KZS1 22:13 - LAWA A BOO SONBORE

¹³ N wɔ á re bǐɛ̃ koe bɛ̀ n kɔ dí-pɛn kɛn lɛ ka landa boon kɛn nɛ Dɛnaa nə́ n kɔ Muizu la Izirayeli wɔ lɛa. Toa n goã kaka n foo tã, nyɛ́ɛ nyan nə n kũ wa, n nyan nə n foo ziziɛ̃ wa.

LAWA A BOO SONBORE 2011

¹³ N wɔ á re bǐɛ̃ koe bɛ̀ n kɔ dí-pɛn kɛn lɛ ka landa boon kɛn nɛ Dɛnaa nə́ n kɔ Muizu la Izirayeli wɔ lɛa. Toa n goã kaka n foo tã, nyɛ́ɛ nyan nə n kũ wa, n nyan nə n foo ziziɛ̃ wa.

KZS1 22:13 ပူးပေါင်းရင်းမြစ်များ

Kiin1 2:2

– Ma dɔ n die woe min tumaa a woo ǹ bǎã nɛ. N gɔ̀nɔn da n din-a, n giĩbaa zɛnaa!

Kiin1 2:3

Dɛnaa Lawa, n Lawa lɛ bɔlɔ si. Kɔ Dɛnaa Lawa a ziin lɛ, n na a landa boon tamaa, n na a gɔn waa ǹ boon si, ka a sii yɔrɔ bɔ ǹ boon laanka a da ǹ boon ne, ka a bɛ́ ke á n kiɛ̃ Muizu a dí-pɛn sɛ́wɔ kɛ-n lɔn, màn mɛn bɛ́ toɛ n sii yii bǐɛ̃ kɔ n gɔn, ka sii mɛnɛn tumaa bɛ́ n koa n yɔrɔ-a.

KZS2 14:6

Á pɛ Zudaa minin manɛ: «Wɔ́ ga Dɛnaa Lawa, wɔa Lawa li. Wɔ́ ga li, á yii-nyɛɛ kɔ wɔ la paǹ din tumaa li. Gána lɛ n wɔa wɔ lɛa. Ka daa wɔ kiwin kɛn dɔ, wɔ kungɔnɔn pɛnɛ ǹ ganaa, ka gɔnda ǹ bǎãn nɛ ǹ ganaa, kiɛnlɛn nɛ, ǹ nə́ n soɛ.» Ǹ nə́ boo la ǹ nə́ bɛa kiwin lɛn tumaa dɔ tamɛɛ-n sɔnbɔraanɛ.

KZS2 20:20

Bɛa lɛawaa baayɛlɛ yiisoo, zaman tumaa zii saa ǹ nə́ woe Tekoa diə gole ne. Ǹ woo waáraa, Zozafati nə́ n doa ǹ nyɛɛnɛ á pɛ ǹ nɛ: «Zeruzalɛmu laanka Zudaa minin lɛn, ka n too kɔ ma lon! Ka n foo tumaa doa Dɛnaa Lawa, kaa Lawa ganaa, ka á re pàã yii. Ka n foo tumaa doa a boo gii-dalin kɛn ganaa, gɔ̀lɔ̀baa n die goɛ̃ kaa wɔ lɛa!»

KZS2 26:5

Oziasi ga Lawa li Zakarii a yiikoonaabaa tumaa waáraa, asɛ mɛn bɛ́ Lawa a sii-yɛn doɛ̃. A goã giɛ li biikoo mɛn tumaa li, Lawa toa a siin ni yɔrɔ yɛ.

KZS2 32:7

«Ka toa ka goã kaka ka foo n tã. Ka baran nyɛ́ɛ baa wa. Ka nyan toa nyɛ́ɛ ka kũ Asiiriin kii yɔrɔ-a kɔnlɛ ka zia-baali damata kɛ-n kun ni wa. Taãnɛ, pàã gole goon tá kun ka wɔ nɛ, bɛ ná a ba kunun ǹ ni wa.

Loen 1:3

A n ka da mɛn bɛ́ ǹ nə́ zumu tà lɛ-a, a na a nɛ koe a biikoo li, a luu a bɛbɛnɛ wa. Bɛa dɛnaa kɛ bɛ́ sii mɛn tumaa zɛnɛɛ, a n bǐɛ̃ koe.

Loen 119:6

Bɛ lɛ n die toɛ, bɛ̀ ma á n yiri koɛ n dí-pɛn lɛn tumaa nɛ, sìi a re ma kuĩ wa.

Loen 72:1

Salomɔn a loe. Lawa! A kɔ kii lɛ la, a kiri siin yɔrɔ bɔ, ka n din wɔn bɛ́ lɔn. N din a kiri sii giala ma ǹ gɔn kɛ kɔ la.

Azee 2:4

Dɛnaa Lawa pɛ: Zorobabeli n foo taã, nsɛ dɔ Zozadaaki a nɛ Lawa a wúlu-bɔlen goledɛnaa Zozoe n foo taã. Gána lɛ a min din tumaa ka n foo taã, Dɛnaa Lawa na á pɛ. Ka n we yii dí li, ma tá kun ka nɛ. Dɛnaa Lawa Pàãyiidɛnaa a da ǹ boo n ke.

Zakarii 8:9

Dɛnaa Lawa bɛ́ boo mɛn pii á ke: «Ka n foo taã. Ka bɛ́ boon mɛnɛn miɛ pelo, a din boon lɛn manɛ ka ǹ ma Lawa a boo gii-dalin lɛ-n Lawa a kion lɛ a gòã daa li a doe waáraa.

Matiə 3:15

Yezu tɔ́n pɛ nɛ: «A giala, wɔ doamaa nɛ wɔ Lawa foo sii zɛnaa miɛ̃.» ZAÃ nɔmaa á lɛ kɔ.

Nya ǹ dín 13:22

Lawa bɛ́ á Sayulu bɔ á bɔ ǹ mìi la, á Davida bɔ á koa ǹ kii lɛa. Lawa na á boo kɛ pɛ a din lɛ wɔ gɔn la: «Masɛ n má Zesee a nɛgiĩ Davida yɛ min lɛa, a sii n kiɛ ma foo la parsiini. A din lɛ n die ma foo dùũ siin tumaa zɛnɛɛ a nə ǹ lɛ pã.»

Korɛnti1 16:13

Ka n yii dɔraa, ka goã doa-n sɔnbɔraa nɛ goleemali gɔ́ɔ̃ nɛ. Ka toa ka goã min kakan lɛa, ka foo n tã.

Galaasi minin 6:2

Ka n dɔ kɔn lɛ, ka kɔn a guĩ gũ. Bɛ̀ ka á zɛnɛɛ miɛ̃, ka ǹ *Krita a dí-pɛn lɛ sii.

Efɛɛzi minin 6:10

Bɛ tumaa kio, ka ga pàã li kaa tá kun ka Dɛnaa-n kɛ gɔ́ɔ̃ nɛ, ka ga a din a pàã gole kɛ li.

Timote2 2:1

N din wɔ paǹ li, nsɛ mɛn bɛ́ maa nɛ lɛa, wɔ bɛ́ Lawa a bǐɛ̃ mɛn giulun, wɔa tá kun ka Yezu *Krita-n lɛ gɔ́ɔ̃ nɛ, n dɔ nə n gɔn paraa bɛ lɛ ganaa, n nə n gù we yii.

Zaaki 2:8

Sonbore, kii Lawa dí-pɛ mɛn kɔ, bɛ̀ ka á bɛ tamaɛ á kɔnpii ka a boo ne, sii sonbore n ka bɛ nɛ ka á zɛnɛɛ. «N nə n miã kɔsɔ narɛ ka n bɛ́ n din narɛ lɔn.»

Zozoe 1:18

Min mɛn bɛ́ re n piɛ̃ ka n da ǹ boo ne, n bɛ́ re dí mɛn tumaa koe wɔ la, min mɛn bɛ́ re n bɔlɔ tii bɛ gɔ́ɔ̃ nɛ, wɔ́ á re bɛa dɛnaa dii a gã. Yǎa nsɛ nə n gù we yii n nə n foo taã!»