KZS1 21:15 - LAWA A BOO SONBORE

¹⁵ Lawa lon a dia dí-a wole goon dia Zeruzalɛmu yui. A bɛ́ a gialaa yui ǹ mɛn waáraa, Dɛnaa Lawa ga, koe kɛ ná a foo ziziɛ̃ á la yii ni, á pɛ lon a dia dia wole Zeruzalɛmu-yuli lɛ nɛ: «Á tɛ kɔ! N gɔn susu kanna» A da yaa bɛ̀ Dɛnaa Lawa lon a dia dí-a wole lɛ-n golee ne Ornan a *belee duwəə ǹ bǎã li, ke Zebuzu tɔrɔn lɛa.

LAWA A BOO SONBORE 2011

¹⁵ Lawa lon a dia dí-a wole goon dia Zeruzalɛmu yui. A bɛ́ a gialaa yui ǹ mɛn waáraa, Dɛnaa Lawa ga, koe kɛ ná a foo ziziɛ̃ á la yii ni, á pɛ lon a dia dia wole Zeruzalɛmu-yuli lɛ nɛ: «Á tɛ kɔ! N gɔn susu kanna» A da yaa bɛ̀ Dɛnaa Lawa lon a dia dí-a wole lɛ-n golee ne Ornan a *belee duwəə ǹ bǎã li, ke Zebuzu tɔrɔn lɛa.

KZS1 21:15 ပူးပေါင်းရင်းမြစ်များ

Siin Giala 19:13

Wɔ n die kiwi lɛ yui sonbore. A giala, minin zɛ̀rɛbaa mɔnaa ǹ ganaa Dɛnaa yɔrɔ-a, bɛ lɛ nɛ, á wɔsɛn dia mà wɔ da yu.»

Siin Giala 6:6

Bɛ lɛ nɛ, Dɛnaa wusoo á n gɔ́ɔ̃ bii, ka wàa na á baa asɛ minbuiin nɛ zɛnaa, á da tán. A foo ziziɛ̃ bɛ gɔ́ɔ̃ nɛ,

Samayeli2 24:16

Lon a dia dí-a wole nə́ n gɔn saa á dia Zeruzalɛmu la, mà a n die basaã koe ne. Dɛnaa Lawa bɛ́ a ba li doo a bɛa basaã lɛ kɔ a wo-n nyɛɛn wa, á tɔ́n pɛ lon a dia dí-a wole lɛ nɛ basaã koe zaman lɛ bii: «Kɛ á boe! Kanna kəni, wusoo ka n gɔn nɛ.» Bɛa biikoo li bɛ̀ Dɛnaa Lawa a dia dí-a wole lɛ n golee ne kunu Zebuzun giĩ Arabunaa kɛa *belee duwəə ǹ bǎã kɛ li.

Samayeli2 24:18

A din pinaa kɛ lɛ nɛ, Gaadi daa dɔ Davida li á pɛ nɛ: «Zebuzu tɔrɔ Arabunaa bɛ́ a belee duwii bǎã mɛn nɛ, wo walan, n *wúlu bɔ ǹ bǎã dɔ Dɛnaa Lawa wɔ lɛa.»

Kiin1 19:4

Yilii dinmaa lɛ sɛ pinin goon tɔ wɔ diə gole ne. Á giã tán da goon giulun, á nɔ̀n da gɛ̀ li bɛ̀ á n pii: «Sii lɛ ma gɔ̀nɔn bɔ kanna. Dɛnaa Lawa, masɛ nyín si ma la, a giala, ma ba soɛ ma digolon man wa.»

KZS2 3:1

Kii Salomɔn Lawa a kion lɛ a doe giala kɔ Zeruzalɛmu, Moriya kele la. Dɛnaa Lawa na á n din nyaa ǹ dí Davida nɛ walan, Ornan a *belee duwəə ǹ bǎã nɛ, ke Zebuzu tɔrɔ lɛa.

Loen 78:38

Sɛnɛ, Lawa n makara doɛ̃ wole lɛa, a ǹ dɛ wa, a na á goã ǹ sãn toɛ ǹ nɛ. Biikoo gigiã, a n kirii a din foo la, a toa a foo yoo á la yii-n wa.

Loen 90:13

Dɛnaa Lawa, sabara baa n si n ganaa! N foo n die basɛ̃ biĩ? N din a dí-nyalin man wɔsɛn nɛ, bǐɛ̃ kɔ, n nə n yɔrɔ bǐɛ̃ da wɔ la.

Bɔ bɛ̀rɛbaa nɛ 32:14

Dɛnaa bɛ́ á goã mà a n die baraa mɛn zɛnɛɛ a din a zaman kɛ nɛ, á wusoo bɛ kio.

Bɔ bɛ̀rɛbaa nɛ 9:28

Ka Dɛnaa lɛ nyankɔ. La a paraa lɛ laanka la gii lɛ la yii ni. Ma á re toɛ ka woo, ka a re beleboe kànaa doo wa.»

Zeremii 26:18

Ezekiasi a kiibaa waáraa Zudaa gána mìi la, Lawa a boo gii-dali goon goã a tan Moresɛti min lɛa a tɔ n Misee. Á pɛ Zudaa zaman tumaa-n kɛnɛn: Dɛnaa Lawa Pàãyiidɛnaa n kɛ pii: «*Siɔn nə die n biɛ ka wuru gɔ́ɔ̃ kooro bɛ́ lɔn, hiĩ, Zeruzalɛmu n die kɛbɔlɔ biɛ. Lawa a kion a tenten ke, bɛ n die nyan tewon biɛ.»

Zeremii 26:9

A n siɛ lɔn n tá pii ka Dɛnaa Lawa tɔ nɛ mà Lawa a kion kɛ n die n ziziɛ̃ ka Siiloo wɔ kɛ bɛ́ lɔn! Mà Zeruzalɛmu n die bɔ̀n biɛ, ǹ na a zaman goa ǹ bɔ a nɛ.» Min mɛn tumaa goã Lawa a kion lɛ nɛ, ǹ tumaa yoo Zeremii gialaa.

Zeremii 7:12

Bǎã sonbore mɛn goã maa wɔ lɛa Siiloo, ka wo walan. Lɛlɛ, man má goã giã-n walan. Maa zaman Izirayeli minin baraabaa a lɛa ka ga a ganaa ma bɔyaa má baa lɔn.

Amɔɔsi 7:3

Dɛnaa Lawa tɔ́n sii lɛ a zɛnaa lɛ da, á pɛ mà bɛa re n zɛnɛɛ doo wa.

Amɔɔsi 7:6

Dɛnaa Lawa tɔ́n sii lɛ a zɛnaa lɛ da. Á pɛ mà bɛa re n zɛnɛɛ doo wa.

Zonaasi 3:10

Ǹ goã siin mɛnɛn zɛnɛɛ bɛ kio, Lawa yɛ mà maǹ wusii n boe ǹ sii baraan kio. Bɛ lɛ nɛ á makara bɔ ǹ ganaa, a goã mà a n die dɔlɔ mɛn boe ǹ ganaa a dɔ wusoo ka a kio ne, a bɔ doo wa.

Zonaasi 4:2

a foo yoo á kiɛ̃ a bǎã la. Á tɔn pɛ Lawa nɛ: «A din lɛ n ke le Dɛnaa Lawa, ma bɛ́ maa gána nɛ, man má goã má kɛ lɛ pɛ. Bɛ lɛ na á toa má saa lɛlɛ má baa si máa man woe Tarsisi. A giala, má goã doɛ̃ máa ma n Lawa lɛa, bǐɛ̃ biɛ, min makara doɛ̃. N foo a yui fufuu wa, n kɔn-narɛɛ dɔ n gole. Ta n pɛ mà ma n die dɔlɔ boe min ganaa, ma n wusii ka n kio ne.

Marki 14:41

A sɔɔbaa ǹ wɔ, a bɛ́ á wusoo á daa, á nɔmaa á pɛ ǹ nɛ: «Ka n tɔn nyuù we, ka á n susui? A lɛ pã kəni! Biikoo dɔ. Ka ga, ǹ tá re Min a Nɛgiĩ we sii baraa-zɛnaalin gɔn.

Korɛnti1 10:10

Wɔ nyan gungunun si dɔn, ka ǹ dɔn min tɛnɛn bɛ́ ǹ nə́ gungunun si lɔn wa. Bɛ lɛ a lɛa nɛ, lon a dia dí-a wole mɛn bɛ́ gɛ̀ dii, bɛ nə́ ǹ tumaa dɛ ǹ nə́ gã.

Sii yɔrɔ-bɔlen 10:16

Tɔrɔ kɔsɔn lawan kɛn, ǹ nə́ bɛn goa ǹ nə́ ǹ bɔ ǹ dinin li, ǹ nə́ dí nya Dɛnaa Lawa nɛ. Izirayeli minin nə goã nɔmaa mɛn we, Dɛnaa Lawa boo la á bɛ si a ganaa doo á belebɔ-n wa.

Sii yɔrɔ-bɔlen 2:18

Bɛ̀ Dɛnaa Lawa sii yɔrɔ-bɔle bɔ á kɔ ǹ la lɔn, Dɛnaa Lawa n goɛ̃ kun ka bɛa sii yɔrɔ-bɔle lɛ nɛ. A na á goã ǹ sii ǹ zɔ́ɔn la sii yɔrɔ-bɔle lɛ a yiikoonaabaa tumaa gɔ́ɔ̃ nɛ. A giala, min mɛnɛn nə goã fuu nyɛɛ ǹ nɛ, ǹ nə́ boe ǹ yii ni, ǹ goã ginii mɛn we bɛn yɔrɔ-a, bɛ lɛ na á toa ǹ makara Dɛnaa Lawa kũ.

Samayeli1 15:11

«Ma nə n gɔ́ɔ̃ bii, ka wàa nɛ ma Sayulu koa kii lɛa, a giala, a na á ma toa walan, a ba maa boo sii wa.» Samayeli foo yoo, á Dɛnaa Lawa nyankɔ tèlò-n á lɛ̀ waa nɛ.