KZS1 21:17 - LAWA A BOO SONBORE

¹⁷ Davida pɛ Lawa nɛ: «Ma din ni má pɛ máa ǹ zaman lɛ nimi. Má din ni má sii baraa zɛnaa, ma din ni ma baraa zɛnaa. Maa zaman a minin kɛn, bɛn nə sii kɔn zɛnaa baraa wa. Dɛnaa maa Lawa, toa dɔlɔ lɛ goã ma din mìi ni ka maa kion minin ni. Sɛnɛ bǐɛ̃ kɔ n nyan koe kɛ da n zaman mìi-n wa!»

LAWA A BOO SONBORE 2011

¹⁷ Davida pɛ Lawa nɛ: «Ma din ni má pɛ máa ǹ zaman lɛ nimi. Má din ni má sii baraa zɛnaa, ma din ni ma baraa zɛnaa. Maa zaman a minin kɛn, bɛn nə sii kɔn zɛnaa baraa wa. Dɛnaa maa Lawa, toa dɔlɔ lɛ goã ma din mìi ni ka maa kion minin ni. Sɛnɛ bǐɛ̃ kɔ n nyan koe kɛ da n zaman mìi-n wa!»

KZS1 21:17 ပူးပေါင်းရင်းမြစ်များ

Siin Giala 44:33

Sisia, ma nə n nyankoe, toa ma din giã bɛ̀rɛ lɛa nɛginin lɛ bǎã nɛ. Sabara baa, n toa a wo kun ka ǹ golon lɛn nɛ!

Samayeli2 12:10

Bɛ lɛ taman yii, zia ba re nyɛɛ n kion duduu wa. A giala, ma nə n masɛ puusə kɔ, ń Ɛti tɔrɔ Urii a lɔ saa ń baa n lɔ lɛa.

Samayeli2 24:1

Ǹ kɔn pinaa doo, Dɛnaa Lawa foo wusoo á yoo Izirayeli minin lɛn li. Á Davida nyɛnaa á da ǹ ganaa, á pɛ nɛ: «woo, n Izirayeli minin lɛn laanka Zudaa minin lɛn nimi.»

Samayeli2 24:17

Davida bɛ́ á lon a dia dí-a wole lɛ yɛ minin dii zaman lɛ bii, á boo da ka Dɛnaa Lawa nɛ, á pɛ: «Á ke, masɛ din ni má sii baraa zɛnaa, ma din zɛ̀rɛ nɛ. Yii ti-an kɛn dɔn man nə́ wàa zɛnaa kəni? Ma nə n nyankoe, dɔlɔ lɛ bɔ ma din laanka ma di kion minin ganaa.»

Samayeli2 7:8

Bɛ lɛ nɛ, wo pɛ maa dí-nyali Davida nɛ mà masɛ Dɛnaa Lawa mɛn bɛ́ pàã tumaa a Dɛnaa lɛa, mà masɛ n kɛ pii: «Ma din ni má n bɔ má n bɔ tɔɔn kio tɔɔn lɛduə̃ ǹ bǎã nɛ, màn mɛn bɛ́ toɛ n masɛ a zaman, Izirayeli minin lɛn mìilandɛnaa baa.

Kiin1 22:17

Misee ná a lɛ si: «Má Izirayeli minin tumaa yɛ pɛsiɛ̃-n kelen la, ka n pɛ mà sèren mɛnɛn nə́ ke ǹ lɛduə̃ wole ná a banban. Dɛnaa Lawa pɛ: Dɛnaagiĩ ba minin kɛn lon wa. Didie nə n bɔyaa a wo piɛ ka là nyantoro ne!»

KZS1 21:8

Davida tɔ́n pɛ Lawa nɛ: «Sii baraa gole n ke ma zɛnaa. Kanna kəni biɛ̃kɔ n kiɛ̃ ń dí-nyali a siɛ̃ la, a giala maa zɛnaa ǹ sii n ka gàãnaa wɔ bɛ́ lɔn.»

Loen 44:11

N din nə́ ń toa, wɔ́ baa si wɔa zɔ́ɔn kɛn nyɛɛnɛ. Min mɛnɛn bɛ́ wɔ biɛ zɔ́ɔ, bɛn nə́ wɔ gɔn màn yii goa.

Loen 51:14

Maa kirisibaa lɛ taman yii, n din wusoo n foo kɔɔ̃nbaa kɔ ma la, n din nə n dɔ ma lɛ n bɔlɔ si ǹ yiri kɔ ma la.

Loen 51:4

Maa kɔkɔrɔbaa ǹ siin kɛn tuturu, n ma *yoreen kɔ n ma bɔ maa sã ǹ sii ni.

Loen 74:1

Asaafu a loe mɛn bɛ́ daraa koe minin la. Lawa, wàa na á baa, ń wɔ daa kɛnɛn ka lenlen? Wɔsɛn man ka tɔɔ kuru bɛ́ lɔn, n din nə wɔ lɛduə̃li lɛa, wàa na á baa, n foo á goɛ̃ yoo-n wɔ li kɛnɛn?

Bɔ bɛ̀rɛbaa nɛ 20:5

N baran n kuməə bɛa lawan kɛn lɛn yɔrɔ-a, n nə ǹ guguru kɔ wa. A giala, masɛ din Dɛnaa, n Lawa lɛ, maa sii á kaka, maa lɛ koe lawa kɔsɔ ganaa wa. Man digolon sã a dɔlɔ boe ǹ nɛnyaanan ganaa, ka ǹ nɔ̀ɔnɔn nɛ, yǎa a woe doe nɔ̀ɔ fulupaa ganaa, bɛ̀ á daa yǎa ǹ ba masɛ narɛ wa.

Ezekieli 16:63

Bɛa biikoo li kəni, n yiri á die gisĩ ka lɛlɛ ǹ kɛ nɛ. Sìi á re n kuĩ, n yii din ba re we, n nə n lɛ bũ n boo da wa. Sɛnɛ, n sii baraa mɛn tumaa zɛnaa, ma á re ǹ toɛ n nɛ. Ma din Dɛnaa Lawa a da ǹ boo ne.

Zonaasi 1:12

Zonaasi pɛ ǹ nɛ, mà ǹ na asɛ saa ǹ na asɛ zũ kɔ̀ mu lɛ li ń giɛ a tá wɛɛ a n bɔ ǹ gialaa. A giala, mà asɛ á doɛ̃ mà asɛ din a lɛa nɛ piɛ̃ gole kɛ lɛ tá ǹ gialaa.

Rɔmu minin 9:3

ma dɔɔ̃nɔn lɛa, ma din tɔrɔ minin kɛn. Á kɔɔ̃n ma ganaa Lawa ma daa, a ma na dinin, a ma bɔ Krita ganaa ǹsɛn lɛa.

Zozoe 22:18

Kasɛn dɔn bɛ́ yui n niɛ n boe Dɛnaa Lawa ganaa pelo, ka nə́ n piɛ̃, biɛ̃ biɛ̃, a foo n die yui wɔsɛn Izirayeli zaman kɛ tumaa li.

Zaã1 3:16

Kɔn-narɛɛ bɛ́ màn mɛn lɛa, wɔ ǹ doɛ̃ kɛ lɛ li: Krita na á n din nyin kɔ wɔa lɛa. Wɔ dɔn doamaa nɛ wɔ n nyin kɔ wɔ dɔɔ̃nɔn lɛa.