KZS1 21:13 - LAWA A BOO SONBORE

¹³ Davida pɛ Gaadi ni: «Foo ziziɛ̃ gole n ma ganaa. Bɛ̀ má goã Dɛnaa Lawa din gɔn gɔrɔ, bɛ ásoɛ ma ganaa, a giala a makara doɛ̃ á gole parsiini, sɛnɛ ma nyan goã minbuiin nɛ gɔn wa!»

LAWA A BOO SONBORE 2011

¹³ Davida pɛ Gaadi ni: «Foo ziziɛ̃ gole n ma ganaa. Bɛ̀ má goã Dɛnaa Lawa din gɔn gɔrɔ, bɛ ásoɛ ma ganaa, a giala a makara doɛ̃ á gole parsiini, sɛnɛ ma nyan goã minbuiin nɛ gɔn wa!»

KZS1 21:13 ပူးပေါင်းရင်းမြစ်များ

Kiin2 6:15

Lawa a min Yiliizee lɛ a dí-nyali yoo baayɛlɛ yiisoone á soo, bɛ̀ sɔraasin nə́ ke ka sùin ni, ka ziabaa ǹ wotoron ne, ǹ nə́ kiwi lɛ lɛnpɛnɛ. Á n toa Yiliizee ganaa: «Dɛnaagiĩ, eebe! Wɔsɛn man die wàa zɛnɛɛ?»

Kiin2 7:4

Bɛ̀ wɔ́ pɛ, mà wɔ wo kiwi gɔ́ɔ̃ nɛ, bòo lɛ bɛ́ a nɛ, wɔ n die giɛ̃ walan. Bɛ̀ wɔ́ golee kànaa dɔ nɛ, a din gɛ̀ lɛ nɛ. Ka daa wɔ kiɛ̃ wɔ wo Siirii minin giã ǹ bǎã nɛ, bɛ̀ ǹ nə́ wɔ yii toa koo, wɔ goã le, bɛ̀ ǹ nə́ wɔ dɛ, wɔ gã le!»

KZS2 28:9

Bɛa kiwi lɛ nɛ, Dɛnaa Lawa a boo gii-dali goon tan a tɔ n Odɛdi. Á woo n da Izirayeli a sɔraasin lɛn lɛ, bɛ̀ ǹ bɛ́ die Samarii. Á pɛ sɔraasin lɛn manɛ: «Dɛnaa Lawa, ka digolon Lawa foo na á goã yoo-n Zudaa minin li, bɛ lɛ nɛ á ǹ wɔ ka gɔn. Sɛnɛ, ka ǹ dɛ ka kakaarɛbaa nɛ á la yii ni, yǎa á dɔ lon.

Loen 103:8

Dɛnaa Lawa tá min makara doɛ̃, a nə n yiri koɛ wɔ li, a foo a yui fufuu wa, kɔn-narɛɛ ná a foo pã.

Loen 106:7

Wɔ digolon nə goã, ǹ nə́ màn kɔn giala ma, n kaãbaa ǹ siin kɛn zɛnaa gɔ́ɔ̃ nɛ Ezipti wa. Ǹ yiri bɔ ka bǐɛ̃ gigiã kɛ nɛ, ń zɛnaa ǹ nɛ. Ǹ bɛ́ ǹ nə́ dɔ Sawɛɛ tà kɛ lɛ-a, ǹ nə́ n gɔ́ɔ̃ tii Lon a Lawa gole kɛ ganaa.

Loen 119:156

Dɛnaa Lawa, n makara-doɛ̃ á gole. Toa ma tɔ wɔ a kɔnpɛ ka n din a sii yɔrɔ bɔn kɛn nɛ.

Loen 130:4

Sɛnɛ, makara nə n din lon, n tá sã toɛ, bɛ lɛ n ke wɔ á re nyɛ́ɛ biɛ n nɛ.

Loen 130:7

Izirayeli minin lɛn, ka daa wɔ n foo doa Dɛnaa Lawa ganaa. A giala bǐɛ̃baa tá Dɛnaa Lawa lon, a min si sii la ǹ yɔrɔ mɔnaa.

Loen 5:7

Soɛ-bɔlen kɛn, n din nə bɛn nyin nyɛɛ. Min mɛn bɛ́ sii-durii zɛnɛɛ, á n gɛ̀ dii, bɛ sii goon ba Dɛnaa Lawa-a wa.

Loen 69:13

Minin sùnbaa ǹ bǎã nɛ, ma din tɔ nə ǹ lɛ-n, yɔ-milin man loe loe ma ganaa.

Loen 69:16

N baran toa mu lɛ pàã la ma nɛ, a ma saa, a wo ma-n wa. N baran toa yala zuzulu kɛ ma kũ wa. N baran toa dɔn tán nə n lɛ tã ma ganaa wa.

Loen 86:15

Sɛnɛ, Dɛnaa, nsɛ n Lawa lɛa, makara doɛ̃, n nə́ bǐɛ̃ zɛnɛɛ. N foo a yui fufuu wa, ma n piɛ̃-n ka kɔn-narɛɛ gole laanka bǐɛ̃ duduu ni.

Loen 86:5

Dɛnaa, n din mɛn bɛ́ bǐɛ̃ zɛnɛɛ, n nə́ sã toɛ, min mɛnɛn tumaa bɛ́ lɛ diɛ n la, n kɔn-narɛɛ á gole bɛn wɔ paǹ li.

Suusun 12:10

Min pepere tá n yiri koɛ a tɔɔn li. Sɛnɛ min baraa ba makara goon din doɛ̃ wa.

Izayii 46:7

Bɛ kio, maǹ siɛ ǹ da ǹ kɔrɔn, ǹ wo koa bǎã kɔn nɛ. Maǹ koɛ tán, a ná a bìn diɛ doo wa. Ta min nə n lɛ dɛ a ganaa, a ba n dɛnaa lɛ sii wa. Koe biikoo li, a min kɔn kirisibiɛ wa.

Izayii 47:6

Ma foo goã á yoo maa zaman li. Màn mɛn bɛ́ maa wɔ lɛa, má n la bɔ bɛ ganaa, má ǹ wɔ n gɔn. N makara bɔ ǹ ganaa boɛɛn dinin wa. Ń nə́ n pàã a gugurubaa da ǹ min zizin kɔrɔn, ka zǔu bɛ́ lɔn.

Izayii 55:7

Min baraan nə ǹ sii baraan kaa. Min mɛn bɛ́ baraa zɛnɛɛ, bɛa dɛnaa na a taasiɛ baraan kaa. Ǹ tumaa doamaa nɛ ǹ wusoo ǹ da Dɛnaa Lawa li. A giala, á re makara boe ǹ ganaa. Ǹ tumaa doamaa nɛ ǹ da wɔa Lawa li, a giala, a n sii baraan toɛ kooro.

Izayii 63:15

Dɛnaa Lawa, n toa lon n giã ǹ bǎã sonbore siĩn-siĩn kɛ nɛ, n ga sii kɛ ganaa die wɔ gialaa. N kɔn-narɛɛ gole ke wɔa paǹ li, bɛ á maa kəni? N pàã gole kɛ á maa? Wɔ yii ba n makara doɛ̃ laanka n bǐɛ̃baa kɛ ganaa wɔa paǹ li doo wa.

Izayii 63:7

Man ka yiri gisĩ Dɛnaa Lawa a bǐɛ̃ nɛ, ka sii mɛnɛn bɛ́ re ka diɛ a tɔ laakalaa ganaa: A sii mɛn tumaa zɛnaa wɔ nɛ, a bǐɛ̃ gole mɛn baa Izirayeli a zaman nɛ, a màn mɛn tumaa zɛnaa a kɔn-narɛɛ gole kɛ gɔ́ɔ̃ nɛ, ka a bǐɛ̃ damata kɛ nɛ á zɛnaa.

Busii pɛ 3:32

Ta a na á fuu da n mìi ni, a n wusii doo a n narɛ, a giala a bǐɛ̃baa á gole.

Zonaasi 3:9

Min ba boe sii la wa, kɔntan, Lawa bɛ́ mà a n die dɔlɔ mɛn boe, á re wusii ka a kio ne, a ba wɔ dii wa. Bɛ̀ á n baa miɛ̃, wɔ a re bɔ̀n biɛ wa.

Zonaasi 4:2

a foo yoo á kiɛ̃ a bǎã la. Á tɔn pɛ Lawa nɛ: «A din lɛ n ke le Dɛnaa Lawa, ma bɛ́ maa gána nɛ, man má goã má kɛ lɛ pɛ. Bɛ lɛ na á toa má saa lɛlɛ má baa si máa man woe Tarsisi. A giala, má goã doɛ̃ máa ma n Lawa lɛa, bǐɛ̃ biɛ, min makara doɛ̃. N foo a yui fufuu wa, n kɔn-narɛɛ dɔ n gole. Ta n pɛ mà ma n die dɔlɔ boe min ganaa, ma n wusii ka n kio ne.

Misee 7:18

N kɔnboe n ka wàa nɛ Lawa? N din nə minbuiinin sii baraa siɛ boe ǹ mìi ni. N din nə ǹ bɔlɔ-tii siin kɛn toɛ ǹ nɛ. N minin lɛn mɛnɛn yii goã koo, n din wɔn lɛn, n foo a die goɛ̃ yoo-n bɛn li miɛ̃ yǎa duduu wa. A giala, min makara doɛ̃ lɛ n kɔɔ̃nɛ n ganaa.

Abakuku 3:2

Dɛnaa Lawa, má n boo ma. Ma gɔ̀nɔn nə bìn diɛ ǹ nyɛɛnɛ, n sii dadaran zɛnaa a lɛa, Dɛnaa Lawa. Wɔa yiikoonaabaa gɔ́ɔ̃ nɛ, bɛa siin kɛn kɔnboe nyaa wɔ nɛ! Wɔa yiikoonaabaa gɔ́ɔ̃ nɛ, toa ǹ nə n dɔ̃! Ta n foo na á yoo, n yiri kɔ n din a makara doɛ̃ kɛ nɛ.

Zaã a sɛ́wɔ 12:27

«Masɛ gɔ́ɔ̃ wɛ̃maa-n sisia, man die pii máa wàa? Ma pɛ máa maa Díi ma kanbaa biikoo kɛa nɔmaa kɛ ganaa? Sɛnɛ, ma bɛ́ n má daa bɛa nɔmaa kɛ lɛ a wɔ taman yii.

Filipi minin 1:23

Bɛa sii màn paa kɛ n ma yiri baɛ̃ kɔn. Man taasɛ máa man bɔ yiikoonaabaa kɛ nɛ, ma wo giã kun ka Krita nɛ, bɛ n kɔɔ̃n ma ganaa á la a yii ni.

Ebrəə 10:31

Min mɛnaa Lawa yiikoonaa kɛ gɔn dɔlɔ a lɛa, bɛ á baraa taãn-taãnɛ.