KZS1 21:7 - LAWA A BOO SONBORE

⁷ Bɛ́ sii bɔnɛɛ baa Lawa yii li, á dɔlɔ bɔ Izirayeli ganaa.

LAWA A BOO SONBORE 2011

⁷ Bɛ́ sii bɔnɛɛ baa Lawa yii li, á dɔlɔ bɔ Izirayeli ganaa.

KZS1 21:7 ပူးပေါင်းရင်းမြစ်များ

Samayeli2 11:27

A bɛ́ á ǹ zuũ lɛ a gɛ̀ koa á nya, Davida min dia á woo kũ á daa nɛ a din a piɛ. A ná a lɔ baa, á nɛgiĩ yɛ a wɔ lɛa. Sɛnɛ, Davida sii mɛn zɛnaa, a kɔɔ̃n kɔ Dɛnaa Lawa ganaa wa.

Samayeli2 15:26

Sɛnɛ, bɛ̀ á pɛ dɔn mà a ba masɛ li wa, bɛ̀ sii mɛn kɔɔ̃n kɔ a ganaa, a bɛ zɛnaa ma nɛ.»

Samayeli2 21:1

Davida a kiibaa biikoo li, bòo babaraa kɔn bɔ lɛ̀ sɔɔ kɔn kio. Bɛ gɔ́ɔ̃ nɛ, Davida nɔ̀n da Dɛnaa Lawa la, Dɛnaa Lawa tɔ́n pɛ nɛ: «Sayulu laanka a kion minin nə gɛ̀n mɛnɛn dɛ, bɛ na á daa ka kɛ nɛ. A giala, á Gabawɔ̃ minin dɛ ǹ nə́ gã.»

Samayeli2 21:14

ǹ nə́ ǹ kaa kun ka Sayulu laanka a nɛgiĩ Zonaatan wɔn nɛ, ǹ nə́ ǹ bĩ Sayulu ǹ di Kiisi a yala-n Selaa kiwi, Bɛnzamɛn tɔrɔn kɛn gána nɛ. Kii lɛ dí mɛn tumaa pɛ, ǹ ná a tumaa nya. Bɛ lɛ kio ne, Lawa tɔn nə n yɔrɔ bǐɛ̃ da gána lɛ la.

Samayeli2 24:1

Ǹ kɔn pinaa doo, Dɛnaa Lawa foo wusoo á yoo Izirayeli minin lɛn li. Á Davida nyɛnaa á da ǹ ganaa, á pɛ nɛ: «woo, n Izirayeli minin lɛn laanka Zudaa minin lɛn nimi.»

Samayeli2 24:10

Davida bɛ́ á zaman lɛ nimi miɛ̃, bɛ kio, a foo ná a din zɛ̀rɛ baa. Á tɔ́n pɛ Dɛnaa Lawa nɛ: «Ma sii mɛn zɛnaa, sii baraa gole gole ne. Kanna kəni, Dɛnaa Lawa, masɛ nə n nyankoe, bǐɛ̃ kɔ n kiɛ̃ maa sii baraa kɛ la, a giala, gàãnaabaa ǹ sii din taãn nə ka kɛ nɛ má zɛnaa.»

Kiin1 15:5

Dɛnaa Lawa na á bɛ zɛnaa, a giala, sii mɛn bɛ́ pepere a yɔrɔ-a Davida na á goã bɛ zɛnɛɛ. Davida a yiikoonaabaa tumaa gɔ́ɔ̃ nɛ, Dɛnaa Lawa goã dí-pɛn mɛnɛn koe la, a goã n piɛ̃ ka bɛ kɔn nɛ wa. Bɛ̀ á n bɔ Ɛti tɔrɔ, Urii a sii kɛ nɛ.

KZS1 21:14

Dɛnaa Lawa tɔ́n piɛ̃ busu dia Izirayeli, á Izirayeli min duu pɔsɔba (70 000) dɛ.

KZS1 21:6

Ǹ *Levii tɔrɔn laanka Bɛnzamɛn tɔrɔn nimi kunun ǹ ni wa a giala kii a boo lɛ kɔɔ̃n kɔ Zoabu ganaa duduu wa.

KZS1 21:8

Davida tɔ́n pɛ Lawa nɛ: «Sii baraa gole n ke ma zɛnaa. Kanna kəni biɛ̃kɔ n kiɛ̃ ń dí-nyali a siɛ̃ la, a giala maa zɛnaa ǹ sii n ka gàãnaa wɔ bɛ́ lɔn.»

Zozoe 7:1

Sɛnɛ, Izirayeli minin lɛn nə́ Lawa bɔlɔ tii. Dɛnaa Lawa bɛ́ á n gɔn waa ǹ nɛ, mà ǹ baran màn kɔn saa Zerikoo kiwi lɛ a yui pinaa wa, min yɛ ǹ bii á màn saa. Zudaa tɔrɔn kɛn min goon ne. A tɔ n Aakan, ǹ di tɔ n Karmii. Karmii lɛ n Zabdii a nɛgiĩ lɛa, Zabdii dɔ n Zeeraa a nɛgiĩ lɛa. Bɛa sii lɛ na á toa Dɛnaa Lawa foo yoo Izirayeli minin lɛn li parsiini.

Zozoe 7:13

Yoo n *gɔ̀ bɔ zaman lɛ ganaa. N die n pɛ ǹ nɛ mà ǹ gɔ̀ bɔ ǹ dinin ganaa biɛ̃ ǹ taman yii. A giala, masɛ Dɛnaa Lawa lɛ, Izirayeli minin Lawa lɛa, ma din ni má pɛ máa ma ǹ kurəə mànan mɛnɛn goa ganaa, máa bɛ kɔn tá ǹ dinin Izirayeli minin kɛn lɛn bii. Ǹ ba boe la ǹ nə n yɔrɔ da ǹ zɔ́ɔn lɛn la doɛ̃ wa, yǎa ǹ bɛa màn kɛ lɛ boe ǹ boe ǹ bii.

Zozoe 7:5

Ayii minin lɛn nə́ min pɔsɔɔwensɔrɔ kɛ miã dɛ ǹ bii. Ǹ nə́ gialakunun kɛn kaa ǹ nyɛɛnɛ ǹ nə́ ǹ loo, a saa kiwi lɛ a kiɛnlɛ ganaa, yǎa Sebarimu kiwi. Ǹ nə́ ǹ dɛ kele kɛa gisĩ ǹ bǎã nɛ. Zaman lɛ foo biɛ na, ǹ gɔ́ɔ̃ mu baa.