǹ lɛ dɔ sii.

Bɔ bɛ̀rɛbaa nɛ 28:36

«Bɛ kio doo, n nyaǹ màn zɛnaa ka sana yoreen yoreen ne, ka da buu bɛ́ lɔn, ń kiɛ̃ a ganaa ka ǹ bɛ́ gòã-kurii diɛ màn ganaa lɔn, mà "Kɛ n Dɛnaa wɔ lɛa."

Bɔ bɛ̀rɛbaa nɛ 29:44

Kɔn yɛ ǹ kion lɛ laanka wúlu bɔ ǹ bǎã lɛ n masɛ din wɔn lɛa. Aarɔn dɔ laanka a nɛgiĩn man masɛ din wɔn lɛa, màn mɛn bɛ́ toɛ, ǹ dí nya masɛ din ni.

Bɔ bɛ̀rɛbaa nɛ 6:20

Amuramu na á ǹ dɛlan Zokebɛdi saa lɔ lɛa. Á Aarɔn laanka Muizu yɛ la. Amuramu a tá kanaa na á kɔnpɛ ka lɛ̀ paabiɛ ka pɔsɔɔwensɔbaa (137) nɛ.

Lawa a wúlu-bɔlen 10:10

A giala, màn mɛn bɛ́ Lawa wɔ lɛa, màn mɛn bɛ́ a ba a wɔ lɛa wa, ka doamaa nɛ ka boo la ka bɛa bɔkɔnlɛ wɔ, ka boo la ka màn gɔgɔrɛ dɔ laanka màn *yoreen a bɔkɔnlɛ wɔ.

Minin nimi 18:1

Dɛnaa Lawa boo da Aarɔn nɛ, á pɛ: «N din ni, n tanlɛ minin ni, ka n din dɔɔ̃n Levii a tanlɛ minin kɛn nɛ, bɛ̀ sã mɛn yɛ Lawa a kion kɛa sii wɔ paǹ li, bɛ n die ka dinin mìi gɔ́ɔ̃ ǹ sii biɛ. Sɛnɛ, n din laanka n tanlɛ minin kɛn nɛ, bɛ̀ sã mɛn yɛ kaa wúlu bɔ ǹ dí ni, bɛ n die ka dininsɔɔ̃nɔn mìi gɔ́ɔ̃ ǹ sii biɛ.

Minin nimi 26:59

Amuramu a lɔ tɔ na á goã Zokebɛdi. Levii a nɛlɔ n ka Zokebɛdi lɛ nɛ, a na á yɛ Ezipti gána nɛ. Zokebɛdi lɛ na á nɛ sɔɔ yɛ á kɔ Amuramu la. Bɛa nɛnyaanan lɛn man ka Aarɔn nɛ, Muizu ni, ka bɛn miãnɛn Miriyamu kɛ nɛ.

Minin nimi 3:27

Keyati n Keyati tɔrɔn digolo lɛa. Keyati tɔrɔn lɛn man niɛ-n kɔn tanlɛ sii: Amuramu a tanlɛ minin manɛ, Yisirari a tanlɛ minin ni, Ebrɔn a tanlɛ minin ni, ka Uziili a tanlɛ minin ni.

Luku 1:9

A kɔnpɛ wúlu-bɔlen lɛn sii zɛnaa nɛ, maǹ nə́ goã n piɛ̃ dí lɛ ganaa, bɛ̀ ǹ tatala kɔn. Bɛa pinaa kɛ lɛ nɛ, pã lɛ na á Zakarii kũ, nyɔɔ gìĩ kɔɔ̃n tiɛ̃ na á dɔ asɛ ganaa. Bɛ lɛ na á toa, á wɔ Lawa a kion nyɛɛnaan sonbore kɛ nɛ.

Nya ǹ dín 13:2

Ǹ bɛ́ Dɛnaa guguru kɔ ǹ bǎã nɛ ǹ kɔ́n pinaa, ǹ lɛ n sɔɔ nɛ, Yiri Fu pɛ: «Ka Barnabaasi laanka Sooli bɔ ka koa ǹ gɔrɔn, masɛ nə ǹ bíi dí mɛn ganaa, bɛa lɛa.»

Rɔmu minin 1:1

Masɛ Pooli mɛn bɛ́ Yezu *Krita a bɛ̀rɛ lɛa, masɛ n sɛ́wɔ kɛ kiɛ̃. Lawa na á ma bíi, mà ma dia dí-a wole baa. A na á ma bɔ, mà ma a din a Boo Tii Kɔɔ̃n kɛ pɛ.

Galaasi minin 1:15

Sɛnɛ bɛ kio, Lawa lɛ kɔ mà ma a Nɛgiĩ dɔ̃, màn mɛn bɛ́ toɛ, ma a sii nyaa tɔrɔn tumaa nɛ. Bɛ lɛ a lɛa nɛ, á ma bɔ gɔrɔ, bɛ̀ ma tɔn yɛ dinin wa. A din a bǐɛ̃baa gɔ́ɔ̃ nɛ, á ma bíi, mà ma dí nya asɛ nɛ. Bɛ bɛ́ á n zɛnaa, ma nɔ̀n da min kɔ́n la ka yiri-n wa.

Timəə dí-pɛn 10:8

A saa bɛa waáraa lɛ ganaa a da kaa pelo lɛ, Dɛnaa Lawa na á *Levii tɔrɔn kɛn bɔ á ǹ koa ǹ gɔrɔn, mà ǹ na asɛ a *lɛ kɔ kɔn la ǹ goo kɛ gũ, bɛ̀ ǹ golee asɛ yɔrɔ-a, ǹ na asɛ a dí nya, bɛ̀ ǹ barka da minin ganaa ka asɛ tɔ nɛ.

Timəə dí-pɛn 21:5

Bɛa biikoo li, Levii tɔrɔ wúlu-bɔlen kɛn nə n zɔ̃ ǹ dɔ. A giala, kaa Lawa, Dɛnaa Lawa lɛ na á ǹ dinin lɛn bɔ mà ǹ dí nya asɛ nɛ, ǹ barka da minin ganaa ka asɛ tɔ nɛ. Minin bii gɔ́ɔ̃ ǹ sii tumaa laanka kɔn-dɛ a mà bɔ kɔn ganaa ǹ sii tumaa nɛ, ǹ dinin man bɛ yɔrɔ boe.

Ebrəə 5:4

Min kɔ́n ba boe la, a wúlu-bɔlen kiãbaa lɛ a gugurubaa kɛ kɔ a din la wa. Lawa a bíi-wɔ n biɛ a lɛa, ka a bɛ́ á n zɛnaa Aarɔn nɛ lɔn.

Sii-nyaan 8:3

Lon a dia dí-a wole goon kɔsɔ daa golee wúlu bɔ ǹ bǎã yɔrɔ-a, ka da gón gìĩ kɔɔ̃n tã ǹ màn ná a gɔn, a n sana lɛa. Da gón gìĩ kɔɔ̃n gigiã nə́ n kɔ la, mà a kaa kun ka Lawa a min sonboren tumaa a Lawa nyankɔ nɛ, a ǹ kɔ Lawa la. *Wúlu bɔ ǹ bǎã mɛn bɛ́ sana lɛa doa-n kii dankan yɔrɔ-a, mà a ǹ kaa bɛ la.

Samayeli1 2:28

N din digolon kɛn lɛn manɛ, má ǹ bɔ Izirayeli tɔrɔn tumaa bii, má ǹ baa maa wúlu-bɔlen lɛa, màn mɛn bɛ́ toɛ ǹ wo *wúlu bɔ ǹ bǎã nɛ, ǹ da yon gìĩ kɔɔ̃n tã, ǹ dí nya ǹ mɔnaa wɔ masɛ yɔrɔ-a. Izirayeli nɛnyaanan bɛ́ wúlu màn mɛn din tumaa tiɛ̃, ma bɛ kɔ n digolo lɛ laanka a tɔrɔn la.