KZS1 21:30 - LAWA A BOO SONBORE

³⁰ Sɛnɛ, Davida á boe la á woe Lawa yɔrɔ-a walan wa, a giala Dɛnaa a lon a dia dí-a wole a gɔya sa lɛ na á nyɛ́ɛ gole da a ganaa.

LAWA A BOO SONBORE 2011

³⁰ Sɛnɛ, Davida á boe la á woe Lawa yɔrɔ-a walan wa, a giala Dɛnaa a lon a dia dí-a wole a gɔya sa lɛ na á nyɛ́ɛ gole da a ganaa.

KZS1 21:30 ပူးပေါင်းရင်းမြစ်များ

Samayeli2 6:9

Bɛa pinaa kɛ lɛ nɛ, Davida nyɛ́ɛ baa Dɛnaa Lawa a sii ni á tɔ́n pɛ: «Dɛnaa Lawa a lɛ kɔ kɔn la ǹ goo lɛ n die siɛ lɔn a tɔn da masɛ a kiwi!»

KZS1 13:12

Bɛa pinaa kɛ lɛ nɛ, Davida nyɛ́ɛ baa Lawa nɛ, á pɛ: «Man siɛ lɔn ma da ka Lawa a goo lɛ nɛ ma din li?»

KZS1 21:16

Davida nə́ n yii saa lon, á Dɛnaa Lawa a lon a dia dí-a wole lɛ yɛ golee ne lon laanka tán bii ni, a gɔya sa kooromaa nɛ a gɔn, á bɔyaa á dia Zeruzalɛmu la. Davida laanka min golen nə́ tɔ́n kaa tán ǹ lɛ la, boro n koe ne ǹ lɛ.

KZS1 21:29

Bɛa biikoo li, Muizu Dɛnaa Lawa a mɔnaa kion mɛn zɛnaa diə gole ne ka wúlu bɔ ǹ bǎã kɛ nɛ, bɛ̀ bɛn tá Gabawɔ̃ a wúlu bɔ ǹ bǎã kɛ nɛ.

KZS1 22:1

Davida tɔ́n pɛ: «Dɛnaa Lawa a kion nə ke kánaa. Izirayeli a *wúlu bɔ ǹ bǎã n ka kɛ nɛ, *wúlu màn tã ǹ wɔ lɛa.»

Zɔbu 13:21

Bǐɛ̃ kɔ, n nə n gɔn saa n bɔ ma la. N nyɛ́ɛ da ǹ siin kɛn, n nyan toa ma foo biɛ na bɛn nyɛɛn doo wa.

Zɔbu 21:6

Ma dinmaa ke, bɛ̀ má n taasɛ ka maa sii kɛ-n lɔn, nyɛ́ɛ n ma kuĩ, ma gɔ̀nɔn nə bìn diɛ.

Zɔbu 23:15

Bɛ lɛ na á toa, a yɛ din tá ma foo biɛ niɛ̃, bɛ̀ má n taasɛ nɛ, ma nyín nə soe.

Loen 119:120

Man nyɛ́ɛ biɛ n nɛ, ma gɔ̀nɔn nə́ bìn diɛ. N sii yɔrɔ bɔ ǹ boon lɛn man nyɛ́ɛ diɛ ma ganaa.

Loen 90:11

Die nə n foo-yoo a lɛ goa ǹ bǎã doɛ̃? N foo a busu min li bɛ́ nyɛ́ɛ mɛn diɛ, die n bɛa lɛ goa ǹ bǎã doɛ̃?

Zeremii 10:7

N doamaa-n ka gugurubaa nɛ tán tumaa a Dɛnaa. Bɛ lɛ nə n wɔ gii lɛa. Sii-dɔ̃lin tumaa bii tán la, ǹ gánan tumaa bii, min kɔn ba ka n bɛ lɔn wa.

Zeremii 5:22

Ka a ma guguru koe wa? Ka a nyɛ́ɛ biɛ ma-n wa? Dɛnaa Lawa a da ǹ boo ne. Ma din ni má nyɔɔsɔ̃ kaa tán yìsi mu gole lɛdan lɛa yǎa duduu, sɛnɛ a ba a la boe ǹ kɔn pinaa wa. A mu á boe la a yoo, sɛnɛ pàã n nyaabiɛ a ganaa. Á boe la a gini, sɛnɛ a ba re a la boe wa.

Timəə dí-pɛn 10:12

Sisia kəni Izirayeli minin lɛn, kaa Lawa, Dɛnaa Lawa n giɛ li, mà ka wàa zɛnaa? Bɛ̀ á n bɔ ka nyɛ́ɛ baa nɛ, ka kɔ a foo sii tumaa lɛ, ka narɛ, ka dí nya nɛ ka ka foo tumaa nɛ, ka ka gɔ́ɔ̃ tumaa nɛ.

Sii-nyaan 1:17

Ma bɛ́ má yɛ, má bɔ má mɛnaa a giulun ka gere bɛ́ lɔn. Á n gusin da ma la, á pɛ: «N nyan nyɛ́ɛ baa wa! Ma din nə bibinaa lɛa, ma din nə giala-nyɔmɔɔ dɔ lɛa.

Sii-nyaan 15:4

Dɛnaa, die na a re nyɛ́ɛ biɛ n nɛ wa? Die na a re n guguru koe wa? A giala mà n dinsɔɔ̃ n sonbore. Tɔrɔ din tumaa á re die n yɔrɔ-a, ǹ tumaa á re n guguru koe. A giala mà n peperebaa nə́ n din nyaa foaã sisia.»